للي راح شيكاغو

[N0oNa]

هاي
اللي له خبره في شيكاغو اماكن المطاعم العربيه و احسنها
احسن مناطق السكن للشقق
افضل الاسوقه و الاماكن السياحيه
شلون جوهم في شهر عشره و احدى عشر يعني اخذ شتوي و لا صيفي
للي راح يفيدني بليييييييييز

 

[متألقه دائما]

و الله ما ادري
ما رحتلها بس ما حبيت ادخل بدون ما ارد
و تقبلي مروري
متألقه دائما

 

[N0oNa]

تسلمين حبيبتي بس يا ليت الخوات الي راحو يفيدوني لاني رايحه علاج
و مشكوره

 

[ستيفاني]

هاي نونو
شلونك انا عايشه في شيكاغو من 9 سنوات لان زوجي يدرس وعنده بزنس هناك شيكاغو من احلي مدن امريكا وارقاها ولا تسمعين كلام الناس انها خطرة بس بالsouth لان يسكنها العبيد هى الخطرة وبما انك رايحة علاج اكيد المستشفي مال الجامعة وهو بالجنوب بس السكن خليك بالدوان تاون آمان اكثرالسكن في شيكاغو يتطلب رقم الضمان الاجتماعي وبما انك كويتية يعني اجنبية ما عندك رقم ضمان وهى مشكلة بس تقدريم تسكنين بالفنادق القريبة من ميتشيغان افنيوز وهو شارع السوق الكويتيين قلة في شيكاغو حتى الطلبة لان الوزارة ما تدزهم الانها غالية حيل التاكس 9% تسئلين عن مناطق العرب روحي شارع اسمة كيدزي وهو فية البقالات العربية تقدرين تشترين كل اغراضك منه دير بالك من مكتب استقبال المرضى في المستشفى لانهم كلهم عرب ونصابين راح يسكنونك في الفنادق اللي تعطيهم عمولة مثل الماريوت وهو باليلة 120 دولار يعني بالشهر قريب 4 الافدولار يعني طارت المخصصات وهم يعطون الفرد 3الاف دولار ودير بالك العيشة غي شيكاغو غالية حيل بالنسبة للمطاعم في مطعم ايراني اكلة زين ويقع في شارع استيت في شيكاغو استعملي الاندرجراوند في مشاويرك اما روحتك للمستشفي روحي بالتاكسي يبعد ثلث ساعة عن الداون تاون ياخد جريب 20 دولار اما ادا المستشفي ما لك الموموريل فهو قريب بالدوان تاون الجو فيها بارد حيل والسنو من شهر 11 يبلش وبردها اكثر من نيويورك
دفي نفسك حاولي تروحين ت
اجرين شقة بس قولي لهم ماعندي رقم الضمان يمكن يطلبون يامين ما عليه بس ارخص من الفنادق وانصحك بالسكن فر عمارتنا وهى ناطحة سحاب موقعها ممتاز من الجنوب تشوفين سيرز اعلى ناطحة سحاب بالعالم والشرق تطل على جون هانكون ايضا ناطحة سحاب والبناية قريبة من بناية اوبرا يعني تصيرين جارتها انا مأجرة one bed roomب2000دولار من غير اثاث اسم البنايو one supeir placeاو في بناية جرانداغلى منها بشوية بس اعلى.....بالتوفيق والتردين بالسلامة وسلمي لي على شيكاغو راح تحبينها ما تنسي:eh_s(6):

 

[N0oNa]

مشكوره حبيبتي و ما تقصرين انا انشالله بقعد في شقه تكون بعيده عن الجنوب لان منطقه خطره و الداون تاون يقولون زحمه قالولي روحي مناطق الشمال احسن شي و انا باجر سياره احسن و مشكوره على هالمعلومات

 

[nawnaw]

انا رايحه لها سياحه كم مره
انا سكنت في مناطق شمال شيكاغو .. اقرب لي وسكونسن .اسم المنطقه لنكولنشاير وايد حلوه وهاديه
فعلا شيكاغو وايد حلوه ,,والداون تاون وايد حلو وامان
وعن السكن ..الافضل ان تسكنين قريب يم المستشفي اللي بتتعالجين فيه

 

[ستيفاني]

هلا شلونك مناطق الشمال فيها منطقة كيدزي اللي قلت لك عنها في منطقة ليولا حلوه ورخيصة الاجارات بس كلها هنود اما السيارات فانصحك لا تشترون او تأجرون سيارة لان الباركينج غالي في شيكاغو الساعة توصل 12دولار بمناطق الدوان تاون واقل شيء 4دولار برة الدوان تاون اما عن المناطق السياحية فالاسف انت رايحة والجو بارد البحيرة تتجمد في نفي بير وهي مدينة ملاهي علة البحيرة حلوة ومسكرة ما تحسين بالبرد النهر والمراكب ما يسوي بعد برد روحي لجون هانكون ناطحة سحاب يصعدونك للدور 94 باسنصير يصعد باقل من دقيقة ما تصدقين والمنظر عجيب وفي مطعم عجيب تحت البناية اسمه cheese factoryاكله حلو وفي شارع ميتشغان وهو شارع السوق كله مولات ومحلات حلوة وفي منطقة loopحلوة وفيها اسواق وفيها حديقة حلوة اسمها الملينيوم تصير فيها حفلات ليف انا حضرت لهانا مونتانا حفلة ولهاي سكول حفلة قبل سنتين واستانست بنتي في عندك بعد في شارع استيت جنغل لاند حديقة حلوة وغريبة حق اليهال وفيها مطاعم وهي يم هارد روك قريبة من بيتي تقدرين تطلعين من شيكاغو في الويك اند يمك انديانا واوهايو ومتشيغان شمالها وقريبة من كندا علشان جدية هي باردة وسلامتك

 

[ثاعدوني]

ستيفاني

ماقصرتي والله

استفدت وايد من معلومات

وبالنسبه للسوق شنو الاشياء الغريبه الي مو موجوده بالكويت ؟؟

 

[ستيفاني]

هاي شلونكم اللي تسأل عن الاسواق في شيكاغو فهي حلوة وايد وخاصة الساكس وميسز وديلر والماركات رخيصة مرة في امريكا وخاصة كالفن كلاين وبولو وارماني وتومي وراح تشوفين انها ماركات عادية والدليل اسعارها مو عندنا يدبلون الدولار بالدينار فية محل وايد حلو ورخيص وموجود بكل الولايات والمدن الكبيرة اسمه t.j.max وقبل لا انسى فيه محل غريب موجود بس في نيويورك وشيكاغو ولوس انجلوس اسمه amrecan girlالمحل غريب تشترين منه بدلة بنتك ومعها عروستها لابسه مثل بدلتها وادا اختربت العروسه تردينها لهم عندهم مثل المستشفى يصلح لك العروسه ويردها يديدة وفيه كوفي ومطعم حلو لليهال وهو مقابل بناية اوبرا ويمه مطعم وكافي بولو العجيب وسلامتكم

 

[ثاعدوني]

واااااااااي ستيفاني

ماقصرتي علي المعلوات الروعه

انزين الماركات الي قلتي عنها وين القاها يعني كل ماركه بوتيك خاص ؟

بقيت اسالج عن بوتيك شانيل وال في موجود بالداون تاون ؟؟

بنايه اوبرا ونفيري موجوده بشيكاغو ؟؟

>> ادري اسالتي وايد بس تحمليني ^^

ويعطيج الف عافيه

 

[N0oNa]

مشكوره حبيبتي و ما قصرتي صج ساعدتيني وايد و على انشالله على اول الشهر الياي في شيكاغو
و بليز مثل ما قالت ثاعدوني شنيل وين موجود هناك
علاج و نتسوق شوي