للي رايحة المانيا ضروري تدخل؟؟؟؟؟؟؟؟بليز؟؟؟؟؟؟؟؟

[لوللل]

السلام عليكم
شلونكم؟




بنات انا ابروح لالمانيا وما اعرف عنها ولا شي ابي اعرف عنهم شلون معاملتهم الاسواق الحداق وكل شي بليز؟؟؟؟؟؟؟؟؟
ولا احد يطلع لين يكتب شي:gathering:

 

[أم عبداللطيف]

هلا والله تروحين وتردين بالسلامة

انا رحت بس العاصمة موينخ

حلوووو سوقها
بس ما فيه رحلات ومناطق حلوة انتي روحي ديرة ثانية مثلا فينا وزلمسي وعقبها روحي موينخ عشان السوق تكون حلوه لانه شوي مو مالت رحلات

والله يوفقج

 

[chocolat]

هلا حبوبه اتروحين وتردين بالسلامه ان شاء الله و الله انا رحت المانيا و من المانيا رحنا زلمسي و سويسرا و فينا و فرنسا لان كنا اماجرين سياره ونزلنا بمطار فرانكفورن و منها رحنا منطقه اسمها فرايبورج حلوه وهاديه و فيها جبال حلوه و يمها مدينه ملاهي كبيره من طقة دزني جان سامعه فيها europa park حدها حلوه و ماتكفيج يومين لعب وايد حلوه و رحنا ميونخ فيها منطقه اسمها جارمش فيها اعلى قمه في المانيا حلوه وروحي سويسرا و رحنا فرنسا منطقه ستراسبورغ حلوه و سوقها حلو انا تسوقت من اهناك و عقبها رحنا فينا هم حلوه ويه حسيت قرقت عليج

 

[مســـــافره]

انا بس رحت ميونخ حق التسوق وكان سوقها حلو

 

[لوللل]

:ada:



انا ابروح لمنطقة اخن لان ولدي مستشفاة هناك بس ابي حدايقهم شسمهن
وشلون اذا بغيت اروح حق لندن عشان اهلي هناك واحنا عندنا موعد بالمانيا وابي تفاصيل اكثر حبوبات
ومنتجاتهم حلوة وشلون الدولة غالية او رخيصة واذا عندج ارقام تاجير شقق والدولة نظيفة او لا
لاني رحت حق لندن قبل سنة وصخة بمعنى الكلمة
:eh_s(1):

 

[لوللل]

:ada:



انا ابروح لمنطقة اخن لان ولدي مستشفاة هناك بس ابي حدايقهم شسمهن
وشلون اذا بغيت اروح حق لندن عشان اهلي هناك واحنا عندنا موعد بالمانيا وابي تفاصيل اكثر حبوبات
ومنتجاتهم حلوة وشلون الدولة غالية او رخيصة واذا عندج ارقام تاجير شقق والدولة نظيفة او لا
لاني رحت حق لندن قبل سنة وصخة بمعنى الكلمة
:eh_s(1):

 

[فتحووه]

الدوله وايد حلوه وروعه احلى دوله باوربا صراحه وشعبها اقي ونظيفه واماكنها حلوه وشرحه بس غاليه

 

[أم الغلا كله]

الصراحة ميونيخ وااايد حلوة ونيسة وفيها تقريبا 20 مكان سياحي طلعته من النت كتبي بقوقل السياحة في ألمانيا بمنتدى المسافرون العرب يمكن كل شي عن المانيا خاصة ، لازم تننظمين رحلة لميونيخ ومثلا فرايبورغ وشتوتغارت والمناطق اللي يمهم وعسى الجميع يروح ويرد بالسلامة

 

[@ضحاوي@]

حبيبتي أنا الحين بألمانيا وصار لي 3 أسابيع في هامبورج بصراحة الديرة حلوة وطبيعة جميلة والناس حبوبين بس صراحة السوق حيل ممل يمكن بالمنطقة اللي أنا فيها يعني مولات الكويت وايد أحلى وصراحة غالية بالنسبة لي أغلى من لندن واليورو مافيه خير بسرعة يطير
وأحلى شئ بصراحة الصيدليات والسوبرماركت ومنتجات نيفيا وغارنييه ولوريال عندهم فناتق مو عندنا...بس هذا اللي أحس غريب ولا الأكل كللللش مو شئ خصوصاً إنا لازم ناكل ذبح إسلامي وإذا مالقينا مطعم تركي تصك فيني الدنيا...بس عموماً وايد حلوة من ناحية الجو والمعاملة الناس راقية وحبوبة حيل وتحب تساعد بس الإنجليزي مشكلة عندهم أغلبهم ما يعرفون!!!!​

 

[yassoo]

فرانكفورت حلوه حق تسوق ووايد رخيصه
بس عيبهم ان الواحد هناك اي واحد تتكلمين معاه انجليزي يرد عليج بالالماني فيهم نحاسة شويه بس فيها مغاربه وايد
موفقة انشالله

 

[توتة الحلوة]

شوفي مواضيع البنات اللي كاتبين عن ألمانيا ...ترى الآراء مختلفة بس انا شخصيا أموت على المانيا

 

[سيدة الكويت]

بين برلين ...............وميونخ شكثر جم ساعه
بالسياره ولا القطار

واى منطقه حلوه لليهال وللتسوق وكل شئ

ويعنى وين نطب احسن بالطياره لأن برلين مافيها مطار جم تبعد عن فرانكفورت؟

 

[دلوعة المطران]

:ada:



انا ابروح لمنطقة اخن لان ولدي مستشفاة هناك بس ابي حدايقهم شسمهن
وشلون اذا بغيت اروح حق لندن عشان اهلي هناك واحنا عندنا موعد بالمانيا وابي تفاصيل اكثر حبوبات
ومنتجاتهم حلوة وشلون الدولة غالية او رخيصة واذا عندج ارقام تاجير شقق والدولة نظيفة او لا
لاني رحت حق لندن قبل سنة وصخة بمعنى الكلمة
:eh_s(1):

ياقلبي دامج بتروحين اخن (( مالت المستشفيات )) انصحج بمنتزه فالز .. كلمه رووعه شووي عليه قبل 3 سنين رايحتله وقعدت فيه شهر وقريب من عنده منطقه كولوون (( عالم الموضه )) احلى دور الازيااء هناك وانشالله نهااية هالشهر برووح المانيا انشالله اذا الله كتب .. لان اهلي بيرووحوون .. وودي الحقهم انا وزوجي _03ba:

 

[دلوعة المطران]

وفي شغله بضيفها لج احلى مافي المانيا انج تقدرين ترووحين هوةلندا وبلجيكا لان ماكوو حدود بينهم

واذكر قبل كنا ساكنين بمنتزه فالز بهولندا وقريب من اخن اللي اهووا بالمانيااا وكل نهاية اسبوع نتعشى ببلجيكااا صج كانت احلى سفره لي ..

 

[om 3bdullah]

المانيا حلوه وغاليه بكل مدنها بس اللي لاحظته شعبها بالغصب يرد عليج بالانجليزي يعني معتزين بلغتهم واااااااااايد وبعد بعضهم معاملتهم مو شي فيها نوع من التكبر

بالنسبه لبضايعهم حلوه وراقيه بس غاليه سعرها فيها

هذا اللي حاضرني الحين ان تذكرت شي برجع اقولج

 

[ررريهام]

السلام عليكم ورحمة الله وبركاته
بنات ابى منكم معروف الى بتسافر لفينا ها السنة ياريت تقولى علشان اختى كانت موجوده عندى بالكويت زيارة العام الماضى

وابنها نسى عندى شريط بلاى ستشن وهو عايز الشريط كل ما يكلمنى يقول ابى الشريط ياريت الى بتسافر فينا بعطيعطيها رقم اختى

وهى تتفق معها واختى تروح لها بالمكان الى تحددة اختى مقيمة بفينا وتعرفها جيد

ولكم جزيل الشكر فى ميزان حسناتكم

وهذا اميلى ارجو مراسلتى علية[email protected]