للي رايحين ميونخ و زلمسي يدخلون يفيدوني

[um ramosa]

:eh_s(7):
السلام عليكم.

شلونكم بنات عساكم بخير :eh_s(15):



بإذن الله ناويه أسافر اوروبا بالصيف مع زوجي و بنوتي الغاليه (5years)

و مفكره نروح ميونيخ و زلمسي و فرنسا فا اللي مسافره لهم تعطيني فكره كافيه عنهم لأني محتاره مع بنوتي وأبيها تستأنس من هالسفره

وشكثر نحتاج نقعد بكل منطقه و شنو احلي الاماكن الموجوده فكل منطقه ؟؟؟


ف ياريت تساعدوني و تفيدوني بالموضوع واللي عندها افكار ثانية تقولي و شكرا *

 

[7oooor]

ميونخ وزلمسي قريبين من بعض ويصير سهل التنقل بينهم تقريبا ساعة بس باريس بعيدة تقريبا 8 ساعات فاسهل تصير الرحلة ميونخ وبعدها زلمسي وبعدها العودة من فيينا وتكون فيينا بدل باريس بالرحلة

 

[ά38Ł miήόήά ㋡]

ششوفي حبيبتي انا رحتهم كلهم

زلمسسي رووعه ششويه عليها

رآح تستاانسوون فييهاا فيها مطااعم عربيه مثل علي بابا ومطعم اسطنبوول

واممم وفي منطقه اسمها كابرن او شي جذي بينها وبين زلمسي ربع ساعه جذي ثلج وفيها تلفريك رحنا بالباص وصلنا هناك

واجرنا سيااره ورحناا ميوونخ وهم رحنا زيوورخ

الماانياا مآحبيتها شوي نفسيه انصحج تروحين سويسرا ااحلى

واذا ع البنووته الله يخليها لج تقدرين تودينها اوروبا بارك باألمانيا

واذا تقدرين تروحين فرنساا دزني لااند احلى واحلى

واي سؤؤال انا حاااضر

 

[um ramosa]

تسلمون خواتي العزيزات عالرد

و

جم يوم تحتاج كل منطقه نقعد فيها ؟

و شنو احلي الاسواق الموجوده بهالمناطق ؟

و شنو احلي الاماكن السياحيه الموجوده فيها ؟

و جم تقريبا كلفكم السفر لمثل هالمناطق ؟

 

[دلوعة أبوهآ]

انا رحتهم كلهم
باريس ماحبيتهآ مآدري .. : (

النمسآ وميونخ خيااااااااال
امممممم تكفيكِ 15 يوم اذا بدون مدينه ثالثه !!

روحي أول شي ميونخ قعدي فيها 3 ايام ... هذا حدها
لآنهأ كلها شوبينق ومآفيها مولآت ولآ اماكن كثير
بس حيل حيل حيل حبيتهآ عكس كلام الناس اللي أزموني يوم قآلوا ميونخ أو المآنيا بشكل عام كئيبه ..
انتي لاتسمعين لآحد

نصيحه روحي وجربي وشوفي بنفسك وبعدهآ احكمي ..

آلمهم بعدهآ خذينآ سياره ورحنآ سالزبورغ 3 ايام وبعدها زيلامسي 5 آيام ..

ممكن اذا حآبه تضيفين مدينه ثالثه براحتك
بس لآتكثري تنقلآت عشان لالاتتعبين مع بنتك


وسفره موفقه حبيبتي

 

[ά38Ł miήόήά ㋡]

شوفي انا اقول انزلي بميوونخ واجري سياره هناك حق 10 ايام < اتوقع يطلع عليج 150 او 200 بهالحدود < اذا ماا اجرتوا ترى يمكن يطلع عليج اكثر اذاببااص ولا قطار وحوسه بعد وانحاااشي عن التكااسي نااار واقعدي بميونخ 4 ايام وروحي زلمسي اقعدي فيها 5 ايام :
اليوم الاول تمششوا فيهاا
اليوم الثاني اركبوا القارب هنااك بالبحيره
اليوم الثالث روحوا كابرن
اليوم الرابع روحي حديقة الحيواان
اليوم الخامسس روحي الشلالات
واسالي عن الكهف الجليدي والطائره الشراعيه

هذا خطه لاسبوع تقريبا .. اذا تبين اكثر طبعا راح تقدرين تروحين مناطق ثانيه بسويسرا < تهبل


بالنسبه لنا احنا كنا 5 اشخاص كلفتنا السفره كلها 5 الاف ةكسسور بس ها احنا قعدناا ششهر يعني يمكن يكلفج اذا اسبوع الف بدون التذاكر

 

[عزاااه]

انا حجز ٤ تيام بادن بادن حق يوربارك و٧ ايام انترلاكن و٧ تيام زلمسي٤ تيام ميونخ من بادن بادن بروح استراسبرغ فرنسيه من انترلاكنبروح ميلان مع لغانوا

 

[7oor-el3uoon]

اول شي ابي اقولج عن زلمسي



قضيت 6 ايام بزلمسي بشقق نيو بوست وهي قريبه من محطه الباصات والبحيره وبعيده عن ازاعاج السنتر

نصيحه لاخواني وخواتي اللى مسافرين زلمسي ابتعدوا الشراء من السوبرماركت التركي لان اسعاره غاليه حيل تخيلو لو تشتري بطل ماي صحه صغير من السوبرماركت التركي يعادل سعره انك شاري بطلين وزيادع من سوبرماركت بيلا ولا سبار

احسن شي بالنسبه لخطوط الاتصال تشتري من السوبرماركت التركي خطوط اسمها eety سعرها 15 يورو وفيها رصيد يورو وهي رخيصه لاتصلات الكويت

انصح اخوانى اللى معاهم عيال صغار ان يزورون حديقه الالعاب خلف القراند مقابله للبحيره يلعبون علي كيف كيفهم ويستانسون

انصح الىل معاه عيال بعد حمل جنطه علي الظهر فيها ماي صحه ومناديل مبلله وبطل ماي فاضي للوضوء واكل خفيف للجهال

هذا مادلي من معلومات ونصائح حاليا وان شاءالله اوافيكم بالباقي بعد شوي



والحين ميونخ

ابي اعطيج الاماكن الي رحتلها


يا هلا بك وبمرورك يا بدوي اللي شرفتني به
ويا هلا بك في الاراضي الالمانية
عموما بالنسبة لفندق كمبينسكي اذا كان اللي في المطار فهو درجة اولى ولكنه بعيد عن مركز المدينة
واختيارك لفندق الميريديان يعتبر موفق حيث انه درجة اولى وقريب من المحطة الرئيسية

( الhauptbahnhof) وقريب من مركز المدينة من اسواق وكافيهات وسينما واسواق رائعة


عموما بابتدي لك بالسكن

السكن في الشقق يعتبر مفضل للعائلات الخليجية وخاصة الكبيرة في العدد ولكن ( معظم شقق ميونخ غير مكيفة وعادة اصبح شهر 7 من الاشهر الحارة في ميونخ يعني كخليجين راح تطلع عينك بدون مكيف )

الفنادق يفضل الفندق اذا كان زوج وزوجة او عائلة صغيرة

والفنادق

من حيث الموقع ( يعني قريبة من مركز المدينة والمطاعم ومحطة القطار والاندر قراوند عشان تسهيل مهمة التنقل )
يعتبر (

فندق الميريديان Le Meridien

ميركيور
Mercure Hotel Muenchen City

- الهيلتون وفيه 2 هيلتون يفضل هيلتون سيتي لانه اقرب ومحطة القطار تحته -فيه فنادق كثيرة زينة بس هي بعيدة عن المركز وعن محطات القطار نوعا ما )لذلك انصحك ب فندق الميريديان أو ميركيور

الشقق عندك شقتين مجربتهم ولكن بدون مكيف ويقولون السنة راح يزودونهم بمكيف تقدر تراجع معاهم يتميزون بقربهم من شارع المشاة ( المارينا ) وسوق الخضار واللحوم والخبز وغيره يعني حق شقق وتطبخ تمام التمام )

الشقق هم :

1- maximilian apartments munich
2- stollberg plaza munich

وبما انك راح تأجر سيارة انصحك في ميونخ لا تستخدم سيارة لانها ما تحتاج ولكن اذا رغبت في التنقل خارج ميونخ يفضل وجود سيارة مثال ( رغبت في زيارة الغابة السوداء او كولون او ديسلدورف او اوروبا بارك وغيرهم اعتقد راح تنفعك السيارة بس داخل ميونخ ما انصحك راح يكون القطار والاندر قراوند يفي بالغرض )

الاماكن السياحية والترفيهية والمطاعم :داخل ميونخ :

1- bavaria films stadt وهي حديقة لصناعة الافلام يعني اشلون يسوون افلامهم وفيها بعض الالعاب للاطفال .

2- lego land وهي مدينة العاب حلوة من التركيبات وهذا موقها تقدر تشوفها اكثر
http://www.legoland.com/

3- حديقة الحيوان thalkirshen zooحديقة صغيرة وبسيطة

4- حديقة العاب اوروبا بارك وهي بعيدة عن ميونخ تقدر تروح لها يفضل بالسيارة
وهذا موقعها http://www.europapark.de/ وفيها فندق الاندلس راقي

5-حديقة anglish gardan هي عبارة عن حديقة للتمشي وفيها بحيرة وتاجير قوارب

6- حديقة الرقص تنفع حق يوم الاحد يكون فيها مطاعم على البحيرة وهي منطقة ريفية وفيها يوم الاحد العجايز حقهم يرقصون يعني تنفع حق يوم الاحد لانه طويل وفيه تاجير قوارب ايضا اسمها starnberg

7- herrsching وهي منطقة حلوة تقع على البحيرة وفيها مطاعم وتاجير مراكب ايضا

8- متحف هتلر اذا كنت من محبي المتاحف dachau stadt

9-حديقة الغزلان تنفع اذا كان فيه اطفال poing

10- حديقة العاب مؤقته تفتح في شهر 8 وهل حديقة الاولمبياد olympia zentren

المطاعم :

مشكور على نصيحتك عن مطعم البيتزا بس انا كله يصادفني فيه مصري من حسن حظي

1- مطعم سفرة خانه( pars restaurant) مطعم ايراني عنوانة ( dachauer strasse 19)

2- مطعم الدهباشي ( dehbaschi) هو مطعم ايراني عنوانة dachauer strasse 36)

3- مطعم ارابيسك ( arabesk) مطعم لبناني ايراني وهو يفضل للعائلات غداء فقط ام العشاء فيكون اكثر تواجد للشباب لان يكون فيه رقص شرقي وغيره.

4- المطاعم التركية وهي موجودة بكثرة عند امممممممممممممم اذا طلعت من فندق الميريديان روح على يدك اليمين يعني كنك رايح حق مطعم البيتزا والهندي وغيره كله مطاعم تركية واسلامية حلال .

5- بالاضافة الى مكدونالدز وربعة .

6- بالاضافة الى المطاعم الموجودة في محطة القطار المحطة الرئيسية فيه مطعم ( برجر كينغ والمطاعم حقت السندويشات واسواق وجمعيات صغيرة لتقضي الحوائج )

فيه مطاعم كثيرة من تتمشى راح تشوفهم بس لان ممكن تشتاق للعيوش حطيت لك الايرانية واللبنانية

الاسواق :

1- سوق المشاة او شارع المشاة marien platza روعة هالشارع فيه قهاوي مطاعم سناتر من كل نوع ويتفرع منه شارع الماركات وفيه كنيستهم حولها كله قهاوي.. تونس حزة العصر و المغرب وهو شارع حي يمكن التمشي فيه حتى ساعة متاخرة بدون خوف لانه فيها كل العرب والاجانب وبعض البهلوانين والمغنين وغيرهم .

2- سوق الاولمبياد olympia zentuum وهو مجمع فيه محلات راقية وكافيهات ومطاعم

3- شارع الماركات odeons platza

4- مجمع اسمه اعتقد ( احنا مسمينه الريم لانه مكتوب عليه ...ream)يقع في محطة الاندرقراوند التالي اسمها على ال ( u2-u7) اسم المحطة messestadt-west
مجمع حلو يستحق الزيارة

5- اسواق بعيدة بالقطار السريع ساعة واطلقنا عليه السوق البعيد يقع في منطقة (ausgang burg)

لاتفوتك كولون لاني احبها واااااااااااااااااايد لابد من زيارتها فهي روعة

نسيت اقولك ان السالزبورج وزلمسي ومونسية وهي مناطق قريبة من بعض تستحق الزيارة فالطبيعة خيااااال


اذا رغبت اخوي في ان ارسل لك صورة من خريطة الاندرقروند انا في الخدمة عطني خبر عشان افتح خدمة الرسائل لارسال عنوانك البريدي لارسلها لك بالبريد

واذا قدرت اسوي لها سكنر وارفع الصورة في المنتدى راح يكون افضل لتعم الفائدة ولكني ما زلت لا اعرف راح انتظر ليوم الاحد عشان ترفعها لي وحدة من زميلاتي

 

[7oor-el3uoon]

ومشكورة

 

[7oor-el3uoon]

وتقبلي مروري

 

[حسن الخاتمة]

ماشاء الله الخوات ماقصرو انارحت لهم مرتين زلمسي حلوه آخرمره رحت لها من سنتين وتقدرين تروحين شلالات كريملر عجيب وحلو بس لازم معاكم سياره الطريق تقريبا ساعه واكيدتقدرين تمرين سالزبورج الافضل التنقل بين ثلاث فنادق لتقليل التعب يعني ممكن ميونخ وعقب زلمسي وآخر شي سازبورج لان فيهامطار اوفينا بس انا كلش ماحبيتها كانت حاره وايد والمسافه بعيده من زلمسي لما فينا اكثر من اربع ساعات بس الي احلي منهم وبلامنافس سويسراوبسسسسسسس

 

[um ramosa]

مشكووورين وايد والله يعطيكم الف عافيه كفيتوو و وفيتوو;**


بس عندي استفسار مصنع شوارفسكي يبعد شكثر عن ميونخ و يسوي الواحد يتعنا له والا لا ؟؟؟





ما ننحرم منكم *

 

[l0ve]

لي رجعة مشكورين

 

[ام نورا1111]

سلام عليكم
أروبا بارك كم تبعد عن ميونخ

 

[دانه الخليج]

يسلمو بنات علي المعلومات لان نفس رحلتي السنه هذه ان شاءالله

 

[طبعي مزاجيه]

بعد اذنج صاحبه الموضوع ودي اسأل البنات
انا ودي سالزبورغ وزلمسي وسويسرا
شرايكم ابدي من وين ؟ وهل الديره غاليه يعني تحتاج مصروف قوي بالنسبه للمطاعم والشوبينق؟
شنو اسماء المولات الحلوه والرخيصه؟

 

[عبير-الشرق]

مشكووورين وايد والله يعطيكم الف عافيه كفيتوو و وفيتوو;**


بس عندي استفسار مصنع شوارفسكي يبعد شكثر عن ميونخ و يسوي الواحد يتعنا له والا لا ؟؟؟





ما ننحرم منكم *

مصنع شوارفسكي تروحينله من زلمسي ساعتين وهو في منطقه انسبورك وتمشي بالقريه حلوه والمصنع لايطوفج عجيب وعندهم تنزيلات 50 بالمئه يوم 1/7 اذا رحلتكم بهالوقت تمام

 

[عبير-الشرق]

بعد اذنج صاحبه الموضوع ودي اسأل البنات
انا ودي سالزبورغ وزلمسي وسويسرا
شرايكم ابدي من وين ؟ وهل الديره غاليه يعني تحتاج مصروف قوي بالنسبه للمطاعم والشوبينق؟
شنو اسماء المولات الحلوه والرخيصه؟

حبوبه بالنسبه للمخططج تقدرين تنزلين بزيوريخ بسويسرا ومنها لزلمسي وسالزبورغ وبالنسبه لسويسرا اغلي دوله اوربيه يعني الي من ناحيه كل شي التذاكر والفنادق والمطاعم والاماكن السياحيه انا انصحج تغيرين مسار الرحله وتخلينها فيينا زلمسي ميونخ وسالزبوغ تروحينلها من زلمسي رحله يوم واحد واذا بخاطرج سويسرا تقدرين تروحين لها من زلمسي زيوريخ وتنامين ليله هناك عن التعب بس اذا ميزانيتج مفتوحه روحي سويسرا وبالنسبه للمجمعات الرخيص الاوت ليت يكون فيه تنزيلات حلوه وعموما المطاعم الاعربيه والاسلاميه تعتبر غاليه والفاست فود والبيتزا والمطاعم التركيه مناسبه اسعارها

 

[دانه الخليج]

جزاج الله خير عبير صارلي جم يوم اسال البنات عن رحلة الشوارفيسكي ولا حد رد علي اشوا حصلت اجابتي عندج .......

 

[cadbury]

شنو جو ميونخ وزلامسي وكابرون بشهر ابريل ؟؟؟؟