The.Cancerian
New member
السلام عليكم ..
وصلتني كثير من الرسائل من عديد من الخوات يسألوني شلون اطلب من الانترنت ، علشان جذي حبيت اني اطرح هالموضوع اللي بشرح فيه طريقة الطلب من الانترنت ..
اولا ، علشان نطلب من الانترنت نحتاج لشغلتين:
1- فيزا انترنت
2- صندوق بريد
طبعا ممكن ان الوحدة فينا تستخدم صندوق بريدها العادي ، بس انا عن نفسي فتحت لي حساب في ارامكس لاني اشوفه افضل واضمن.
لما تفتحين حساب في اراميكس يعطونج صندوقين بريد ، واحد بامريكا وواحد ببريطانيا
شنو الفرق ؟
براحتج تختارين اي صندوق بريد تبين الموقع او البياع يدزلج اغراضج على حسب المكان الاقرب ، يعني ممكن الشغلة اللي تبينها ببريطانيا او بدولة قريبة من بريطانيا ، ترسلينها على عنواج البريطاني وهكذا .
متطلبات حساب اراميكس
صورة من بطاقتج المدنية
مبلغ 10.750 دينار للحساب
طبعا هالمبلغ تدفعينه مرة وحدة ، يعني مو كل سنة تجددينه او شي لا
طبعا اي شي يوصلج ياخذون قيمته على حسب وزنه ، وان مان الشي اللي انتي طالبته ماله وزن بياخذون مبلغ 2.500 لانه اقل مبلغ ياخذونه.
الحين ..
بالنسبة للتسوق ، هالشي عاد يعتمد على الموقع ، انتي لما تشوفين او تلقين موقع بتشترين منه بتلقين لهم ايميل تراسلينهم فيه ، ممكن تراسلينهم اول شي تشوفين او تستفسرين عن اللي بتطلبينه ، السعر النهائي وغيره من هالامور ..
طبعا لما خلاص تبين تطلبين بتتبعين الخطوات اللي مسويها الموقع واللي هاي عادة بتبدأ بكلمةAdd To Cart او Buy ، يعني هالكلمات اللي تبدين منها خطوة الشراء ..
ومن عقبها بيطلب منج عنوانج ومعلومات البنك وغيره وطبعا ايميلج اللي بيوصلج عليه مثل الفاتورة اللي فيها رقم الشراء والتاريخ والمبلغ وكل المعلومات الخاصة بهالعملية ..
فيه بعض المواقع تطلب حساب PayPal
الـ PayPal مثل حساب جاهز تخلين فيه معلومات بنكج والتوصيل وبس مو اكثر ، لما بتطلبين من موقع يشترط عليج الـ Paypal ما عليج الا تحطين اسم المستخدم اللي انتي مسجلة فيه بالـ Paypal وبس والباقي عليهم لان معلومات بنكج والتوصيل بيكون مسجل اساسا بموقع الـ Paypal.
موقع الـ Paypal اذا بتجسلين فيه ما بيطلب منج الا اسم مستخدم ، معلومات البنك وعنوانج البريدي
بس هذا هو ..
انا عن نفسي ما استخدم الـ Paypal الا اذا الموقع اللي بطلب منه اشترط هالشي ، وبالنسبة للمواقع اللي اشتري منها هي عادة eBay او Amazon لانها مواقع مضمونة وما بيوم كان فيها اي نوع من الاحتيال ..
وطبعا فيه مواقع غيرهم اطلب منهم بس بعد ما اتأكد ان الموقع يعني مأمن وجذي ..
عموما ، ان شاء الله اكون قدرت ارد على معظم استفساراتكم بهالشرح البسيط ، واللي تبي معلومات اكثر او عندها استفسارات ثانية انا حاضر ..
اختكم
The.Cancerian
وصلتني كثير من الرسائل من عديد من الخوات يسألوني شلون اطلب من الانترنت ، علشان جذي حبيت اني اطرح هالموضوع اللي بشرح فيه طريقة الطلب من الانترنت ..
اولا ، علشان نطلب من الانترنت نحتاج لشغلتين:
1- فيزا انترنت
2- صندوق بريد
طبعا ممكن ان الوحدة فينا تستخدم صندوق بريدها العادي ، بس انا عن نفسي فتحت لي حساب في ارامكس لاني اشوفه افضل واضمن.
لما تفتحين حساب في اراميكس يعطونج صندوقين بريد ، واحد بامريكا وواحد ببريطانيا
شنو الفرق ؟
براحتج تختارين اي صندوق بريد تبين الموقع او البياع يدزلج اغراضج على حسب المكان الاقرب ، يعني ممكن الشغلة اللي تبينها ببريطانيا او بدولة قريبة من بريطانيا ، ترسلينها على عنواج البريطاني وهكذا .
متطلبات حساب اراميكس
صورة من بطاقتج المدنية
مبلغ 10.750 دينار للحساب
طبعا هالمبلغ تدفعينه مرة وحدة ، يعني مو كل سنة تجددينه او شي لا
طبعا اي شي يوصلج ياخذون قيمته على حسب وزنه ، وان مان الشي اللي انتي طالبته ماله وزن بياخذون مبلغ 2.500 لانه اقل مبلغ ياخذونه.
الحين ..
بالنسبة للتسوق ، هالشي عاد يعتمد على الموقع ، انتي لما تشوفين او تلقين موقع بتشترين منه بتلقين لهم ايميل تراسلينهم فيه ، ممكن تراسلينهم اول شي تشوفين او تستفسرين عن اللي بتطلبينه ، السعر النهائي وغيره من هالامور ..
طبعا لما خلاص تبين تطلبين بتتبعين الخطوات اللي مسويها الموقع واللي هاي عادة بتبدأ بكلمةAdd To Cart او Buy ، يعني هالكلمات اللي تبدين منها خطوة الشراء ..
ومن عقبها بيطلب منج عنوانج ومعلومات البنك وغيره وطبعا ايميلج اللي بيوصلج عليه مثل الفاتورة اللي فيها رقم الشراء والتاريخ والمبلغ وكل المعلومات الخاصة بهالعملية ..
فيه بعض المواقع تطلب حساب PayPal
الـ PayPal مثل حساب جاهز تخلين فيه معلومات بنكج والتوصيل وبس مو اكثر ، لما بتطلبين من موقع يشترط عليج الـ Paypal ما عليج الا تحطين اسم المستخدم اللي انتي مسجلة فيه بالـ Paypal وبس والباقي عليهم لان معلومات بنكج والتوصيل بيكون مسجل اساسا بموقع الـ Paypal.
موقع الـ Paypal اذا بتجسلين فيه ما بيطلب منج الا اسم مستخدم ، معلومات البنك وعنوانج البريدي
بس هذا هو ..
انا عن نفسي ما استخدم الـ Paypal الا اذا الموقع اللي بطلب منه اشترط هالشي ، وبالنسبة للمواقع اللي اشتري منها هي عادة eBay او Amazon لانها مواقع مضمونة وما بيوم كان فيها اي نوع من الاحتيال ..
وطبعا فيه مواقع غيرهم اطلب منهم بس بعد ما اتأكد ان الموقع يعني مأمن وجذي ..
عموما ، ان شاء الله اكون قدرت ارد على معظم استفساراتكم بهالشرح البسيط ، واللي تبي معلومات اكثر او عندها استفسارات ثانية انا حاضر ..
اختكم
The.Cancerian
