قووووة ... ابيكم تساعدوني
انا بعد شهر رح اروح امريكا ادرس اهناك بس ليلحين مادري اذا بكولورادو او اريزونا ورح اروح بروحي
فبلييز اللي يدرس اهناك او رايحهم خل يقولي شلون جوها ؟ شلون البنات اللي يدرسون اهناك ؟؟ واذا تعرفون احد اهناك قولولي عشان يساعدوني
وابي اعرف شلون على السكن يعني اذا ابي شقة لان انا ما كملت ال18 يصير ولا لأ ؟
واسفة اني طولت عليكم :wqedqw:
هلا عسوله مبروك القبول
شوفي حبيبتي زوجي كان يدرس في أريزونا احنا كنا هناك في 1996 في منطقه مريحه وهاديه ومرتبه وصغيرونه أسمها تمبي وطبعا احنا رايحين ورادين فينكس لأن بوقتها كانوا عيالي صغار وفينكس فيها مدينة ملاهي صغيره فأوديهم لها
اذا قبلوج أريزونا أدعي ربج أن يكون قبولج في تمبي وترى جامعتهم وايد قويه أسمهاsuny تنقرى سوووني
بس للأسف تم فيها زوجي سنه وحده للغه بعدين أنتقلنا للنقيض نيويورك لأنهم عادلوله مقررات أكثر من الي كانوا معادلينها سوووني وعندهم بالجامعه مركز أسلامي لازق بالجامعه والمنطقه فيها عرب وايد ودارسين وايد خاصه من السعوديين طبعا جوها الكويت الثانيه صيفها وشتاها بس الفرق عندهم انها يسمونها ولاية الرعد أمطارها غزيره بالشتى ورعدها يخرع وفي منطقه كلها طلبه متروسه أسمها توسان تنكتب بالنجليزي تاكسون
وطبعا طبعا معروفه أريزونا وكاليفورنيا أنها متروسه مكسيكان وكانوا عيالي بالمدرسه يعطونهم أسباني بعد
أما السكن فأنصحج انج اتكونين مع روم ميت بالشقه بالبدايه بس يعني أخذي أقصر مدة أجار (لأن لا بد من النجره )أو تاخذين لج كومبلكس فيه سكيورتي لأن أغلب الكومبلكسات مفتوحه آنا ما أقولج هالكلام لأن ما في أمان لا بس عشان تكونين مرتاحه وأهلج بعد يرتاحون
أما كلورادو أخوي كان يدرس فيها البكلوريوس والماستر بعد يموووووت عليها وعلى فكره أحنا هالسنه رحنالها بس كنا في آسبن وفييل أخوي كان بدنفر طبعا صيفها حار يعني درجة الحراره توصل تقريبا الثلاثين خمسه وثلاثين أما الشتى ثلج مغطي الارض طبعا هالكلام عن دنفر بس لأن أهيه الي فيها اغلب الجامعات الي يدزون لها الكويت
آنا رحت دنفر حق أخوي في1999 كان ياخذ الماجستير بوقتها وكوبلكسه كان ضخم وفيه سكيورتي
وشوفي يا بنيتي دخلي على منتدى المسافرون العرب وايد وايد راح يفيدج لأن أغلب الي فيه طلاب سعوديين ووايد متكلمين عن هالمناطق وعلى طول راح يدزون لج الرد لأني آنا بصراحه قاعده أعطيج معلومات أنتي كنتي بالروضه بوقتها أهمه راح يعطونج معلومات فرش
واذا بغيتي أي شي آنا حاضره
