للي يعرف لأسواق الرياض يدش عروس وبروح أقضي من هناك

[فنانة ذوق]

السلام عليكم ورحمة الله وبركاته

حبايب قلبي كويتيات واضح من العنوان
ابي فزعتكم بروح الرياض أقضي لعرسي شتنصحوني وين أروح ابي محلات فخمة للملابس الجاهزة للساعات الماركات وللخام وللعبي وللجنط للفناتق يعني كله من مجاميعه
أللي زارت الرياض من قبل تسعفني اليوم بسافر ..............​

 

[برنسيسة الشمال]

حبيبتي في العليا مول حلو ورويال بلازا
تدرين شلون روحي بالاول لمجمع لغرناطه وبعدين خريص بلازا
واتوقع راح تكتفين وماراح تروحين لغيرهم
وفي موضوع بمكتبه التصوير والفيديو للاخت سفانه
اسمه صور لبعض فنادق الرياض ومجمعاتها راح تستفيدين منه
واسفه ماعرف احط الرابط

 

[ام وحش]

حبيبتي الرياض فيها اماكن كثير حلوة بس يتحدد انتي شنو تبين يعني لو مثلا خام عندج الاندلس مول روعه وفي شغلات حلوة حيل جناظ اكسسورات وعندج حياه مول للبدل والملابس الداخليه الماركه واسعارهم حلوة حيل وعندج اسواق طيبه اهو شعبي بس فيه عبي ومخلطات للشقه وعندج صحاري بلازا فيه اشاء حلوة وعندج مجمع المتنبي لملابس الاعراس والسهره وفي شارع في الملز كلهم خياطين لملابس السهرة والبدل نظام درراريع حلو حيل والله يوفقج يا عروسنتا

 

[الـــدفـــشـــة]

تبين بجامات رووعه وتحتارييييييين شتختارييييييين
روحي مجمع او سوق اسمه الهرم انتي خلج من بضاعتهم كلها
بس شوفي البجايم تهبل

اي صج شوفي المملكه او بالتحديد مملكة المراة
وترى مجمعاتهم ماتفرق عن مجماعتنا نفس الماركات
بس المملكه فيها ديور ودولتشي اند قبانا وهالسوالف
يعني جامع الرخيص والغالي

 

[*وردة نرجيسية*]

عندج ممع الاندلس يهبل كل شي فية حلو رخيص فية فوق الدور الاول محل عبي يهبل اسمة زورونا روعة عبية خذيت منة قبل تجهيز عرسي عباية روعة ومديل مانزل لكويت الابعد3سنين

 

[ArEEj]

رد : للي يعرف لأسواق الرياض يدش عروس وبروح أقضي من هناك

صحاري مول
حياة مول
غرناطه مول
خريص بلازا
كلهم حلوين وفيهم كل شي تقريبا

 

[فنانة ذوق]

يالمال العافية والله مشكورين يالغاليات على الردود

 

[حوية 2]

رد : للي يعرف لأسواق الرياض يدش عروس وبروح أقضي من هناك

للررررررررررررررررررررررفع

 

[Q8stylle]

up up