لما تزوجتي ...... تنقبتي؟

[سكوتي بذوقي]

انا من قبل ماتزوج البس نقاب

 

[sh&t&m]

اانا هم أهو االي نقبني

 

[قطوووة]

ااااااااب

 

[rtoj]

نقبني غصب عني لبستي عباه راس ونقاب وانا مو مقتنعه بالنقاب

عباه الراس عادي احبها بس هالنقاب احسه خانقني والله حتي راسي يقووم يعورني منه

دايم اناقشه علشان اتركه وبتم احن لحد ما افصخه خير شر

دام اني ما احط مكياج ومو مسويه شي يفتن بويهي كافي ,,كله بصوب ولمن البس النقاب اليهال ما يعرفوني مو متخيله ان طفلي لمن يطلع للدنيا يستغربني اذا لبست النقاب

والي عندها نصيحه او طريقه تخلي ريلي يتقنع بفصخي للنقاب تقولي واكون لها شاكره

 

[اخت خالتهم]

انـا قبل لا اتزوج طنت بدلات بس لبست عبـاية بعد وفاة شخص عزيز على قلبي الله يرحمه و قررت عقبها ألبس عباية لوجه الله ..
وبس تزوجت وريلي كان يشوفني احط مكياج بالبيت وبرا خفيف
قام يقولي حطي مكياج برا بس بالبيت مابي ههههههههههههههه

بس النقاب انا مو مقتنعة فيه ..واساسا بعايلة ابوي و امي كلهم الحريم اللي يلبسون نقاب ممم مو نقاب لا بوشية يعني عيونهم ما تبين اهم الكبار و شوية يمكن 4 و عمرهم 50 وفوق فـ النقاب عندنا يعني مو لازم يمكن العباية بس انا الحمدلله لابستها بروحي

 

[فديت عيوني]

نقبني

وماكنت راضيه ومازلت

 

[فلسفة جرح]

ريلي قالي اتنقب بس انا رفضت بس انا الحمدلله لبسي محتشم ولا اطلع القذله ولا شي بس انا صايرلي موقف صرت اكرهه النقاب في مره رحت السالميه وطاح النقاب وافتشلت ولا لبسته مره ثانيه

 

[قطوووة]

ااب

 

[يرخصلك كل غالي]

الموضوع هذا من ملجت افكر فيه شلون اقنعه اني ما البس النقاب

مابي من بدايتها عنااد ؛(

 

[يسامحك ربي]

للحين ماتنقبت
بس الله يستر

 

[المملكه العربيه]

الحمدالله والشكر سذاجة الكويتيات أقوووووووول شكل الاسلام عندكم غيرررر يالكويتيات مصخاة الحيا صدق من كال ما أدج من الكويت غير عيالها

 

[love u 4ever]

لأ .. حاول بس ما رضيت وراح الموضوع الحمدلله

 

[honey lust]

مو متنقبه و لو تزوجت و قالي تنقبي ما اعتقد ارضى

 

[لآ بيرلآ]

الحمدالله والشكر سذاجة الكويتيات أقوووووووول شكل الاسلام عندكم غيرررر يالكويتيات مصخاة الحيا صدق من كال ما أدج من الكويت غير عيالها

استحي على ويهج ! يا غريب كن اديب !!!!
بعدين اللي رادين ثلاث ارباعهم منقبات و كويتيات و الباجي مستورين و لله الحمد !!
و ترا الستر بالاخلاق مو باللبس !!! بتقنعيني كل اللي بديرتج من فوق سواد بسواد اخلاق و دين و اخرتهم الجنة !!؟!!!! استغفرك يا رب ..
و اذا ما تدرين خل اقولج .. ترا وااايد من عندكم يلبسون العباية و النقاب عندكم بس .. برا حتى البكيني يلبسون .. شفتي احد قال انتوا منافقين و ما تعرفون الله و رايحين فيها ؟!
بالعكس ديرتج عالراس و عالعين من فوق .. مو انتي طبعا .. بس ديرتج و اهلها الطيبين !!!!


لا ما نقبني .. و انا اساسا ماالبس ضيج كلش كلش
و اللي تقول المتحجبات لمن يلبسون بنطلون لازم سكيني .. ماالبس سكيني
وايد البس عباية بس هم ما قالي لبسيها على طول لان اساسا حتى اهله ما يتنقبون
بنات لا تتفلسفوووون على بعض بليز
الله يعينج قطوة الموضوع بصوب و البنات بصوب :eh_s(1): و سامحيني بس احتريت

 

[جنوبية وأفتخر]

ميزة الخليجية بنقابها وعبايتها ......
والحمدلله من كنت بالثانوي تنقبت

 

[* ملكني الخوف *]

اي نقبني اول شي تضايقت وقعدت ابجي لان فيني ربو ماتحملته بعدين قلت لنفسي مدام يبي جذي ليش اخرب حياتي واعانده واهو قالي انا نقبتج لاني اغار عليج ومابي احد يشوفج غيري

 

[الزيـــــ^^ـــــن]

آناا مادري اذا راده عالموضوع اول

بسس هم بقول رأيي ،،، أنآ مومنقبه وريلي وده اتنقب بسسس موملزم علي

مخليني ع راحتي بس لو حطيت مكياج اووفر اتنقب،،، واذا اهو لزم علي البسه دايم بلبسه عآدي

 

[آتعــبني غـلآآك]

مو متزوجه بس النقاب شئ اساسي بعايلتنا

 

[ReOoMa]

مافكر اتنقب
احس ماله داعي
دام عبايتي وملفعي علي اعتقد كافي
ومشكووورين

 

[GaLbI t7aWaL]

رد: رد : لما تزوجتي ...... تنقبتي؟

انااا مومتزوجه بس شكثر بنات من رفيجاتي تنقبووا
بس انا سراحه اذا صار هالشي وقالي تنقبي برد عليه رد مقنع واوقوووله
اولا الوجه حلال انا لابسه عباتي وطالعه معاك مالاداعي النقاب..
يعني بقوله كلام وايد بس احس التعبير خاااني والله(صدقووني والله خاني التعبير )))
بس احس هالنظريه مشت مع الكل ؟؟
موحلووة بحقي كوني طلعت مومنقبه من بيت اهلي واخرتها ادخل بيت اهلي منقبه لا لا لاااااا مارضى سراحه

مشكورا ع ااالموووضوع
انا سراحه وحده اناااقش بوجهه نظري حتى مع اهلي بكلام مقنع ...

يا قلبي اذا بيناقشج مو حلال او حرام
بيقولج آنا آغااار !! شالحل ؟