لما تزوجتي ...... تنقبتي؟

[mi corazon]

((يَاأَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً))

​

يقول السائل ما معنى الآية الكريمة (ذَلِكَ أَدْنَى أَنْ يُعْرَفْنَ فَلا يُؤْذَيْنَ)؟

فأجاب رحمه الله تعالى: هذا تعليل لما سبق حيث قال الله تعالى(يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ) يعني أنهن إذا أدنين من جلابيبهن عرف أنهن حرائر فلا يحصل من أحد أذية لهن بخلاف الإماء فإن الإماء ربما يتعرض أحد لأذيتهن.

فعن أسماء بنت أبي بكر رضي الله عنهما قالت : ( كنا نغطي وجوهنا من الرجال في الإحرام )

وعن عائشة رضي الله عنها قالت : ( كَانَ الرُّكْبَانُ يَمُرُّونَ بِنَا وَنَحْنُ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ مُحْرِمَاتٌ ، فَإِذَا حَاذَوْا بِنَا سَدَلَتْ إِحْدَانَا جِلْبَابَهَا مِنْ رَأْسِهَا عَلَى وَجْهِهَا ، فَإِذَا جَاوَزُونَا كَشَفْنَاهُ )

مابعد كلام الله سبحانه تعالى كلام.................

واسمحيلي ياصاحبه الموضوع تقولين مانبي فتاوي
يعني بس تشوفين ردود الفتاوي وماتشوفين الي يقولون انه عاده داخله على الكويت
ولابعد تطورور وقاموا يقولون النقاب بدعه يعني هذي مو فتاوى

ماأقول إلا لنا أعمالنا ولكم أعمالكم
بس رجاء لحد يحرف بالدين

الله اعلم ... ماحب أفتري بس الغالب الحين والكل يشوفه النقاب الفاتن

عالعموم مانعمم والله يتمم علينا وعليكم .. لكن مؤ معناته ان المنقبه أحسن من المحجبة ... الله اعلم بالقلوب


أختي قطوع السموحه بس البنات قلبوها فتوى

تسلمين :eh_s(17):

 

[sh_mashael]

استغرب من الرياييل!
اللي يبي محجبه ليش ياخذ سفور وعقب يجبرها عالحجاب؟
واللي يبي منقبه ليش ياخذ محجبه وعقب ينقبها؟

واللي استغربه اكثر موافقه الحريم على طلب الزوج!!!! لو ابوها طالبها جان رفضت بس الريل كلامه قرآن!!!!

معاج

و شوف عيني وحده من اللي اعرفهم ابوها و اخوانها يحنّون عليها عشان تتنقب
و ماكانت ترضى

و بس تزوجت قالها ريلها لبسي نقاب على طول البسته !!!!!

 

[حبيبي مالكني]

انا لما تزوجت تحجبت ريلي
ماجبرني من نفسي لبست
بس النقاب خاطري البسه بس متخوفه اخذ هالخطوه وبعدين اتراجع وريلي كلش ما قالي تنقبي

 

[قطوووة]

مشكورين بنات

 

[Nanoosa]

الله يعينهم المتنقبات على هالحر لابسينه لهم الاجر يااا رب
الحمدلله ان النقاب مو واجب او فرض اهو شي مستحب
خصوصا ان وقت الصلاة حرام تصلين و النقاب على ويهج لأن ما يجوز تصلين و ويهج مغطيته
حتى بالحرم اللي متروووووووس رياييل

انا مو ضد النقاب بالعكس احسه يستر الويه لكن انا ضد البنات اللي يقولون انه واجب و ان قاعدين ناخذ ذنوب لأن مو مغطين ويهنا (ما يجوز تقولون جذي)
الحجاب اهو الفرض و كلنا عارفين هالشي

انا متحجبة و مستورة بلبسي الواسع و مرات البس عباة اذا مالي خلق اكشخ
اذا الله رزقني بولد الحلال و قالي لبسي عباة مو مشكلة البس مع اني انا وحدة احب اكشخ لما اطلع
بس اذا قالي تنقبي لا، يسمحلي

 

[hooryah q8]

لا ماتنقبت بعايلتنا النقاب مو فرض وكل وحده و بيئتها و مذهبها بنات ماله داعي تتناجرون اكيد في مفارقات بينا

 

[ايمان الغساني]

الله يوفقكن

 

[ام رينـاد]

أنا الحمدالله متحجبه والبس عبايه من قبل لاتزوج

بـــس ماتنقبت

 

[وردة وطني]

الله يعينهم المتنقبات على هالحر لابسينه لهم الاجر يااا رب
الحمدلله ان النقاب مو واجب او فرض اهو شي مستحب
خصوصا ان وقت الصلاة حرام تصلين و النقاب على ويهج لأن ما يجوز تصلين و ويهج مغطيته
حتى بالحرم اللي متروووووووس رياييل

انا مو ضد النقاب بالعكس احسه يستر الويه لكن انا ضد البنات اللي يقولون انه واجب و ان قاعدين ناخذ ذنوب لأن مو مغطين ويهنا (ما يجوز تقولون جذي)
الحجاب اهو الفرض و كلنا عارفين هالشي

انا متحجبة و مستورة بلبسي الواسع و مرات البس عباة اذا مالي خلق اكشخ
اذا الله رزقني بولد الحلال و قالي لبسي عباة مو مشكلة البس مع اني انا وحدة احب اكشخ لما اطلع
بس اذا قالي تنقبي لا، يسمحلي

حبيبتي انتي قلتي مرات البس عبايه إذ مالي خلق اكشخ يعني معناته لماتطلعين تكونين كاشخه
اولن منو قالج بالحرم لازم تكونين كاشفه لا حبيبتي غلطانه*
وبعدين اتمنى انج ماتدخلين لانه فرض او مؤ فرض يعني لاتفتين ع كيفج
(قولي خير او اسكتي)
ومايحق الااي وحده تفتي لاالمنقبه والامتحجبه ع كيفها*
ام بنسبه لي انا متنقبه بقناعتي يرب لك الحمدالله*
وحسافه والله ي بنات انكم تجهلون دينكم

 

[دهن_العود]

أنا عكس اغلب البنات أنا كنت متنقبه بس لما تزوجت قطية النقاب وتحجبت لان نقابي كان غصبن عني موبراضي تنقبت وعمري عشر سنوات بس تزوجت قطينه والحمد لله بعض البنات يضحكون يحسسونج أن المحجبة كافره أوم غضبه الله أنا اعرف أكثير منقبات ما يصلون ومحجبات مشاء الله ملتزمين بختصر الحجاب والنقاب موشي نحكم على أساسه علاقه الشخص بربه

 

[أم يزيد &سديم&]

ليييييييش ما تبون تتنقبوووووون !!!!!!!!!!؟؟؟؟؟؟؟؟ليييييش !!!!!!!؟؟؟؟؟؟؟؟

 

[FUOZ_KU8]

ماكنت منقبه بس بعد الملجه نقبني ولبسني عباية راس الشكوى الله

 

[ربي يفرج لي]

انا رفضت حيل النقاب والله صارت مشاكل واجد منه بعدين رضيت لو من البداية لابسه ابرك من اني عاندت ولبسته

 

[مذهــلــه]

أنا ريلي عقب الزواج قالي تنقبي لاني كنت احط مكياج

قالي يا ماتحطين مكياج أو حطي بس تتنقبين

قلتله لا مااحط مكياج قمت بس احط كريم اساس وكحل بعيني

أول فل ميك اب

شنسوي لازم نتنازل

وانا مااحب النقاب لسبب احس اني مااقدر اتنفس اختنق

 

[مشتطـه]

استغفر الله الحمدلله والشكر بدينا بالتخلف !!!


يبه اللي مو منقبه كيفها واللي ماتلبس عبايه هم كيفها


كل وحده قامت تفتي


لا والمشكلة كل المنقبات اللي شفتهم انا انا انا انا فهمو الججمله
انا اللي شفتهم

كلهمممممممم كبه كبيييييييييره

وفل ميكب
وعطرررررر يفووووح

والوان واشكال عالعبايه

ولابسينها مو لدينهم لان اهلهم فرضوووها عليييهم

يعني بالعربي لا تقصون على اعماركم ياللي تتفلسفون
نصكم لابسينها غصب

وبالنسبة للي تقول عبينا ب 1500 و 5000 ريال
الحمدلله والشكر بذمتكم هذي مرا تبي الستر

تقط 400 دينار على عبايه


الحين كل وحده قامت تكشخ بالعباة

واللي تتفلسف امنيتي اشوفج


شرط كلج معاصي


لا تتفلسون علبونه العبايه ستر

ما اشوف فيها ذرة ستر

الا على بعض البنات اللي نقاب من غير كبه ومن غير مكياج هذول اي اصدق ديييين



يلبسونها غصب وينتقدوننناااا

يا كرهي للتفلسف !!!!!

 

[مشتطـه]

عن نفسي لو تنطبق السما عالارض ما البس النقاب


اول شي للاخت اللي تقول فرضضض

تثقفي دينيآ وتعالي تحجي


وثانيآ لان الشي الغصب ما احبه

وثالثا محد من اهلي يلبسه

رابعااا مو من حقة ياخذ بنت عارف بيئها ويغصبهاااا على شي

مايشوف شر يقول لامه دوريلي منقبه

العبايه امبلى اوافق عادي
بس مو على واحد
اذا عقييدي لا طبعآ

اذا مثقف وفاهم امبلى

 

[مشتطـه]

ليييييييش ما تبون تتنقبوووووون !!!!!!!!!!؟؟؟؟؟؟؟؟ليييييش !!!!!!!؟؟؟؟؟؟؟؟

انا بجاوبج على نفسي

لان النقاب يلوع الجبد علي لما البسه يصير شكلي فلم

ولانه مو فرض شاللي حادني ألبسه
من اولها يتشرط !!!
ويهي وكيفي

يخنقني عشان اهله يلبسونه يلبسني ياه :rgewrg:

ولي سافرت قالي قطيه
وععععع ما احب اللي جذييييي

 

[ابدا يالغالي مانساك]

صااجه والله مشتطه من الواقع الي شووفه عالمنقباات مو الكل
طبعااا
مابي الكل يزعل وانا بنفسي منقبه

فيه بنات شووه النقااب
بصرااحه اشووف بنات معي بالجامعه مو لبسينه لله وهذا الي اشووفه

مرات انا اذكره يافلانه نقابكك والدكتور مجابله وتقول عاادي شسووي

عندي سبحاان الله تجيكك محجبه ووجها مفتووح وهي مستوره
هذا الي اشوفه بهالاياام

 

[مشتطـه]

ابد يالغالي المنطفة اللي انا فيها كلش ما فيها منقبات

متى عرفت النقاب بالجامعة

بصراحه الاشكال اللي هناك يكرهون الوحده بالنقاب

96% منهم لابسينه عشانها عادة لقبيلتهم !!!

من جذي احنا هاجمناكم بالنقاب



ابد يالغالي>>>> أحبج في الله

 

[اخت خالتهم]

انا مادري اذا راده او لا
بس انا ماتنقبت ولا افكر اتنقب


واساسا اللي يفتون نص اللي لابسينه والله فتنه مكياااج والعيون
اشوفهم بكليتنا
الصراحه يفشلون ونص ايدها طالعه من العبايه



يعني الي لابسته عشان قبيلتها
انا اعرف وحده لما صار عمرها ١٨ تنقبت قلتلها ليش قالت فضحوووني عايلتنا محد بياخذج و البازع
و من هالحجي تقول لازم عندنا من يصير عمرها ١٦ تتنقب بس جذي مو دين



وفي بنات لابسينه حشمة و قليله الصراحه
يمكن الي بكليتي بتفهم


حتى ماتلبس نقابها جدام الهنود
جنه الهندي مو رجال !!!!!!


و الصوت اللهم ياكافي ضحكتها تلفت الكل و بصوت عالي


هذول يعني احسن من اللي مو لابسه نقاب بس ساكته ومحترمة ! و تبون الصج في فئه من الشباب ماتغازل الا هالنوعيه من البنات
و اشوفهم




فلا تقعدون تحكمون من النقاب و انتو ادرى