لمحبي الجبدة ( حمسة جبدة اللذيذة ) لاتفوتكم حياكم ..

[منارة الإيمان]

بسم الله الرحمن الرحيم
والسلام عليكم ورحمة الله وبركاتة

:ggdw:حياكم الله بنات
اليوم بحط لكم وصفة حمسة الجبدة سهلة وسريعة .. وترى ألي ماتحب الجبدة راح تحبها من هالطريقة اللذيذة .. تعرفون بنات لازم تختارون الجبدة وتكون فرش .. علشان تعرفون الجبدة لو ما كانت فرش تكون رائحتها وطعمها غييير محبب ..وأيضا لازم تكون من خروف عربي .. وهذا الأفضل بالنسبة لأختياركم عند شراء الجبدة ..

وأحب أذكر لكم انا اقدم هذا النوع على شكل سندويتشات .. يكون صمون حاااار وفرش أيضا .. وعن الصلصات المضافة لمثل هذا النوع من السندويتشات .. أما أمسح الصمون من الداخل بالجبن السائل الكريمي أو أما بقليل من الطيحنة المعدة من قبل ومن ثم حشو خلطة الجبدة بالصمون .. وترى كلا الطريقتين لذيذتين .. ولا تنسون دقوس فلفل قراش وصحن البطاطا المقلية .. وراح تاكلون لما تقولون بسسسسس ..
عليكم بألف عاااافية حبايب قلبي ..

المقادير >>
- كيلو جبدة طازجة مشرحة شرايح طولية وخفيفة .. وطلبي من الجزار يشرحها لج بهالطريقة .. طبعا مرشوش عليها ملح مع هيل ناعم ومتروكة جانبا .. وعند البدأ بالطبخ تغسل جيدا وتترك بالمصفى للتخلص من جميييع السوائل ..
- بصل مشرح شرايح خفيفة وطولية + ثوم مفروم
- فلفل أخضر بااارد مشرح شرايح خفيفية طولية
- طماطة واااحدة مشرحة شرايح طولية
- قطعة زبدة صغيرة + ملعقتين زيت خفيف وهذول نستخدمهم للطبخ
- القليل من الصويا صوص + القليل من عصير الليمون + مكعب خضار ماجي + رشة سكر
- البهارات .. رشة كل من فلفل أسود .. هيل .. دارسين .. كزبرة .. وعلى حسب الرغبة فلفل أحمر حااار ..

طريقة التطبيق >>
- يسخن الطابي الكبييرة للطبخ الصيني .. وأن لم يوجد .. جدر يكون تيفال أفضل علشان ما تلزق المكونات فيه ..
يضاف قطعة الزبدة والزيت مع بعض .. لغاية ماتسيح الزبدة ثم يضاف الجبدة المغسولة دفعة واااحدة بدون أي شئ .. ويقلب الخليط على نار عالية .. لغااااية ماينشف مائه ويبتدي يتحمر قليلا ..
- ثم نضيييف البصل والثوم ورشة البهارات كلها ويقلب جيدا ..
- ثم نضييف الفلفل الشرايح مع الطماطم ومكعب الماجي ورشة السكر ونقلب جيدا ..
- ثم نضيف الصويا صوص وعصير الليمون ونصف كمية الثوم المفروم ونقلب جيدا وشوي طفي النار واصبح جااااهز .

ويقدم بنفس طريقة شرحي المسبق .. أو مع الخبز التنور الحااار .. ومع السلطة أو الخضره الورقية ..
وبألف عاااافية وصحتين على قلوبكم ..
وألي تسويه ويعجبها .. لاتنساني من صالح دعاءها .. ولكم بالمثل .. الله يحفظكم ..

 

[_The DoLL_]

يعطيج العآآآآآآفية

 

[روقاء]

حلوه طريقتج
تسلم الايادي

 

[جارة القمر]

مشكوووووره

 

[اخت فروحه]

سبحان لاالله عاد تونا شارين خروف باجر ان شاء الله بسويها عالغدا واعطيج النتيجة

 

[اخت فروحه]

قاعدة اكلها
ناااااااطعة

 

[supermarket]

تسلم ايدج

 

[خاشووقه]

يعطيج العافيه

 

[STYLISH STYLE]

تسلم ايدج

 

[أساور]

تسلم ايدج

 

[Super_Star]

تسلم ايدج