لمحبي الـ sea food اقدم لكم طباخ الوالده

[اكابر]

السلام عليكم​

اليوم الوالده الله يطول بعمرها سوت لنا sea food الطعم ما اقولكم عنه لانه ما اقدر اوصفه وماراح يحس فيه الا اللي يحبونه .. المهم بحط الصور والطبق اللي يعجبكم راح احطلكم وصفته ..

ربيان مشوي مع الصوص..



ربيان مقلي ..


زبيدي




عيش بالطريقه الاسكندرانيه [ رز صياديه ]




قباقب



شوربه قباقب

وسلامتكم​

 

[LaLi chocolate]

الله ماشاءالله تبارك الرحمن تسلم ايد الوالده الله يخليها ويحفظها بس نبي الطريقه يا حلوه يا الله ناطرينج .

 

[ღ❤سـنــيـــڪـرز❤ღ]

رد : لمحبي الـ sea food اقدم لكم طباخ الوالده

الله شكلة يشهي

 

[جارة القمر]

مشكووووووووووووووره



وتسلم ايدج حبيبتي

وممكن تحطين الطرق

 

[اكابر]

حاظر من عيوني اسألها وانزل الطرق لكم

 

[كويتيه عالي سماها]

القباقب ودي اسويهم بس يكسرون الخاطر ان نسلقهم وإهمه حيين
حيل مستحرمه هالسالفه
ياريت تقولين طريقة امج يمكن تذبحهم بطريقه أقل تعذيبا لوووول
وأكيد نبي طرق الأكلات الشهيه خصوصا الربيان المشوي والصوص والصيادية وشوربة القباقب
الله يسلم إيد أمج ويعطيها ألف عافيه
مشكوره

 

[اشتياق]

عليكم بالعافيه

 

[حلوة ومملوحة الكويت]

:e3:​

رووووووووووعه
تسلميييييييييييين
وتسلم لج
الوااااالده​

 

[نواظر]

يم يمي
بااااااااااالعافيه

 

[om deaj]

يميييييييييي
تسلم ايدج
وياليت مسج المرة الياية امركم

لانه ريلي ما يحب ياكل سي فود انا محرومة منه

 

[Tom ♥ Jerry]

.


يعني من الصعب آنه نختار طريقه أحد الآطبآق
آكيد نبي نصير طمآعين و نقولج نبي الطرق كلها


و تسلم ايد الوآلده و الله يخليها لكمـ
مآشالله خوش آكلآت و الله > و انا من محبين الـ سي فوود :*

.

 

[فاقده حنان ابوه]

بالعافيه

........

 

[أم ريوف 1400]

مآشالله
تسلم ايد الوآلده و الله يخليها لكمـ

 

[dnyay_mll]

رد : لمحبي الـ sea food اقدم لكم طباخ الوالده

واااااو

عليكم بالعافيـه

والله شهيتوني

تسلم ايـد الوالده والله يطول بعمرها اللهم امين

 

[اكابر]

القباقب ودي اسويهم بس يكسرون الخاطر ان نسلقهم وإهمه حيين
حيل مستحرمه هالسالفه
ياريت تقولين طريقة امج يمكن تذبحهم بطريقه أقل تعذيبا لوووول
وأكيد نبي طرق الأكلات الشهيه خصوصا الربيان المشوي والصوص والصيادية وشوربة القباقب
الله يسلم إيد أمج ويعطيها ألف عافيه
مشكوره

هلا حبيبتي الله يسلمج وحاظر والله بنزل كل الطرق من عيوني ..

وبالنسبه للقباقب لا تستحرمين ولا شي بسوق السمج ينباعون ميتين يعني تشترينهم مافيهم روح .. عادي تقدرين تطبخينهم ..

 

[اكابر]

يميييييييييي
تسلم ايدج
وياليت مسج المرة الياية امركم

لانه ريلي ما يحب ياكل سي فود انا محرومة منه

افا عليج ولا يهمج من عيوني مو مسج ادق عليج واعزمج بنفسي .. حاسه فيج ريلي كلش ما يحب هالسوالف عشان جذي اتلذذ فيهم عند امي ..

 

[اكابر]

.


يعني من الصعب آنه نختار طريقه أحد الآطبآق :d
آكيد نبي نصير طمآعين و نقولج نبي الطرق كلها


و تسلم ايد الوآلده و الله يخليها لكمـ
مآشالله خوش آكلآت و الله > و انا من محبين الـ سي فوود :*

.

هههههههههه حاظر من عيوني والله بنزل كل الطرق عشانكم ..

 

[دموع تائهه]

مشكوره يالغاليه
ااااااااه شهيتيني احب القباقب
والزبيدي

 

[اكابر]

الله يعافيكم حبيباتي كلكم ..

المهم طبعا انا سألت امي عن الوصفات كلهم بس اللي ثبتوا بمخي العيش والشوربه .. وباجر انزل الطرق الباجيه ..

العيش[ رز صياديه ]

المقادير
كميه بصل كبيييييره يعني من 2 الى 4 روس بصل كبار ..

زيت قلي..

زبده او سمنه ..

بهارات مشكله ..ملح .. مكعب ماجي

ماي

عيش مصري او كويتي على حسب الرغبه ..

الطريقه

اول شي نفوح ماي مع مكعب ماجي وشويه ملح ..

ثاني شي نقطع البصل صغار ونحط الزيت والزبده بالجدر ونحط فوقه البصل والبهارات ونحمسه ليييين يصير لونه بني غاامج بس مو محترق ..

نكت فوقه العيش ونخلطهم مع بعض ونظيف الماي ونجيك عالملح اذا احتاج حطيناله فوقه وبس نخليه لين ينشف الماي تالي نحطه على نار هاديه عشان يتسكر ..

ولون البصل راح يكون لون العيش ..


...................................................................................

اما بالنسبه لشوربه القباقب..
للامانه الشوربه مقتبسه من منتدى كويتيات مع تعديلات بسيطه ..


المقادير ..
قباقب ..

طحين

ماي

بهارات

شوربه ماجي بالفطر ..

جبن سلايس [ شرايح ]

الطريقه :

نفوح القباقب ..[ امي خذت بس الريول عشان الواحد ما يحتاس واهو يشرب الشوربه وبنفس الوقت الطعم نفسه ]

وعقب ماتستوي نكون مزهبين لها صوص عباره عن طحين وماي وجبن سلايس ونخلطهم ونخليهم عالنار لين يثقلون ويصيرون نفس الباشاميل ونحطه فوقها ..

نخلطهم على نار هاديه ونحط فوقهم شوربه الفطر ..

وبالعافيه ..

 

[المدينه]

ناطرين طريقه الروبيان