لمعلمات الرياض (افكار لاول يوم دوام )

[miamy]

شلونكم ابلات

ها ولهتوا على الدوام!!:eh_s(6): لا موقصدي احركم

لأن انا ولهت عل يهال وااااااااااي يا زينهم

المهم انا خبرتي سنه بس

والعام مسكوني لصف اولى وخلتني المديره برووووووووووحي معاهم اول يوم

طبعا صياح ولوووويه

شنو افكارج حق اول يوووم؟

وشلون تتعاملين مع الحلوييين

عفيه اي افكاركم بالتفصيل الممل

 

[الحياة]

انا اول يوم بالروضة اوزع بالونات على لون الصف ومع كل بالونه هدية ...

وبعدين نقعد نغني ونسوي مسابقات وطبعا اطفال مستوى ثاني اييون من بيتهم عارفين القروب اللي وياهم كانو باولى.. فما راح الاقي صعوبة بالتعرف عليهم..

واخذ الاطفال ونروح عند الادارة ونقدم هدية حلوة حق الناظرة والوكيلة والمشرفة بمناسبة العام الدراسي الجديد (كنوع من لفت الانظار )

ونقعد بنص الدوام نسوي كبابيس حق الاطفال وياخذونها معاهم البيت عليهم صور سلوكيات الفصل ...

واليوم الثاني اييون الاطفال ويقولن شنو ارسمو امس وشنو السلوكيات اللي ارسموها ونناقش الموضوع علشان يتثبت السلوك الصحيح عندهم ..

والاليام الياية اخليهم يرسمون ونسوي حركات نزين فيها الصف يعني على مااا تخلص فترة التهيئة الا احنا تارسين الصف رسومات وعلاليق بشغل الاطفال



متى نداوم انا تشيشت على الدوام

ههههههههههههه

وفي مواضيع اهني بتفيدج بس انتي دوري وبتلاقين

 

[الشهدوالدموع]

حبيبتي احنا بروضتنا ايبون نطاطيات ..ورسم وجوه...ونفيش والهسوالف وبالنشاط نقعد اليهال كلهم ونسويلهم كل يوم تمثيلية..ومسابقات وبس والله انا ماعندي افكار عطينا من الافكار اللي سويتوها من قبل وفيدينا

 

[ياسمينا]

يافرقا الدوام
انا كله اشتري العاب من ابو ميه
واشتري حلاو اوزعه عليهم ونحط اناشيد اطفال واغاني مسرحيات ووزع عليهم الوان ويرسمون ونلعب بالالعاب التربويه ليما الهده
وكل يوم غير لما تخلص التهيئه وسلامتج

 

[miamy]

مممممممممممممم

انا اللي سويته العام كالتالي

ترست الصف بالونات معلقين على الطوفه(والياهل وقت الطلعه ياخذ وحده)

والهدايا من الاداره

اول ما يدش الطفل انزل لمستواه واعلمه باسمي واسأله عن اسمه وامدحه شويه

(لبسك حلو، شكلك شاطر وتسمع الكلام...)

وبعدين اوديه يم طفل واعرفهم على بعض واخليهم يلعبون وما خليت الامهات يمشون

خليتهم قاعدين بالصف

وكان اكو ابو طفله ساااعدني عدل سكتلي اليهال وقعد معاهم بالفنون ورسملهم

وكتب اساميهم عجيييييب لو يصير مربيتي شغل عدل (لوووووووووووول)

بس عاد وين احصله !!!

المهم: شغلت شريط اطفال

رسم الوجوه

ووزعت الاطفال على الاركان

وبسسسس

ودي اسوي شي مميز

ناطره افكاركم

 

[الحياة]

اي والله بنات علمونا باشياء حلوة


بنات منو عندها اغاني حق الاركان او الحلقة او الكلمة

؟؟

 

[سمحة]

الله يعينج ع البجي

 

[فطيرة فراوله]

اي والله بنات الي عندها افكار تفيدنا انا نفس الباجي بالونات وهدايا لاجديد يعني
ناطرين افكاركم

 

[miamy]

افااااااااااا

كويتيات وينكم

وييييين المخضرمييين يفودونا احنا الجدد!!!

عفيه بنات خنتفاعل نبي امتياز

الناظره عندها اول يوم مهم وتاخذ عنا فكره من البدايه

 

[أم فارس]

مرحبا الغاليات تحية من الامارات لكم
بصراحة أنا بنفسي محتاره بس عزمت أسوي حركة أنا أتكلم عن مرحلة عليا مثل رابع طبعا راح ألبس لبس مضيفة طيران وراح أستقبل البنات طبعا على هيئة ركاب طائرة راح أعطيهم رقم الجلوس مع تذكار من الطائرة عليه صورة الصف طبعا وبعض الأرشادات والنصايح التحفيزية وراح أشرحلهم عن مادتي أنا أدرس علوم راح يفيدني واااااااااايد يعني راح نجوب الرحلة على البور بوينت بوحدات الكتاب وبالأشياء إلى راح نسويها شرايكم؟؟؟؟؟؟؟؟؟؟؟؟؟

 

[miamy]

تسلمين يا ام فارس

حركتج حلوه راح تشجع البنات وتشوقهم

تنفع حق الابتدائي