لنا كلمة في تاريخ 3\12

[الصابرة المحتسبة]

السلام عليكم

خواتي امهات وخوات التحدي والصبر في يوم 3\12 وفي مقر مجلس الأمة بهاليوم يتم الإعلان عن الموافقة أو الرفض او التأجيل لإقرار كافة قوانين المعاقين والتغيير الكلي لما عليه الآن .

فلنسجل بهالموضوع كلمة نعبر فيها عن مايجول بخواطرنا من أمنيات ورغبات وحقوق واجبة ومهمة .

 

[HearT ChocolaTe]

نتمنى إلتماس مشاعر المعاقين بحق وتفعيل القوانين بجديه إذا تمت الموافقه عليها

:tek:

 

[مشاعل الشمري]

اتمنى اقرار القانون وتفعيله بما فيه مصلحة ذوي الاحتياجات الخاصه
اتمنى يفهمون خلق الله ويعرفون شلون يعاملون عيالنا ويقدرون طموحاتهم
اتمنى ان ما يوقف الشرطي اللي بالدوريه مكان ذوي الاحتياجات الخاصه في المسافط
نتمنى ونتمنى ونتمنى0000000000000000000000000

 

[ام باسلل]

هالقانون صار لهم سنين ويقولون انهم بطبقونه ولكن للاسف لا يزال حبر على ورق وان شالله يقرونه واحنا ما بيدنا غير الدعاء بس إلي إيده بالماي مو مثل إلي إيده بالنار والله المستعان

 

[الصابرة المحتسبة]

ياليت تطبق القوانين كلها

 

[shams2008]

ياليت تطبق القوانين كلها

اي والله

 

[توت وتين]

شرايكم نعتصم في هاليوم قدام المجلس يمكن يحسون فينا شوي

 

[الصابرة المحتسبة]

والله ياتوت نبي تطبيق القوانين بالطول او بالعرض

 

[ام ناييف]

بنات عندكم نسخه من القانون الجديد اللي يبون يطبقونه

ودي انه يغيرون طريقة دمج الداون بالمدارس ويدمجونهم مع الطلبة صج مو يعزلونهم بصف بروحهم
ودي يعدلون على قانون تقاعد ام المعاق وينصفونها لان الطفل يحتاج امه بالسنين الاولى له
ودي يعدلون قانون الاسكان ويعطون اولوية لاهل المعاق بتخصيص السكن لهم
ودي بزيادة وعي الناس بالاهتمام بنفسية المعاق وتدريسها في منهج الحياتية اللي مطبق الحين
ودي يسوون خصم على السيارات المجهزه للمعاقين



ودي
ودي
ودي
ودي باشياء كثيره بس ما ابي احلم ولا يتحقق الحلم

 

[مرمر]

صح يا ام نايف موضوع دمج الدون غلط غلط غلط يخلونهم بصفوفو بروحهم يعطونهم الوان وخرابيط ويدمجونهم بالفرصة ليش
المفروض يدمجونهم بالصف

والام لطفل معاق اول سنوات هي قمة احتياجة للام مو عقب مايكبر بيدخل مدرسة والام فاضية الصبح
لازم تتقاعد الام براتب كامل اذا اكملت 15 سنة خدمة و10 سنوات تطلع ب65%

 

[لولو-الصغيره]

قولو أمين يارب يريحون قلبنا والله تعبنا نبي نجابل عيالنا ونتفرغ لهم يارب من حنت هالمسؤؤليييين لما نطلع حق عيالنا
ونشالله تعبهم ما يروح يارب ونشكر كل من سعي علي قانون المعاق وبارك الله فيكم حميعااااااا[

 

[MALAAK22]

اتمني من كل قلبي ييوافقون بلا تاجيل وخصوصا موضوع تقاعد الام اتمني يوافقون علي 10 سنوات خدمه ضروري:eh_s(11): والله عيالنا يحتاجون لاهتمام خصوصا السنوات الاولي تساهم في علاج المعاق فصج يبيله تفرق وهتمام راضين براتب كامل ولا مو كامل بس المهم خل يوافقون عشان فلذة اكبادنا وغير هذا اتمني يوافقون حق تسهيل العلاج سواء بالكويت ولا بالخارج اذا متواجد العلاج,, لانه حاليا كل دكاتره بالطب الطبيعي يقولون اسمحولنا مانقدر نوافق حاليا في امر بتوقيف العلاج الطبيعي بالخارج! :eh_s(12): ليش يعني! اللي راح وشاف تحسن وتقدم كبير بفتره قصيره ليش يوقفون علاجه؟! :gr4uu: مو حرام ذنب الولد برقبتهم هذا مستقبله وهم ساهمو في تقليل والتاخير من علاجه:eh_s(14):
الله موجود :eh_s(2):والله ويانا ان شاء الله
انا ايدي بيدكم واذا في اي اعتصام او اي شي انا حاضر وياكم :flower: كل هذا حق هل فئه الخاصه اللي اسمها خاصه يعني مفروض تعامل معامله خاصه:eh_s(10): للكن للاسف عندنا صاير العكس
الله يكون بالعون

 

[الصابرة المحتسبة]

يارب اتحقق كل الأماني

 

[الريادة]

ان شاء الله يا ربي تحقق كل امانيكم عاجلا غير اجلا .

 

[ام اميره]

الله يكتب كل مافيه خيررر لعيالنا يارب

 

[الصابرة المحتسبة]

جزاج الله خير يالريادة

 

[ام^صالح]

الله يجزاج خير ياقلبي على الطرح الرائع وانشاء الله يتحقق كل شي فيه خير لهم

 

[الصابرة المحتسبة]

أجمعين يارب

 

[الصابرة المحتسبة]

لنا كلمة

 

[شيخة الغيد]

نبي ساعات تخفيف عمل ..... صج محتاجينها و اذا استاذنت والا قلت ولدي مريض يقولون اخذي تخفيف عمل ... صارت مذله
والله اعلم بالحال ..