لندن لندن لندن لندن لندن

[أحلى سلا]

مساء الخير يا حلوين


اب اسألكم انا ناويا هالصيفية اروح اسكوتلاندا بس متوهقا شنو الاحلى والاونس والامان ادنبرا ولا جلاسكو ؟
شنو المناطق الحلوا - الاسواق - الفنادق ؟

بعدين بروح المناطق حول لندن شنو الاحلى كاردف " ميلتون كيينز " ريدنق " متوهقا بينهم نوروني الله يرضى عليكم

مشكورين

 

[بنت الجيران]

اهلا يا احلى سلا انا رحت هالاماكن شوفي اسكتلندا من النوع اللي الساعه6 انتي في بيتكم يعني اضيق الخلق اما ملتون كينز حلوه بس تمشين وتسلمين نفس لندن كلها كويتين:3lm1:

 

[أحلى سلا]

وينكم يا خبيرات لندن يا حلوين الفزعة بسرعة بحجز ضروري هالاسبوع

 

[caramella]

:68_asmilies-com:
قوة يا أحلى سلا حبيت أفيدج بجم معلومة من رحلتي لبريطانيا الصيف اللي فات رحت سكوتلندا أدنبره لمدة يوم واحد بس أحسها حلوة وهيصة صوب القلعة والشارع الطويل اللي كله سوق اللي قبال القلعة بس يا ربي اتحسين عالديره ريحتها ترمس لما سألت قالو إن أدنبره مشهورة بصناعة الخمور والبيرة أعوذ بالله و فيها أكبر المصانع فعشان جذي إتحسين الجو ريحتها خمرة جنه ريحة ترمس لوول:dddds:
جلاسكو ما رحت لها بس إقولون إنها حلوة للتسوق ويمكن فيها شغلات ثانيه إفيدونج البنات بس هذا اللي سمعته عنها
رحت ريدنق وقعدت فيها أسبوع همممممممم شقولج إهيا مدينه إصغيرة هاديه آنا ما حبيتها وايد ما أدري ليش أحس مانشستر فيها حياة أكثر وايد هاديه ريدنق وكل شي إسكر بال6 بالكثير 7 بس كان فيها مجمع حلو بالداون تاون إسمه oracle فيه نهر صناعي صغير يفصل بينه وبين مبنى مواقف السيارات عجبني هالمجمع
كارديف سمعت إن طبيعه وطبيعتها وايد حلوة و بحيرات إنها هاديه وفيها أوت لت إسمه Bridge end
ميلتون كينز ما أعرفها إنشالله البنات إفيدونج:bye22:

 

[مخروووشة]

ملتون كينز عجيبة لا اتطوفج

 

[أحلى سلا]

مشكورين بس ابي افادة اكثر لانا صراححة انا ماخذة الوالدة وخواتي الصغار ورايحين معا اخوي الصغير فكل شي بويهي واخاف اتوهق فيهم وانا ما رحت هالاماكن من اول وابيهم يستانسون وخايفا من التنقلات لانا الوالدة ويل شير ما تقدر تمشي وايد فافيدوني اي اروح وتكون اوفر

ادنبرة - ريدنق \ ادنبرة - كاردف - لندن \ ادنبرة - ميلتون كينز - لندن

جلاسكو - ريدنق \ جلاسكو - كاردف - لندن \ جلاسكو - ميلتون كينز - لندن

شنو اختار والاحلى والاونس وكم اقعد في كل وحدا

الفزعة يا خبيرات لندن

 

[Pink GirL]

بالنسبة لأسكتنلدا والله مالي خبرة فيها

بس كارديف احنا بيتنا هناك .. اللي يروحون لكارديف اول شي لازم تحبين الهدوء لأنها وايد هادية والساعه 6 او 7خلاص كل واحد في بيته
طبيعه عجيبة وامان شي مو طبيعي ماجنج في بريطانيا

*السوق
سوقها (ديفيد سنتر) مو كبير ويصير بشارعين كوين ستريت وهاي ستريت بس حلوو واللي ماتحصلينه في مناطق ثانية تحصلينه فيها بس مافيها ماركات عالمية مثل لندن بس المحلات المعروفة دبنهامز ومارك سبنسر وH&M ومونسون وقاب وباقي هالمحلات
هذي جم صورة

*سوق الاحد
وفيها سوق الاحد اي تاكسي بس قوليلة سنداي ماركت او Sploot market يوديج واغلب اللي يبيعون هناك هنود بس تلقين بضايع مثل بيجامات وتكرمين جواتي حلوين وتلقينهم نفسهم بالسوق بسعر دبل

*سينما
وفيها مجمع سينما وايد حلوو اسمه Cardiff Bay -UCIوفيه مكان لألعاب اليهال وبولنق وكافيه تونسي اعتقد وتفتح لي وقت متأخر في الليل

*حديقة وبحيرة
وفيها حديقة كبيرة وحلوة اسمها روث بارك Roath Park
فيها بط ووز يونسون والعاب حق اليهال ومتحف زهور واكيد محل للايس كريم وقوارب تأجيرنهم في البحيرة
وهذي صورة لها

*متحف
فيها متحف كارديف بس ولا مره دخلته الصراحه

*مدينة ملاهي
فيها مدينة للملاهي صغيرة ويمها شاطىء بعد اسمها بري ايلاند بس بعيدة عن السوق يعني تقريبا نص ساعه او اقل شوي ماني ذاكره بس اذا رحتي لازم تقولين لتاكسي يمرج بوقت معين او تخلين معاج تلفون لتاكسي تعرفينه لأن المنطقة نادر ما يمر عليها تاكسي علشان ما تتوهقون

*قلعة
وعندج بعد قلعة كارديف .. تروحين لها مشي اذا انتي بالسوق قريبة وايد من السنتر
بالقلعه متحف يتكلم عن حياة سكان ويلز ومحل تذكارات

ولا تنسون تصعدون على الجبال ترى متعه التمشي فوق هالجبال الخضرااا تشرح القلب

ان شاء الله اكون فدتج بخصوص كارديف وباقي المناطق ان شاء الله مايقصرون وياج البنات

 

[SupeR-GirL]

مثل ما قالت بنك عن كاردف وايد حلوه وامان ماتخرع مثل لندن

العام قعدنا فيها اسبوعين وبعدها رحنا ميلتون كينز قعدنا فيها بعد اسبوعين

كاردف تبعد عند لندن تقريبا اربع ساعات

وميلتون كينز تبعد عن لندن ساعه وحده يعني اذا بغيتو تروحون لندن بسرعه توصلون لها

والمحلات بكاردف نفسها بميلتون كينز

السوق او المجمع اللي بميلتون كينز واااايد كبير وشرح ويونس وهادي كل شي في والطبيعه والبحيرات ماجنج قاعده بلندن

يعني اذا بتروحين لها لا ترددين

وميلتون كينز في بعد يمها مدن صغيره وكبيره الصغيره مثل سوانسي واوكسفورد وكبيره مثل بيرمنغهام اللي فيها مصنع الكادبوري وفيها يمها بيستر فيلج اللي اهو اوت ليت في ماركات