لندن لندن

[Om mriom]

السلام عليكم
بدون اي مقدمات
بغيت اسألكم يا اهل الخبره
اذا بقعد بلندن اسبوع جم تكلف مصرف وسكن وتذاكر وكل شي مابي تسوق مو ضروري. بس تغير جو
بليز لاتبخلون عليا

 

[قهوة]

عندك تذاكر طيران الاتحاد مسوين عروض حق رحلات لندن حاليا ب1300ريال سعودي يعني 130دينار اتوقع أو تزيد شوي للشخص وفندق مابين 5الاف و10 الاف ريال يعني الف دينار وشوي لاسبوع بالافطار على هالرابط
http://hotels.findhotel.ae/SearchRe...scroll=0&open=3,2,1,4,7,6&mapstate=contracted

والسيارات والمترو 100دينار والاوت لت 500دينار
صاروا تقريبا 4000الاف دينار لشخصين مدة اسبوع بدون تسوق ولا مطاعم.... ترااا

 

[زهرة الفردوس]

التذاكر بحدود ٢٠٠-٣٠٠ دينار للشخص الواحد
والسكن بين ( ٦٠-٨٠) لليوم الواحد
يعنى لو نفرض ب٧٠ اضربيها ب٧ تطلع ٤٩٠ دينار
اما الصرف لج بروحج قولي ٥٠٠ دينار
وهم خلي احتياط معاج سبحان الله تحتاجينها في شي
والله اعلم *

 

[سفييره الكويت]

انا بروح لندن بعد شهرين

التذكره بين 200 الى 300 دينار

الفندق على حسب لكن هالصيف زايدين الاسعار كنت بسكن بكمبارلاند مثل كل مره بس السعر زايدينه.بسبب الاولمبياد.!

حجزت فندق 4 نجوم


المصرف اخذي بين 500 الى الف دينار اما اذا انتي من نوع اللي تشتري بضايع او بكثره اخذي اكثر

 

[Om mriom]

فديتكم ماقصرتو

 

[ام مهاوش]

امبي اشدعوه اللي تقول ٤٠٠٠حق اسبوع غلطانه اختيشوفي اذا بتروحين هالشهر او الشهر الياي حلو الوقت وفرصه الاسعار تصير رخيصه ووايد عروض عليها
المصروف من غير تذكره وسكن ٦٠٠ وايد زين واحتمال تتسوقين سوق خفيف اخر يومين

 

[Janna-q8]

عادي للتنقلات لا تستعملين التاكسي
اخذي تذكرة ميترو حق اسبوع تطلع للشخص يمكن 8 دنانير مو متاكده
و الاكل اذا ما تبون غالي ياحلو ماكدونالدز
و بس الباقي تمشي على قولتج اكيد ماراح يكلف وايد

 

[ام حمادنه]

انا رحت شهر 2 عالبرتش التذاكر خذيتها شخصين 330

والشكن كمبرلاند احلى موقع يني 330 نفس الشعر



يعني تذاكر وسكن 700 بسسسسسسسسسسسس

الفيزا 34 للشخص يعني ثنينكم 68

والتنقلات بطاقة اوستر 20 باوند يعني 10 دنانير للشخص اشحنيها لمدة اسبوع تركبين الباص مليون مره واحلى مافي لندن باصاتها

بس المشتروات اللي تصلخ صلخ صراحه لانه سوقهم روعه واكلهم موغالي حيل يعني انا قالولي غالي قارنت اسعار المطاعم التركيه والعربيه نفسسسسس اللي عندنا 20 دينار وفوق انا جذي اقط بمطاعم الكويت

 

[ام حمادنه]

بنات شلون مشتروات تكفي 500

اللي يدش سلفردج يطير هال500 على جنطه من حلات جناطهم صراحه

هذا غير المكياج والعطور الروعه

الا اذا انتي ماتحبين السوق

انا وحده قالولي سوق المانيا واو يوم رحت لاعت جبدي

لندن سوقها مهما اوصفلج مااوفيه حقه