لندن و ضواحيها .. والمناطق الخارجية .. ضروري جدااااا

[أم الحلوة جمان]

السلام عليكم ...

بنات عندي استفسارات للبنات اللي يطلعون بره لندن ...
شنو أحسن منطقة ( خارج لندن ) ؟؟؟
و السكن خارج لندن رخيص ولا غالي ؟؟؟

ياليت اللي عندها معلومات عن المناطق خارج لندن .. و المولات والأسواق الحلوة ... و السكن وأسعارهم تقريبا ... تقوولنا كل التفاااصييل ...

و مشكووورين بنات ... أدري ماتقصروون ...

 

[Suwi]

umm brighton hathy brh london 3l b7r sn r`7i9 bs el soq mo wayd 7ilw y3ne 3de

fee mna6eq 7ilwa bs wayd wayd b3eda y3ne bo arb3 s3at or 3 sa3at bs 7lwen owayd erkha9

 

[شندوخه]

ام جمونه شلونج
احنا كنا ننزل لمدينه اسمها Oxford City
تبعد تقريبا ساعه وربع بالسياره وفي باصات تاخذج من محطات بلندن وتنزلج بنص السنتر
واهي المنطقه اللي صوروا فيها هاري بوتر
المنطقه حلوه هاديه وتمتاز بانها تاريخيه وسوقها حلو ومافيها زحمه لندن بس عيبها الوحيد السكن يعني ماتلقين فنادق او شقق بالمستوى المطلوب فا احنا شنو سوينا ؟
اجرنا بيت ريفي هادي وكان واااايد حلو لمده شهر بوهالشهر ننزل على لندن ونتمشى بهالمنطقه لانها ريفيه نوعا ما
وفي برايتون بس برايتون ماكثرت القعده فيها كنت امرها يوم واحد وارد بنفس اليوم
ويمدحون ليفربول ومانشستر بس مارحتلهم بصراحه

 

[بنت عبدالغني شربت]

هلا ام جمان انا رحت برايتون الناس تحبها بس انا ما اعجبتني وايد بعدين انا من زمان رحت لها سنه 99 والصراحه ما ادري جانها تغيرت ولا لأ

طبعا الي ما عليها خلالاف بلاك بول الصراحه تهبل واتوقع انها احسن منطقه

 

[أم الحلوة جمان]

مشكووورين حبايبي ...
suwi و شندووخة ... ما قصرتواااااا ... و ياليت اذا عندكم اسامي فنادق ...
=============================
شربوووته شلووونج ...
انزين حبيبتي .. ماعندج أسامي فنادق زينه ...؟؟؟؟؟

===============================
يالله بناات طلعووا ما بجعبتكم

 

[dalprincess]

انا رحت منطقه اسمها ريدنق .. عجيبه واستانست فيها اكثر من لندن . حلوه وايد وسوقها رووعه واسعارها ارخص من لندن ... بالقطار رحتها من لندن الطريج ساعه جنه اذا مو غلطانه

 

[أم الحلوة جمان]

مشكووورة حبيبتي dalprincess
انزين انتوا سكنتوا فييها ؟؟؟؟
و شكثر بالقطاار ؟؟؟؟
ياريت التفاصيل ...

 

[Dancing^Queen]

سكن بره لندن ماسكنت فما فيدج بهالمجال
رحت برايتون ماعجبتني كلش ورحتلها بالقطار نسيت من اي ستيشن
رحت برنتري بره لندن تبعد ساعه بالقطار تاخذين اكسفورد اندرغراوند وتروحين ليفربول ستيشن تاخذين قطار وتروحينل لها والله نايس بس اهي بس سوق
ورحتبعد بكستر فيلج همن سوق وفيها شويه بويتات تاخذين اجور رود ستيشن نسيت اي لاين من السنترل لاين لا البني ذكروني بنات البني الديسترك؟ نسيت اسمهم المهم يقلج علي ستيشن عوده همن نسيت اسمها
تاخذج هناك وتقضين يومج
بس اغلب شي تروحين السبت
لان الاحد نص نهار مثل مانتي عارفه
اما برايتون كلش ماايزتلي صغيره مافيها ي يسوا ومتحفهم موحلو
مع العلم اهلي يكيفون عليييييييييها يموتون عيلها يروحون اكثر من بره

 

[يمّه مني]

يعتمد انتي شنو تبين بالظبط بالنورث بالساوث
في عندج ابردين برايتن بلاك بول بورمث لفربول سكوتلاند وايرلاند طبعن هذول تابعين حق بريطانيا نفسها
غلاسكو برمنغام برستل مانشستر ....
تسوق عمري ماتسوقت اهناك بس بالستي
انتي تبين علاج
طبيعه
تسوق


انا نازله هاليومين انشالله لندن اذا بتكونين من الحين لي اسبوعين جدام اهناك دزيلي عالخاص عشان انتلاقا

 

[أم الحلوة جمان]

مشكووورين حبايبي ........

ماقصرتي كوييين ....

يمه مني ... أنا مو الحين بروح .. ناوية على عطلة العيد ( الكريسماس عندهم )

طبعا رايحة تسوق .. و بنفس الوقت تغيير جوو ..

حساافة مارااح اصاادفج يالحلوة ...

 

[يمّه مني]

لآلالالالالالالالالالالالا ام جماااااان
لالالالالالالالالالاء لالالالالالالالالالالالالالالالالالالالالالالالالالالالالالالالاء
الكرسمس وعععععععععع وععععععععععععع تكرمين لندن اتصير مزبله
زحمه جنه يوم الحشر واااااااي لووووووووووعه
علبو سيل
انا رحت الكرسمس اللي طاف والله ماستانست مالقيت شي اغلب المقاسات طايره
كلشي طوابير وليلة الكرسمس كل المطاعم مزدحمين ويوم الكرسمس كلشي صاك
اذكر يوم الاثنين كان 25 يوم الثلاثا طالعه الصبح بروح selfridge's الطابور الله وكيلج من الباب مالهم لين اخر الشارع وهاردز جنه كان الاربعا هم جذيه الزحمه لي اخر الشارع اوكسفورد الناس جنهم نمل الجتف بالجتف بس مادري خارج لندن اشلون الوضع
يارب يكون حظج احسن
بس الحسافه تدرين شنو ؟؟ اني ماراح اشوف الحلوه ام جموونه :*

 

[أم الحلوة جمان]

يمه مني :
حبيبتي انا ودي عطلة عيد الأضحى أسافر .... بس مو حاطة ببالي مكان معين ..
و ريلي اقترح لندن .. و لما جيكنا التاريخ ولا يطلع الكريسماس عندهم ....
صاااجة انا شاايفة الكريسمااس .. صح زحححمة واايد .. بس تصدقين وناااسة ....
وذكرتيني بسلفردج ... من الزحمة اللي على باب جوتشي ... قلت أكييد قاعد يوزع ببلااش .. لأن كل من يطلع محمل جيسين أو 3 جوتشي ....
بس يقولون ان مناطق بره لندن سوقهم ما عليه دووس وايد ... فمادري ... ودي اسكن بلندن ... وازور بره لندن ...

اي والله حسااافة ماراح اشوووفج ...

 

[bambena]

ليدز تقريبا ساعتين بالقطار وثلث ساعه بالطياره

سوقها اينن والسكن فيها معقول مو غالي

 

[brat]

آنا عندي بره لندن وايد أحلى، على الأقل ماكو وايد أجانب وماكو وايد عرب.

عندج Torquay هالمنطقة تبعد عن لندن بأربع ساعات بالسياره بس بالقطار أكيد أقل، هالمنطقه عالبحر وصايره بالجنوب، الحلو فيها إن مو وايد زحمه وهاديه نوعاً ما، بس وايد بارده، أبرد من لندن، وبالصيف يسوون كرنفال. وبالنسبة للسوق، ما عندهم مول مسكر، عندهم سنتر تتمشين وكافيهات. وايد حلو المكان.

وعندج Milton kenyes، تبعد عن لندن ساعه بالسيارة، فيها كويتيين، وفيها مجمع كبير وحلوه محلاته، وفيه مجمع صغير مال games فيه ألعاب و بولنج وجم محل ومطاعم وإنترنت كافيه... اسمه xscape. هذا تروحينله إذا سكر السوق. والمنطقه فيها جم بحيره وناسه حلوه الأجواء.

أما منطقه فيها سوق فيه ماركات بس أرخص من سلفرجز، bicester. عندهم أغلب الماركات وفيه كافيهات... بس بالنسبه للسكن مادري عنه لان زرنا هالمنطقه ما سكنا فيها.

أهلي وايد يدورون بره لندن بس هذيل المناطق اللي حبيتها