قريت على جدتي الله يطولي بعمره
رسالة انتشرت بالواتس
بين حفيده وجدتها تعاني من صدود ولدها
عادماماهيله
بكت وحوقلت على بالي
دخلت جومع القصه?
قالت يابنيتي
اكتبي القول الي ابقوله لتس
اهمس بإذن كل بنت وولد
احساسي وشعوري وتراه احساس وشعور كل ام متزوجين عياله وبناته ومستقلين ببيوتهم?
جعلي فداكم ?
والله كل ماصليت العصر ولمت القهيوه اناظر الباب
ادري انكم مشغولين بعيالكم ومدارسكم ومشاغلكم ورجالكم
بس يالله التوبه
الدنيا مهب طويله ولايدرى متى تزل بي قدم
افرح لافتح البويب ودخلتي انتي وعيالك والا انت وعيالك وبنياتك
تسوى الدنيا ومابه
تسنكم معطينن الدنيا
يروح اليوم واليومين والثلاثه مافتح بابي منكن
على اجتماع الخميس
يطول علي الوقت وتكثرهواجيسي
والي يضيق صدري
لاسمعت تحسر الي رحلن امهاتهم
تسيف متحسرين ويبكون الدم من الندم على تركهم لامهاتهم وما اسعدوها وشبعوا منه
وينكم يومه كل عصريه عيونه بالباب
تحرى من يدخل عليه
مولمتن قهوته وتميراته والي يتهيء من الخريبطات
فرحون انا وكل أم
زورون
تقاسمن الايام
كل يوم وحده اتفاق بينكن
تراه احب علي من انكن تجتمعن كلكن بيوم همن اقعد تالي الايام تقل جنيه لحيلتي
ومهب ملزوم الاتقعدين لتالي الليل
كثرخيرك يابنيتي
لاجيتي من عصرك ووسعتي صديري وقضيتي وقتي العصر والمغرب
ابدلاصليتي العشاء
تعشي وبهواك الله يساعدك
وعساكن بحل
تراي منب اتشره
بس اعلمكم الي بخاطري وخاطر كل اميمه مستفرده ببيته
الموت يتخطف يعقبنا
بس دورنا جاي مهب بعيد
فرحون
والله ماجايكن الادعوات تستقبلكن ودعوات تودعكن
وربي بيسهل اموركن وبيسخر رجالكن لاصار النيه بر بأمك
مهب جيتك علشان فلانه وفلانه بيجن
لاجت كل وحده يوم
صار لي فرصه اسولف ويسولف علي
واقل ازعاج من الصغار الله يصلحهم
والا لاجتمعتن
ماصار لاحدسالفه
واخوتكن مايقصرون بس حدهم فنجال قهوه وبمان الله يمه تبين شي وبس
وماتملكين بنات الناس
والا ودي إن اعيالي يخصصون لي يوم يزورونن ويجلسون معي واصيراخبران هاليوم يبي يجين اوليدي به افرح وكأني مالكه الدنيا الله يحنن قلوبهم
وأملي بكن يابنياتي
وتغانمن وجودي وتنافسن على بري
والله مارجيت ولابغيت ماده والا اكل
أبي الي يوسع صدري ويقضي وقتي ويهتم بي مايرضيه جلستي لحالي
اليوم واليومين والثلاثه
والله يوفقكن ويسعدكن ويسخرلكن رجالكن وعيالكن ومقدرتن انشغالكن بس لاتخيلتي اميمتك بحجيرته او بحويشه لحيلته
ارحميه وانت ارحمه
وبحفظ الكريم بمان الله
انشروها ولكم أجرإسعاد الامهات فلعلها تنبه من غفلت وانشغلت عن أمها أوغافل اشغلته الدنياولم يجد زوجه تعينه على البر بأمه وتنبهه لحقهاعليه
