لنـــــــــــــدن. ،،،،،،،

[فديت غلاي]

السلاام شلونكم بنـْْ♡ـْْات شخباركم
جبيت اسألكم عن لندن
والي عندها خبره
ابي اعرف إهــے غااااليه حيا نفس ماسمعت ؟؟
لان حيل ايسووني
ودي اروحلها ويقولون حتى الصمون عندهم ب 10 دنانير
مو معقوله ؟؟
بليز ردووا
ابي اعرف كم تحتاج ميزانيه لو بقعد فيها 10 ايام ؟؟
ابي معلومات والي يعافيكم

 

[!amorra!]

والله اهيا غاليه

والحين راح تصير اغلى عشان الاولمبياد

السكن بيكلفج اكثر من الف للغرفه الوحده

المصرف الف وشي

اذا تبين اتشرين اكثر بعد

 

[ماحب حريم خواني]

اشدعوه صمونه اب عشره قويه ههههههههااي

اب اب

 

[(لندنيه)]

up

 

[اسرار70]

السكن غالى
بس ما توصل الصمونه عشر شدعو
المطاعم العربيه غاليه
اغلى من الكويت بوايد

 

[فوفو البنوته]

للي تقول ان الف للغرفة والف للاكل كلش غلطانة
انا بسافر هالصيف لندن ان شاء الله الغرفة حق 3 اشخاص بالف وميتين حق 21 يوم
يعني يمكن حق شخص و10 ايام وايد ارخص من جذي
وطبعا الي اتكلم عنه فندق 5 او 4 نجوم
والاكل لشخص ما يكلف فوق ال500 لو انه شخص ياكل ياكلللللل يعني يدب!
والمشترى عاد على حسب الشخص
والطيران روحه ورده للشخص من 300 لين 500
يعني للغرفة والسفرة والشره وكل شي 2000 او 2500 مو اكثر للشخص الواحد

 

[حلم صعب المنال]

للي تقول ان الف للغرفة والف للاكل كلش غلطانة
انا بسافر هالصيف لندن ان شاء الله الغرفة حق 3 اشخاص بالف وميتين حق 21 يوم
يعني يمكن حق شخص و10 ايام وايد ارخص من جذي
وطبعا الي اتكلم عنه فندق 5 او 4 نجوم
والاكل لشخص ما يكلف فوق ال500 لو انه شخص ياكل ياكلللللل يعني يدب!
والمشترى عاد على حسب الشخص
والطيران روحه ورده للشخص من 300 لين 500
يعني للغرفة والسفرة والشره وكل شي 2000 او 2500 مو اكثر للشخص الواحد

شنو اسم الفندق اللي حصلتيه ل3 اشخاص بهالسعر ولمدة 21 يوم ؟؟؟؟
انا تعبت وانا ادور في بوكنق ما لقيت فنادق خمس او 4 نجوم بهالسعر اللي تقولين عنه !!!!لحقي علينا باسم الفندق واللي يعافيج

 

[نجد دياري]

اختي فوفه انا حسبت سعر الغرفه اللي تقولين عنها بالريال طلعت 15الف و600 ريال
هالسعر ماممكن تحصلينه الا اذا كنتي حاجزه مررررره بدري
اقل سعر لقيته 13 الف ريال يعني 1000 دينار ل9 ليالي!!!!!!!!!!!
وش فندقك بلييييز
واي شهر مسافره ان شاء الله:eh_s(7):

 

[فديت غلاي]

ههههههههههههههٱ‏​نـِْ♡̨̐ـِْا بعد ماصدقت الصمون ب ١٠
بسسسس شسوي أيسووووني
وانا ميته عليهااااا حيييييل


مشكوورين علا الرد بنـْْ♡ـْْات ماقصرتوا

 

[عنود الغيد**]

اااب

 

[** آية من الجمال **]

فديت غلاي مو لي هالدرجة الغلا شدعوه إذا ساندويش عادي والله بالجمعية تلقينه شحلاته على جبن موزريلا وخضرا أقل من دينار وخذي معاه سلاد وعصير وشبس والحمدالله على النعمة

الإسبوع إللي فات أنا راجعه من لندن وشحلاتها بعد ما ينشبع منها يبيلي روحه ثانية إن شاءالله وعلى فكرة المطاعم العربية إهي إللي غالية شوي ويبيلها ميزانية بس الأكل العادي والكافيهات أسعارها عادية

دخلي على تقارير البنات بلندن شحلاتها عن كل شي فيها عندك مواضيع بنت النوخذا وأم العيال والدلال وبنات وايد بعد وتجمع مسافرات لندن فيهم كل شي يخطر على بالك موضوع أحلا من الثاني ما تخلصينهم من حلاتهم

والله يوفقك والجميع إن شاءالله

 

[دلوعة أبوهآ]

صح لندن غاليه
بس كلام النآس مُبآلغ فييييه ..
مو لهالدرجه عآد ...!



اوروبا كلهآ غاليه
بس كل شخص يقدر يتحكم في مصروفه

 

[ام مهاوش]

انا عن نفسي ماحب لندن بالصيف وتزيد اسعار الفنادق والتذاكر روحيلها اشهر السنه وعندج عيد الاضحى احلى بعد
وايد بالغو لما قالو الصمونه عشر دنانير اشدعوه جان محد راح ماعليج من حجي بعض الناس
روحي واستانسي وانا احس لندن اسبوع وايد عليها اما اذا كنتي بتطلعين برا لندن قعدي اكثر وانا انصحج تطلعين برا لندن احلى بوايد

 

[فوفو البنوته]

بنات عيبنا الخليج ما نقيم الفلوس ولا نصبر
انا فتحت شفت الفندق حق جم يوم يعني غرفة وحدة تكفي لي 3 اشخاص حلوة صح؟
دخلو المواقع حطو انكم تبون 4 نجوم وفوق وبعدين يطلع لكم اكثر من فندق في فنادق قريبة وايد وتلقونها زحمة
وفي فنادق شوي بعاد يبيلهم محطه او باص وانا ممن نوع جي ما فيه مانع باص
وحجزو مبجر والله على طيران البريطانية لو تحجزين قبل 3 اشهر او شهرين ونص تلقين روحة ب 97 ورده ب97
بس كل ما دورتو ابجر حصلتو ارخص بالاخص حق العوايل الكبيرة

 

[فوفو البنوته]

وبنات نصيحة دام فيه شهر بعد العيد اجازة سافرو بعد العيد ترخص الاسعار شوي
ولحد يشتري من بقالات او مطاعم عربية لانهم نصابين وانصحكم بالقطارات والباصات احسن من التكاسسي
هذي طرق توفيرية خاصة للعوايل الكبار

 

[وحدة من الناس *]

لا مو لهدرجة الصمونه ب10 دنانير

وصاجه الفندق مو بألف

احنا حجزنا فندق مو نتكالم 5 نجوم حق 3 اشخاص بغرفه وحده لمدة 4 ايام يعني 3 ليالي تقريبا 420 دينار

بعدها رحنا المدن اللي حوالين لندن ورجعنا فندق كمبرلاند 4 نجوم 10 ايام غرفه وحده حق 3 اشخاص 850

وهالحجي بالصيف توني راجعه 14/7

 

[(حكاية قلب )]

شدعوه حتي هوليود الصمونة ارخص من 10 !!
انا رحت لها اسعارها مثل دبي زينة انا اشوفها
​

 

[الكادي 1981]

بنات اشلون فندق كمبرلاند ؟؟؟؟