لنـــــــــــــــــــــــــــــــــــــــــــــدن

[rayaan]

قوة بنات شلونكم ......

بروح لندن وابيكم اتساعدوني ؟؟؟

شنو احسن الأماكن هناك و الأسواق الرخيصة اللي تبيع الستوكات ؟؟

وشنو اقدر اشتري من هناك؟؟؟

ياريت ما تتأخرون علي

مشكوووووووووووووورين :eh_s(6)::eh_s(6)::eh_s(6):

 

[rawona]

رد

الاسواق عندج الاكسفور ستريت والبوند ستريت ..

سيلفردجز ، هارودز ، ماركس و سبنسر ، تي كي ماكس ..

ووايد والله ناسيتهم الحين ..

موفقه :eh_s(17):​

 

[dalprincess]

حبيبتي والله انا خبرتي مو ذاك الزود بس الاسواق الحلوه الي رحته ...
شارع اكسفورد .... هارودز ... سلفرج ... هاوس اف فريز ... دبنهامز ... نيم ان ماركس ... مارك سبنسر .... وفي منطقة ريدنق سوقها وايد حلو

 

[rayaan]

مشكورين وما قصرتوا

بس وين باجي البنات

نبي خبرتكم

 

[فلوه]

مثل ماقالوا البنات شارع أكسفور كله محلات وأحلي مافيه سيلفريج ويتفرع منه بوند ستريت فيه ماركات ونهاية أكسفورد ريجنت بارك شارع تجاري وفيه مول صغير أسمه ليبرتي كله ماركات,, شارع نايتس بريدج >غرامي :eh_s(15): كله قهاوي ومطاعم رايقه وطبعاً محلات روووعه وفيه هارفي نيكلز وهارودز ويتفرع من نايتس بريدج شارع سالون ستريت > كاشته فيه :eh_s(3): جميع الماركات تلقينها هناك .
طبعاً محد يروح لندن مايمر علي الهايد بارك ووش كبرها ..
شارع العرب الإدجوال رود يعني مو مره كنك بالسيده زينب في مصر ولا تشمين إلا أرقيلات :eh_s(20): ومنطقو الكوفنت غاردن شعبيه حليوة
الوايت ليز مول قديم شوي بس حليو ,, فيه مول حلو تمشيه برا لندن أسمه بلو ووتر, وإذا تبين الأوت لت روحي بيستر فيليج برا لندن تبعد ساعه وشوي تروحينها بالترين ..
وبالخدمه إذا بغيتي زياده معلومات

 

[al_3needa]

خوااااااااااااتي

عندي جم استفسااااااااااار

احتمال اروح لندن اخر الشهر ( الله اعلم )

بغيت اعرف عن الضريبه !!!!!!! شنو سالفتها

شكثر اسمع عن هالشي بس ما اعرفه ( للعلم اول مره اروح لها ان رحت خخخخخ )

وصج لازم نحتفظ بالفواتير؟؟؟

ومره قريت لوحده من الخوات عن جناط ( دي كي ان واي )

وين احصلها وشلون اسعارها وممكن احد يحط لي نموذج عنها

أدري طولت بالاسئله ومصختها بس والله غشييييييييييييمه

واذا تذكرت شي برجع استحملوني

وشكرا للي تجاوب

 

[بنت الحزن]

تروحين و تردين بالسلامه

 

[سارا ديور]

شوفي حبيبتي

عندج سوق اسمه شوبنق سنتر رقم الباص إللي يودي له

198

سوق يهااااااااابل فيه كل محلات اكسفورد ستريت واحلى منه بضاعه

وهو عباره مثل المجمع الفانيوز

وهم سوق بلو ووتر هذا بتاكسي تروحين له لأنه يبعد عن لندن بساعه

احنا نأجر تاكسي من شركه لبنانيه يودينا وإييبنا ب150 جنيه

هم سوق واااااااايد حلو تلقين فيه بضاعة ويرهاوس إللي بفيلا مودا

بس واااااايد ارخض

************************************************


بالنسبه للضرايب

شوفي حبيبتي لما تشترين مثلا ملابس او جواتي من مارك سبنسر او من

سلفرج او من هارودز أو من اي محل إتش اند ام

لا تقطين الفواتير جمعيهم قبل لا تسافرين الكويت .. روحي

لمارك سبنسر قولي لهم (( ا وونت ميك أ تاكس فري )) يدلونج

تعطينهم فواتير الملابس والأحذيه الأكسسوارات اي فواتير مشتروات منهم

ماعدا لبس الطفال والأكل يسألونج تبين الضرايب كاش ولا على البنك

قول ابيه كاش اهما يجمعون قيمة المشتروات ويطلعون الضريبه

الورقه إللي يعطونج إياها وانتي رايحه للمطار تلقين طابور ناس واقفه

توقفين بالطابور وماعج جنطتج إللي فيها الشتروات ساعات يقولون فتحي

الجنطه بنشوف المشتروات وساعات لا

المهم يعطونج الفلوس نقدي

اهم شي مو كل ما رحتي محل اول مرا تاخذين التاكس فريه

احسن للما تخلصين كلش لن المحل ممكن تروحين له نرا ثانيه

فواتير ملابس الأطفال والأكل ماعلهم تاكس فريه

 

[al_3needa]

الله يجزاج خير يا الغاليه

بس تصدقين

انا مو جريئه يعني احتمال ما اسويهاااااا

والله محتاره

شنو تنصحيني فيه؟؟؟؟؟

 

[pink_girl]

العنيده بخصوص التاكس فري مو من كل محل تاخذينه لازم تكونين مشتريه من المحل بقيمة 70 باوند او اكثر يعني اذا شريتي اقل مايرجعون شي ولو اشتريتي بهذي القيمه تطلبين من الكاشير تقولين ابي كوبون حق التاكس فري ياما يعطونك اياه عند الكاشير ولا يقولون تروحين لمكتب إدارة المحل اذا كان المحل كبير مثل ماركس اند سبنسر وهالطقه بيكون المكتب بنفس المحل فوق ولو شريتي من المحل بقيمه اقل اليوم مثلاُ احتفظي بالفاتوره عشان لو اشتريتي منه مره ثانيه ووصل المبلغ ل 70 باوند تعطينهم الفواتير وتاخذين التاكس فري وترى على فكره يكتبون في الورقه اللي بتاخذينها من المحل كم المبلغ اللي يرجعونه بالمطار ويطلبون جواز السفر عشان يتأكدون ان انتي تحملين جواز سفر للبدان اللي يحق لها الحصول على التاكس فري
وبعدين تجمعين الاوراق حطيهم بظرف بالشنطه عشان مايضيعون ولا تتلخبطين وبالمطار اسالي عن المكان اللي تسترجعين منه قيمة التاكس فري وهناك يمكن يطلبون يشوفون شي من المشتريات عشان يتأكدون واحياناً مايطلبون واحنا ماطلبو علينا

 

[نور الكويت..]

عنيييدة...كنت حابة افيدج بخصوص التاكس فري
بس سارا ديور
و بينك غيرل
ماقصروووا قالو كل اللي كنت بقوله

وريان على طاري الاسواق عندج:
هارودز_سيلفردج>>>>للماركات
عنيدة اذا تبين Dkny راح تلقينها هناك

والشوارع المترووسة محلات عندج:اجوار رود_اكسفورد ستريت_وفي شارع قريب من هاروودز مادري شسمه بس كله محلات عجيييبة

واذا تبين محلات اسعلهم زينة عندج :بريمارك_وفي محل ثاني بس ناسية اسمه!!!!

وبالتوفيق يارب وتروحين وتردين بالسلامة

 

[al_3needa]

الغاليه بنك
والغاليه نور الكويت

الله يجزاكم كل خير

لا خلا ولا عدم

 

[الكويتـ80ـية]

ما شاء الله ابنااات ما قصروا الصراااحه هذيل المحلات اللي نروحها .. و طبعا شوفي الرحلات الجماعيه إذا بغيتي يودونج أسوااق برا لندن و أكيد تصير أرخص من داخل لندن .. كل ما بعدتي عن لندن صارت الأسعااار أرخص..