لنمنـــــــــــــــــــع الردود البــــــــــارده0(ارجو التثبيت والمناقشه)0

[اسوووره]

انا فهمت قصدج حبيبتي

انتي قصدج لمن يكون موضوع مثلا يحتاج الرد عليه و النقاش و الرأي مثلا ً :

موضوع وحده متلعوزه من ريلها او ابوها او اخوها او امها و تطرح مشكلتها وتبي حل لمشكلتها مسكينه و تلاقين الرد كالتالي و هم مثلا ً :

1- الله يهديهم 2- الله يكون بعونج 3- الله يفرجها عليج ...الخ

موضوع وحده تتكلم عن ظاهره غريبه و طارحتها للنقاش و معرفة ارائنا اتجاهها و تلاقين الرد :

1-يسلمو 2- مشكوره 3- يعطيج العافيه ....الخ

و صح كلامج انا لاحظت هالشي و الغريب انج لمن تشوفين عضوه مسجله عضوتها بس عشان تكتب هالكلمتين و تطلع و للاسف انها كويتيه ذهبيه و ماسيه او من كبار الشخصيات و ماوصلت لي هالمرتبه الا بهالردود البارده و طبعا و النعم باغلبية البنات لاني اخص البعض بهالكلام اللي تلاقينهم مرتزين بكل المواضيع لااااااااااااااااازم تلاقينهم موجودين و عارفه جوابهم قبل لا تقرينه

مع احترامي للبنات اللي فعلا تفرحين لما تلاقين ردهم على موضوع كان لج او لغيرج بس انج تقرين رايهم او مشاركاتهم الرووووووووعه و كلامهم العسل

موضوعج حلوووو يا الغاليه و اتمنى ان البنات يفهمون قصدج و وااااااااااااااايد شكرا على الموضوع حبيبتي ...

 

[lojeeen]

ما ادري بس في مواضيع ما تقدرين تناقشين فيها غير بهل كلمات ( مشكوره - يعطيج العافيه - يزاج الله خير )
مثل موضوع وحده منزله دعاء للحاجه شلون بناقشها
أو موضوع وحده منزله صور ما بقدر بناقشها بصورها
أو وحده منزله موضوع عن حقيقه علميه ممكن اناقشها لو كانت المعلومه خاطئه و لو كانت صحيحه بعد ما يبيلها كلام غير مشكوره و يعطيج العافيه على الموضوع

و انا ماشوف كلمه مشكوره أو مشكوووووووووووووووووووووووره تفرق عن بعض ههههههه عادي و مو بارده و لا شي المهم انها جات و سجلت ردها افضل من اللي اتطالع و تمشي
و ساعات بعد اللي تطالع و تمشي افضل من اللي اتدش و تخرب الموضوع برد تافه أو انها تفتعل مشكله و نجره حتى تزيد مشاركاتها

 

[koosa]

ه
حبيبتي انا من وجهة نظري ان الرد ولو بكلمة مشكورة او تسلمين
أقضل من الحقران
و واايد صارت فيني والله
و الشي يقهر يعني أنا كاتبة موضوع
ما اشوف ولا رد؟
عرفتي اللي احبااط و تفكرين انج ما تكتبين موضوع مرة ثانية