لوضعفتي وسألوج تردين ولا تطنشين ..

[ام سلمان 2007]

مرحبا بنات انا مسويه رجيم وضعفت وايد بس الي مضايقني سؤال كل مارحت مكان يسئلوني شم نزلتي وجم صار وزنج في اغلب الاوقات احس ماودي ارد بس اضطر اني اقولهم ولا اطلع نحيسه وشايفه نفسي ذاك اليوم داقه علي وحده من اهل ريلي ما اشوفها إلا بالمناسبات اسغربت داقه تقولي انا سمعت من فلانه انج وايد ضعفانه شنو سويتي ونفس السؤال جم نزلتي يعني صرت حديث الموسم موعن شي بس الصراحه انا تعبت وايد على ماضعفت واخاف يصكوني عين يخلوني ارد إلي نزلته وفوقهم زياده ولا سؤالهم شلون ضعفتي يعني يكون اختراع خففي اكل وامشي تضعفين مادري انا ابالغ ولا انتو نفس الشي يعني لو كنتي مكاني وسألوج نفس الأسئله تجاوبين ولا تطنشين 000

 

[الحراير]

بالعكس ليش الواحد مايعلم والله انا وحده لاسويت رجيم قلت وانا اعرف وحده من جماعتنا والله ضعفت حيل بس ماتعلم واللكل يقول عنها نحيسه وحذوا فكره عنها جذابه والاحسن انج تعلمين ونبي نعرف سبب ضعفج وكم كيلو نزلتي

 

[ام ليوونه]

الصراااحه اقولهم خففت اكل وسويت رياضه وبس

 

[nono93]

قولي سكرت حلجي وضعفت

ورقعي إذا انتي نازله 20 قوي 12

وإذا 12 ولي7

ولا تقولين كل شي
اسمعي نصيحه مجرب

 

[miss angel]

رد : لوضعفتي وسألوج تردين ولا تطنشين ..

بصراحة انا قمت اخاف لاني كنت متينه واايد ونزلت والحين الحمدالله وصلت لوزني المثالي

قبل كنت دايما اقول يقعدوني واقعد اقوول كل شي شنو اكل وشنو اسوي وشنو اشرب

بعدين حسيت صج ياا وزني واقف مو راضي يتحرك وينزل او اني اصير اشتهي الاكل بطريقة مو طبيعية او انه وزني يزيد بدون سبب مع انه اكلي من عقب الرجيم صار خفيف والوجبات والبيبسي كلش ما اذووقها كرهت شي اسمه وجبات وبيبسي الحمدالله ومع هذا وزني ما ينزل

بس الحين قمت اخاف فا ما اقول شي مو نحاسة بس لانه كذا مره تصير فيني وتأكدت ان الي يصيرر فيني لاني اقوول

 

[أسرار الطبيعة]

ارد واقول لهم

الله لا يوريكم المرض

ما جذبت ودعيت لهم بالعافيه

نصيحه الحريم ما يعجبهم لا كونك دبه ولا أنت عصله

ولو أنت متينة بيقولون الله يعينها على حالها ، لكن لا الناس ما تدير بالها إلا على الرشيقة

حسد حتى على الصحة والعافيه والقد الرشيق

 

[(عروسة حبيبي)]

آنه والله أقول رايحه عند طبيب وأسوي رجيم

 

[عشق رسامه]

السكوت السكووووووووووووت احسن لان العين مفجوجه

 

[ام عزيزان3]

رد : لوضعفتي وسألوج تردين ولا تطنشين ..

ان لما ضعفت صرت حديث الموسم بالنسبه لاي وحده تشوفني حتي الخدم يتحجون,,,ومع ان الفتره موقصيره الي نزلت فيها بس يننوني من كثر الاسئله وانا علي نياتي اجاوب وكل شي اقول يكسرون خاطري ابيهم يضعفون اخرتها من وراي وساعات جدامي يقولون معقوووله بس ريجيم اكيد مسويه شي ولاتاخذين حبوب؟؟؟يعني ماعندهم اراده علي طول حطوني اكل حبوب
ولما يسولفون جدامي عن وحده ضعفت اشكره ونغزه يقولون اكيد ماخذه شي يضعفها خو الحين الناس مايقولون قصدهم عني
والحين انصكيت عين عدل وزني قاعد يزيد بروحه وحتي لو اسوي شنو مايتحرك بسرعه يزيد من الماي بس ماينزل
ويبطون جبدي بسالفة جم نزلتي انتو شكو؟؟؟نصيحه لاتقولين نزلت وايد والله مايرحمون هالناس
قولي ماادري الميزان موهمي اهم شي القياس

 

[ام سلمان 2007]

الف شكرر على ردودكم حبايبي بس صاجه يا ام عزيزان اذا قلتيلهم قالو جذابه تاخذ حبوب وماتعلم واذا ما قلتيلهم قالو نحيسه صج ارضاء الناس غايه لاتدرك

 

[راعية الطويلة]

ما فيها شي إذا رديتي

سوي اللي ترتاحين له

اهم شي ديري بالج على صحتج و أكلج


تحياتي لج

 

[غالية زمانها]

والله على حسب .. في ناس ينفع اتقولين لهم رجيم
وفي ناس لا ماينفع لان يجذبونج ومايصدقون ان رجيم
كل عبالهم ياعمليه ياحبوب على قولت ام عزيزان ...

 

[عطــر]

بالعكس المفرووض تستانسين انج محور الحديث وانج الفتي اناظر الكل
بس اقري على نفسج عن العين بس
والمفروض تردين نظام سويتي انجاز
موفقة قلبووووش

 

[للزين هيبه]

لا والله مااعلم
علشاان يصكوووني بعييين <<< بيقوولوون بل بل بل انا اسد حلجي سنه وماانزل
وهذي سييييييده نزلت
علشاان انشل
لا يبا لا يحوووشك
قووولي بالعكس انا اشوووف نفسي مو ضعفانه وااايد
او قولي نفسيه
او قولي مادري شفيني ماعاد تطب اللقمه بحلجي كلش مادري من شنوو

 

[zomby]

رد : لوضعفتي وسألوج تردين ولا تطنشين ..

أول ماتسألج أو تدخلين ع أي أحد قولي بقلبج(((اللهم اكفني اياهم بما شئت)))
وقولي مخففه أكل أنا صار فيني نفسج وابتلشت والمشكله اني ساكنه مع عماتي وجدتي فجدتي تعرف شنو آكل واي أحد سألني اعطيهم الموجز(رجيم) وجدتي التفاصيل(ماتاكل ولا شي \شاي أخضر .....) ماتسكت إلا إذا اللي قدامها غير السالفه من الملل
بصرااحه كرهت نفسي... ماصرت أقعد مع الأواادم بسبب اللي معاي