لوكتبت لك الاقدار يوما اخر مع عزيز فقدتيه شنو تقولين له ؟؟؟

[ام مصعب السلفي]

احبتي ,,,,


لو كتبت لكم الاقدار يوما مع عزيز فقدتيه ..... شنو تقولين له ؟؟؟

ومن هو هالعزيز ؟؟؟






انا ابدأ :


ابوي حبيبي - الله يرحمه ويغمد روحه الجنه -



اقوله :



احتجت لك في حزت الضيق جنبي


وعقبك يبى كل الاقراب اغراب










وناطره مشاركاتكم









-

 

[قلبي معاك]

ياليتك تميت وعشت اكثر
لابوي الله يرحمه ويغمد روحه الجنه

 

[ام مصعب السلفي]

الله يرحمه ويغفر له ويعفو عنه وكل موتانا وموتى المسلمين

 

[رنين]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

جدي رحمة الله عليه...
وما اقول اخليه اهو يقول و يقول و يقول ليش اشبع من قولة و من حكمته و من قعدته لو اني ادري عمري ماراح اشبع لكن علاققل آخذلي زاد على مر الايام يعين....

 

[بنوته@كيوته]

راح اقولها لخالي العزيز الله يرحمه توفى بحادث شنيع بالبر جدامنا كلنا وجدام عياله ومرته الله يرحمه ويغمد روحه الجنه

كنت راح اقوله سامحني كنت فاهمه عصبيتك غلط...ما عرفت قيمتك إلا لما فقدتك

من سنتين توفى واحسه كانه امس متوفي

الله يرحمه ويبرد تربته ويخليها روضه من رياض الجنه ويرحم كل موتانا امين

 

[اشواق2008]

ابوي الله يرحمه ويسكنه الجنه وموتى المسلمين اجمعين ... الحياه بدونك صعبه

 

[ام مصعب السلفي]

الله يرحم موتانا وموتاكم وموتى المسلمين

شاكره مشاركاتكم الطيبه

 

[ام مصعب السلفي]

الله يرحم موتانا وموتاكم وموتى المسلمين

شاكره مشاركاتكم الطيبه

 

[عمرى شقا]

اللى فعلا أحب أوجة الكلمة لها وحدة راحت ومعها راحت راحتى

آة يمة ينى مقصرة بحقج ولا حسيت بقيمتج إلا لما رحتى

ولاقدرت التعب والشقا اللى شفتية بحياتج .......آة يمة إشكثر كنت أنانية وأقول

إنج ماتحنين على يوم كنتى حية وتعاملينى بجفا .......

ما\دريت إن بلاوى الزمن والمشاكل والألم اللى مر فيج

أهو اللى رسم معالم شخصيتج وكان شى غصب عنج

ما كنت متأكدة تحبين لآنج ماتعرفين تبينين عاطفتج

وكان همى الشكليات وأقول ماتحبنى أو تحن على

ليما جاء اليوم المشؤم وتأخرت عنج ولامريت

ودقيتى على من المستشفى اللى راقدة فية وقلتى وينج

وقلت يمة مشغولة اليوم وعندج إختى وأنا بكرة أجيك

مبجر قلتى لى كلمة كنت أتمناها طول عمرى ألا ذيج المرة

قلتى بنيتى حبيبتى أنا احبج لاتشيلين همى

جن قلبج قايلج إنى أطرها من زمان ... وجنج تدرين إنج بتغيبين عن عينى

وفعلا رحلتى قبل أروح لج ثانى يوم ... وصارت شوكة بقلبى

آة ليتنى ماسمعتها أرحم لى واللة من ذاك اليوم والنار تاكل جوفى

أحبج يمة !!!!!!!!!!!!!!!



تمنيت لوماقلتيها .. قلتى بنيتى حبيبتى أنا حبي

 

[لؤلؤية]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

لانسان غالي على قلبي
اخوي

يااااليتك كنت تصلي
ادعيلك دايما لاني ادري انك بحاجة الدعاء

 

[دلوعة أبوهآ]

الله يرحم جميع أموات المسلمين ويغفر لهم .,

ردودكم تعور القلب ..,
الله يجبر قلوبكم ويسعدها ..

 

[Cander]

لا اؤمن بكلمة لو

تفتح عمل الشيطان

 

[aṕriliå]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

آآآآآآآآآآه يااااااااااااااليت يصير


اتمنى لو يرد ثوووووواني بس

ارتمي بأحضانه واطلبه يسامحني على كل شي

واقوووووووول من توفى ليومي هذا وانا بعذاب


ياااااااااااااااارب ترحمه وتغمد روحه الجنة وتجمعني فيه بعال الجنااااااااااااان ياااااااااااااااااااااااارب

 

[دموع تائهه]

اخوي

انا وايد مشتاقه لك
كل يوم اطلب من ربي اشوفك باحلامي
سامحني على كل كلمه قلتها لك وزعلتك مني

صار له 11 سنه ولي الحين كل ما اتذكره ابجي جنه توه ميت

 

[جوزائيه مغروره]

مع امي

بقول لها حياتي صعبه بدونج

 

[واثقة بجمالها]

مع صديقتي

بقولها ما لقيت اللي يسد مكاانج وربي يغفر لج ويغمد روحج الجنة

 

[bent-oboha]

ابوي احن انسان بدنيا مايمر يمنا انا وخواتي الا لازم الملمنا وبوسنا واحنا نتنحش
يوم مات كنت بالثانويه مستتهتره قاعده عل الانترنت ودخل علي ولمني وانا زعلانه وبوسني ولا كنت ادري انها اخر لمه جان انا الي لميته وحبيته وطلع ومارد
لو ارد اقوله سامحني سامحني ماعرفت قدرك ولا عرفت انك قدوتي في الدنيا الا ما رحت سنين وانا احسها امس ابجي بكل لحضه اذكرك
الحين انا الي ودي المك بس ما قول الا اللمه الي كنت انحاش منها اهيا الي شبعتني حنان من ناحيتك واذكر على كل موقف زفيتني او طقيتني
كان من خوفك علي وما يمر ساعه الا يايني تراضيني وشرايج انروح الجمعيه حنانك علمني الحنية على عيالي لمي لهم وتحببي اذكرني فيك يا اغلى ابوي ماعرفت قدرك الا بعد فراقك احبك

 

[monmon12]

أحبك ويا ريت الأيام ترجع عشان أ‘دل كل غلطة خلتني أخسرك

 

[هدى النصرالله]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

امي اهيه مو ميته بس بعيده عني و الله يابنات ماحسيت بقيمتها الا لمن راحت عني تحسفت على كل شي سويته معاها كان يضايقها
والله يابنات مافي في هدنيا اخت وصديقة وتحبج من قلبها وماتزعلج نهائيا الا امج اهيه كل شي والله اني اتمنى اشوفها واسالها انت
انتي راضيه علي ياحبيبتي والله والله روحي وحياتي يرخصولها وشويه لو اعطيها روحي وكل مافيني
بس حبيت انصح كل بنت امانه لاتامنين باي بنت امج اهيه سترج وغطاج مهما يحصل بينج وبينها يضل السر سر
اما الباجيين يفضحونج والحمدالله اني ماعشت هتجربه لان امي كانت تنصحني وكانت تفتحلي المجال اقولها اي موضوع
واسفه اذا طولت

 

[((الزين))]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

تدرين بس قريت عنوان موضوعج
شنو صار فينى
الله يانى مشتاقه له
الله يا كثر مانى ولهاااانه
ما فى كلمه تعبر
احس ان قاموس اللغه العربيه
للحين ما وصل الى كلمات توصف
احساس الانسان بفقد عزيز والشوق له
احساس صعب وشعور اصعب
الله يرحمك يا اخوى
الله يرحمك يا عضيدى
الله يرحمك ياللى موتك كسرنى
ويرحم امواتنا جميعا
شكرا لج على هالموضوع