لوك سمسميه الربيعي بالصور حياكم

[سمسميه]

مؤخرا اعتمدت هاللوك وايد حبيته واحسه لايق علي :eh_s(3): ولاني احب اللوك الناعم والطبيعي ما احب الاوفر كلش


هذي صورة الادوات بالكامل

قبل اي شي تكون بشرتج نظيفه وحاطه المرطب مالج

اول شي استخدم البرايمر ماركة lura mercier بالصوره رقمه 1 وايد حلو من احلى البرايمرات الي جربتها طبعا اوزعه بفرشة الفاونديشن الي رقمها بالصوره 10

بعدين احط الكونسيلر من فورايفر رقمه بالصوره 8 واوزعه بالفرشه رقم 11 وطبعا هالكونسيلر اينن حده طبيعي

بعدين احط من الفاونديشن الكريمي الي استخدمه حاليا مال حنان دشتي رقمه بالصوره 2 لونه حلوه وطبيعي واوزعه بالفرشه رقم 10


وبعدين احط بطبطبه خفيفه بالاسفنجه من فاونديشن كنيبو المضغوط رقمه بالصوره 3 وطبعا هالكومباكت روووووووعه يغطي عيوب البشره بالكامل ويعطي لوك مخملي

عقبه احط سر اللوك وهو المنتج الخطير من جورجيو ارماني رقمه بالصوره 4 اسمه فلويد شير اوزعه بالفرشه على ويهي كامل بطريقة الطبطبه الخفيفه

شوفوا شكله على الايد

بعدين احط البلشر الي احبه وايد من فورايفر رقمه بالصوره 5 بالفرشه رقم13 وعقبه البلشر البرونزاج من توفيسد رقمه بالصوره 6 طبعا هالخلطه مالت البلشر تسوي وااااو انصحكم فيها

بعدين اوزع paint point من ماك كبيس للشدو رقمه 9 بطبطبه خفيفه بصبعي وعقبه اوزع الشدو من باليت نيكد الي حده روعه طبعا كل الوانه روعه بس انا اكثر درجات استخدمهم الصدفي لتحت الحاجب والبنيات لانهم يعطون لوك طبيعي خصوصا للصبح واوزعه بفرشة الدمج رقم 12

بعدين هذي عدة الكحل والحواجب

ارسم حواجبي شي بسيط بالسيت مال بودي شوب
والايلاينر طبعا غيرلان ما يبي له كلام سواده روعه واخط خطة الكاتي ايز
والقلم الكحل من داخل استخدم بيكسي ووايد احبه لان اسود حيل وما يسيح حتى بيخلص
والماسكرا اكيد هابينوس دراما

اما الحمره الي عاجبتني مع هاللوك اهيا سالوران 28

وان شاءالله تكون عجبتكم طريقتي وحياكم الله

 

[xxx]

وايد حلو اللوك

مشكورة على الشرح

:rerrerek:

 

[ii DareeN ii]

انا شفت اللوك على الطبيعه وايد حلو

 

[سمسميه]

بنوته بعد قلبي تسلمين

دارين تسلمين بعد قلبي عيونج الحلوه واكيد ما استغني عن نصايحج بالميك اب بحكم خبرتج ما شاءالله

 

[كلي دلع!]

الصور مو طالعه عندي

 

[AnOoOsH]

رد : لوك سمسميه الربيعي بالصور حياكم

وااايد حلو اللوك
مشكوووره حبيبتي ويعطيييج العافيه

 

[سمسميه]

كلي دلع
سوي ريفريش

 

[سمسميه]

انوش
مشكوره حبيبتي

 

[انا خطر]

تسلم ايدج

 

[Stylista_Q8]

انا عندي الباليت من اربن ديكآي صآجة كل الوانه حلوه وطبيعيه تنفع للدوآم الصبح

وتقريباً طريقتج مثلي بالميك اب ^^

باجر بروح ان شالله اشوف اللي من ارماني شوقتيني عليه !

وبعد بشووف الحمرة

ثانكيوو حبيبتي ^^

 

[هنووفوو]

نااايس ونعوووم

 

[سمسميه]

اانا خطر مشكوره حبيبتي

ستايلستا اربان دي كي صج روعه وان شالله تلقين مال ارماني والحمره

هنوفو مشكوره

 

[عجميه ولي الفخر]

رد : لوك سمسميه الربيعي بالصور حياكم

بس طالعتلي صور الادوات واللوك حسافه مو طالع ..

 

[أوتــار الهــوى]

ماطلعت لي صور اللوك

 

[أسيرة_أحزاني]

حطي اللوك برابط لان مو طالع

ومشكورة

 

[Mrs_Orchidia]

ماكو صور اللا صورة الحمرة و صورة سواتش ايدج !!


و اللي بالاتاجمنت ما يطلع شي!

 

[eva beach]

ماشالله شكله خوش لوك

وباليت النيكد صارلي يومين استخدمه وحدده ايننننننننننننننن عجييييييييييب

مسكينه اختي ماتهنت فيه

وماسكرا هيبنوس دراما تهببببببببببل احلى ماسكرا استخدمتها

وشوقتيني على البلاشرز ومال ارماني شكلهم حلوييين

يعطيج العافيه

 

[Killer^Girl]

انا ادمان حمرة سانلوران رقم 28 وايد حلوة وطبيعية
حسافه ماطلع اللوك عندي

ابي اسالج عن بلشر توفيسد الي بالصورة
لونه شلون صاير ؟؟ ممكن تسوين ريفيو عنه لو سمحتي
وعليج بالعافيه

 

[manoooram]

ماكو صور الا الأدوات وصورة ايدج مستخدمه ارماني

 

[BiiShOoO]

يسلموو