دشي لاتطلين
ورديت لكم من جديد حبايبي صباحكم خير ان اصبحتو ومساكم نور وسرور ان امسيتو:eh_s(7):
فديتكم ياكويتيات لكم وحشه من زمان ايدي تحكني ودي اكتب لكم هالموضوع
من زمان مانزلت مواضيع بهالقسم العزيز على قلبي
فديتكم انا فردا فردا
لاتستغربون اذا سبحان الله فلانه جربت الشي الفلاني وفادها وصارت تهبل
وانتي جربتيه وشقيتي عمرج وتسبحتي فيه تسبح مافادج كلش ولاشفتي حتى 1%
العيب مو دايما بالمنتج منتجات وايد مجربه ومضمونه تظلمونها لانها مافادتكم
النتايج تفرق من وحده لي وحده وكل وحده وطبيعة جسمها والمسامات ساعات تسكر ماتمتص عدل صح
بس هم في عوامل داخليه تأثر على بشرتج
غذاء سليم+نوم منتظم+حركه =ويه نظر وبشره سليمه هذي المعادله اللي الكل يعرفها
لكن هم في شغلات بالجسم يبيلها تنظيف دوري وانتو ماتدرون ومن خلال بحثي بالنت بمواقع طبيه وبعض المنتديات
لقيت ان اهم عامل اللي اذا تعب بجسمج وارهقيه عفسج فوق تحت ادينج لون ويهج لون رقبتج لون بين فخوذج حدث ولاحرج والهالات السوده ماتروح هذا غير اللي اذا لاقدر الله حصل وانجرحتي او انحرقتي الاثر يطبع على يلدج لايخف ولايروح مثل ما اهو وغيره وغيره من كسل وخمول
اهو (الكـــبد)دايما نرهقه بروتينا اكل غير صحي قلة شرب الماي ورباده مافي حركه
الكبد اهو المسئول الرئيسي عن لون وتصبغات الجسم واذا تعب وارهق يصير يفرز هرمونات وافرازات تصبغ يلدج
عشان اتنبهج انه فيج خلل،انا اعلمكم شلون اتنظفونه من عقب بحثي بخصوص لهالمشكله اللي متعبه بشرتكم ونفسيتكم
بطرق سهله ماتكلف اختارو منها اللي يناسبكم والسهل عليكم
اول طريقه:-
هل تعلم أن خليط من عصير الليمون وفصان من الثوم والزنجبيل وملعقة من زيت الزيتونالنقي يعتبر خليط ممتاز لتنظيف الكبد ،حيث يؤخذ هذا الكوب من الخليط على الريق قبل الافطار بساعة وينصح باستعمال هذه العملية مرة كل ستة شهور ..
ثاني طريقه:-
شرب ماءدافيء عالريق + عصره نصف ليمونه
وهذا العصير تشربينه عالريج قبل الاكل بساعه
( الوصفه هاذي من برنامج اوبرا وينفري) وجربتها على ناس بشرتهم تعبانه وبعد شهرين تغيرت 180 درجه واختفت الهالات وصارت نضره وصحيه
الطريقه الثالثه:-
للي معدتهم حساسه وماتتحمل الليمون
كوب ماء دافيء عالريج + ملعقه كبيره عسل طبيعي
هم نفس الشي تشرب عالريق قبل الاكل بنصف ساعه
وهم سبحان الله العسل فيه شفاء من كل داء
الخلطه الرابعه:
ملعقه كبيره زيت زيتون عليها عصرة نصف ليمونه
وشربي وراها كوب ماء دافي
وزيت الزيتون معروف من شجره مباركه
كل الخلطات السابقه يبيلها مداومه حبايبي من شهر لي شهرين لكن النتايج بتسركم وبتلاحظون التغييرات وخصوصا للي يعانون من الهالات السوده وبتتغير بشرتكم مع الوقت وعقب
اهتمي ببشرتج من الخارج واشتغلو على نفسكم كريمات وخلطات
اهتمي ببشرتج من الخارج واشتغلو على نفسكم كريمات وخلطات
وهم من العوامل اللي تأثر على صحة ونظارة البشره (الكلـــــى)تتيمع فيها الاملاح والرواسب الضاره وهم تنعكس على ويووهكم اسم الله عليكم والحل كله
(بالبقدونس)
وتغسلونها بطريقه جدا سهله البقدونس تنقون لكم رزمة بقدونس وتغسلونها عدل وتصبون عليها ماي نقي وتغلونها لمدة عشر دقايق وبعدين تصفونها وتحطونها بالثلاجه وتشربونه كل يوم عالريج ومع الايام بتنزل بلاوي ماتدون عنها ولاكنتو حاسبين لها حساب
وهم بعد عشان لا انسى ترى هم (القولون والامساك) يتعبون المعده(المعده بيت الداء والدواء) ويأثرون على البشره في ناس تروح الخاص وتقط مبالغ عشان تسوي تنظيف وغسيل وانا اعلمكم طريقه تكلم عنها الرسول صلى الله عليه وسلم الذي لاينطق عن الهوى انما هو وحي يوحى ووصانا فيه عالاقل كل شهر أهو؛
(العشرج)
تاخذون كميه 10 ورقات تقريبا او اقل واتصبون عليها ماي مغلي وتنطرون 10 دقايق وعقب تشربونه 8 ساعات بالضبط ويبدي مفعوله
شربوه مره بالشهر صج يسوي اسهال عزكم الله والام فظيعه بس ينظف البطن سبحان وهم اسم الله عليكم اذا في سحر ينزله وينظف يوفج الله يكفينا الشروعقبها ترتاحون وحتى الويه يصير فيه نضاره ويصفا شوي وانا جربته مره صج تعبت يومها لكن ماقدر اوصف لكم الراحه اللي حسيتها عقب
حبايبي هذا الحل صار بين ادينكم وعلاج البشره من الداخل قبل الخارج والعلاج من الداخل مو بس نقص فيتامينات مثل ماكنتو مفكرين وطبعا لاتنسون الاهتمام والتدهن عشان يكمل البرنامج واتمنى اللي تستفيد تدعيلي دعوه حلوه مثلها:wqedqw:
امانه اللي تنقله تذكر اسمي *ماي ورداسم يستحق الثقه* لاني تعبت بالموضوع وماحلل اللي تاخذ تعبي من غير ماتذكرني:bbbiu:
احبكم في الله ياكويتيات واحبكم الذي احببتموني فيه لا خلا ولاعدم يارب:hjy5jewf:
:bye22:
التعديل الأخير:
