لووك صبا تاجيك للعيد

[3isha]

السلام عليكم

شخباركم ؟! ادري طولت صارلي اكثر من شهر
ماسويت لوووك بس شسوي والله انشغلت هالفتره
بس ان شاء الله راح ارجع احط كل اسبوع لوووك
اليوم مسويه لكم لوك صبا تاجيك او عسل الايرانيه وبالمره لوووك للعيد للي حابه التغير
لان الايلاينر احسه اشوي اوفر
وحده من البنات طالبته مني وكل ماجي بسوي لووك انسى واسوي لوك ثاني
وسوري بنات الفيديو هالمره تعيس كلش كلش موب اوكي لاني كنت مستعيله وابي اصور بسرعه
عشان انزل الفيديو قبل العيد لانه ياخذ وقت عشان اجهزه واضبطه وانزله عاليوتيوب
عشان جذي الفوكس موب ضابط وايد بس ان شاء الله الفيديو الياي
يكون التصوير اوكي راح يكون الفيديو لوووكي فالعيد لحد الحين ماقررت شنو بحط بس اللي بحطه راح اصوره فيديو وبرويكم اياه :eh_s(22):
اي وراح انزل كل اسبوع بوست يديد في بلوقي
بتكلم فيه عن شي من الميك واقول رايي فيه



اللي تبي تجوف الفيديو تدخل اهني

الفيديو


واللي تبي تجوف الصور تدخل علي بلوقي

الصور


واي سؤوال انا حاضره :eh_s(17):


​

 

[قدســاويه 99]

روووووووووووووووووووووعه وسويت لج لايك

 

[قدســاويه 99]

اكتبي اسماء الماركات وارقام الفرش المستخدمة بالبلوق

 

[الـ ج ــوري]

قبل ما اشوف الفيديو ادري بيعجبني لانك فنانه يا عمرري

 

[3isha]

روووووووووووووووووووووعه وسويت لج لايك

مشكوره حياتي :eh_s(17):

 

[3isha]

اكتبي اسماء الماركات وارقام الفرش المستخدمة بالبلوق

ان شاء الله حبي :eh_s(7):

 

[هناء - Hana]

يعطيج آلعآفيهه قلبي :$

 

[3isha]

قبل ما اشوف الفيديو ادري بيعجبني لانك فنانه يا عمرري

فديتج احرجتيني بكلامج
وهاي من ذوقج يالحب :eh_s(17):

 

[3isha]

يعطيج آلعآفيهه قلبي :$

يعافيج حبيبي :eh_s(7):

 

[شقآوه أنثى]

ما يازلي ,, الناس اذواق

يعطيج العافيه

 

[manoooram]

يعطيج العافيه حبيبتي الحين هابين بهالرسمة

 

[PuPa^^SWeeT]

ايننن




اتهنييين


و عيدج مبارك

 

[عضوا]

مشكوووووووووووووووووووورة اختي يتي بوقتج الصرااااااحه كاان ودي اغير اللوك مالي للعيد
و كنت ادور لووك يديد
يعطيج العااااااااااااااااافيه

 

[Anfal dy]

رووووووعه عجييب شكلي بسويه اول يوم عيد

 

[سندس 90]

جاري المشاهده

 

[سندس 90]

موووضج
تدرين كنت اتابعج بس ماكنت ادري انج بالمنتدي
بس حبيبتي عطيني اسم قطرة العين اللي تحطينها وعدساتج شنوو ؟؟
وعيدج مبااارك

 

[foshia girl]

قاعده اشوفه مشالله يهبل كالعاده مميييييز
تسلم ايدج

 

[** مفاهيم الخجل **]

روعه عجبتني رسمة العين

 

[عتآق الخيل]

وآآآو ما شاء الله
.~

 

[*باربي*]

بصراحهه حلوو لوك موفق ...
وسويت لج لآيك تستاهلين ..
بسس للآمآنةة ..
حآبةة اقولج شي يمكن ما يعجبج ..
لكن وآلله مافي احد راح يستفيد وويمكن يرحم اهو آنتي ...
آنتي تنشرين صورج وهذآ ..حرآآم .. .. آدري ان صور عينج لكن ولو ترى المرآء كلها عورآ..
وكل رجل يشوف صور عينج آنتي تاخذين ذنبه و يمكن احد يفتن فيج ..
فا يصير برقبتج .. ويمكن هالصور تبقى للناس اتشوفهاا الى ان تموتين (بعد عمر طويل )
و يمكن وانتي بقبرج تاخذين ذنوووووب لآن صورج موجوده ب النت و كل رجل يشوف تاخذين ذنبة ..!!
و يمكن تقولين في حريم يطلعون بنقآب سير و طلعه عيونهاا .. صحيح انهم ياخذن ذنب الي يشوفهم و ذنب من
افتن فيها لكن .. اهي على اقل طلعه و جم واحد شافة .. لكن آنتي صور !! يعني الى مآل نهاااااااايةة ..
و ..إِنَّ الشَّيْطَانَ يَبْلُغُ مِنْ الْإِنْسَانِ مَبْلَغَ الدَّمِ.. إن الشيطان يجري من ابن آدم مجرى الدم .. يعني شيطآن
يمشي الانسآن مثل ماهو يبي و شبه الله و رسول بدم الي يمشى دآخل الانسآن ... !!
يعني اليوم صورج عيونج بآجر ويهج و عقبه جسمج و عقبه و عقبه ..الى مآل النهايةة ..
حبيبتي الله يستر عليج و علشان جذي اتركي هالشي عنج ..
آتركي تصوير عيونج ..
ونشرهاا و صدقيني ربي راح يوعضج خير ..

( من ترك شي للـ آلله عوضه خيراً منه )


.. وما على الرسول الا بلآغ ..