لو إنـتـي مـكــانـي شــــــــــنـــووووووو بتـســويـن؟؟؟؟

[اخت شيوخ]

السلام عليكم
انا صارلي شهرين والده بقيصرية
وتعرفون الوحده بعد الولادة شلون تكون نفس
الجـــلــي:krkrkr:
الدهون متجمعه في الجزء السفلي يعني بطن <<< شي طبيعي عشان القيصرية وبعد الارداف والفخوذ
يعني من الآخر جسمي نفس الكمثرى مثل ما يقولون
من الشهر السابع حجزت عند الدكتور عبدالله المطوع والى الان ما جاء دوري:eh_s(22):
دقيت اسأل عن موعدي قالت 2011 كله محجوز
قلت انا حاجزة بس شوفي موعدي متى قالت ما يبين الا قبله بيوم
جدا جدا جدا محبطه
نسيت اقولكم وزني 80
و طولي 158
الحين انا ماشيه على ريجيم كنت ماخذته من المطوع قبل كم سنه
لكن سؤالي ابي جسمي ينحت ويصير سمبتيك​

هل اتبع ريجيم مع رياضة المشي؟​

او​

ريجيم مع جلسات مساج للتخسيس؟​

مع العلم سويت 11 جلسة مساج من اصل 15
لكن ما شفت ايييييييي نتيجة
يمكن لان الي سوت لي المساج بو طقه؟
الي قريت عنه بالنت انه البنات يبين معاهم من رابع او خامس جلسة
والي مخوفني من المساج يقولون ينشط اسم الله علينا وعليكم الخلايا السرطانية؟
ولا اقدر اشترك بنادي صحي زوجي الحبيب ما يرضى مع انه انسان رياضي ومشترك بنادي​

لو إنــــتــي مـــكـــانـي شـــنــــو بـــتـــسـويــــــن؟؟؟؟​

 

[كيكه توفي]

ريجيم مع رياضة المشي والله يوفقج

 

[الباحثات عن الجمال]

المشى مهم جدا ممكن تنزلي 8 كيلول بالشهر بس من المشى وبالعافيه.

 

[a7la roro]

انا مشكلتي مثلج

 

[زنوبة الحلوة]

والله حبيبتي انا برااييي انج تروحين اي عيادة تغذية على ما ايي دورج عند عبدالله المطوع

يمكن تضعفين وتوصلين الوزن اللي تبينة على ما ايي موعدج

انا بعد دقيت عليهم وله يوقولون سنة 2011 كلهاااااااااااااا فل
اشدعوة واايد



انا رحت عند طالب الشمري صراحة وايد زين وانا على طول عندة



واذا تقدرين تمشين المشي وايد ينزل الوزن وحاولي توفرين لج ممشى بالبيت لا سمح الله يصير الجو مو شي حق المشي الا عندج بالبيت



والله يوفقج حبوبة

 

[رماني زماني]

حالي من حالج

 

[جامعيه]

رد : لو إنـتـي مـكــانـي شــــــــــنـــووووووو بتـســويـن؟؟؟؟

نفسس مشكلتي وماني عارفه شسوي بهالسولولايت لوع جبدي

 

[اخت شيوخ]

رد : لو إنـتـي مـكــانـي شــــــــــنـــووووووو بتـســويـن؟؟؟؟

ما قصرتوا يا بنات على الردود
ناطره المزيد من الآراء :blueSmCLR:

 

[أنت الغرام]

مشي ونظام اكل .. أفضل

 

[semaasem]

حبيبتي انا بعد قيصرية وعادي الوضع هذا طبيعي جدا انا اذكر بالبجر ريجيم+نادي ورياضة ضعفت ضعف مو طبيعي

بس بعد الثاني اضعف وارد والحين صايرة والحالة كسيفة ادعي لي اضعف يارب بصحتنا وعافيتنا

 

[أم حيدر]

انا قيصرية مرتين ومرة طبيعي

لا رحت دكتور ولا شي

بروحي مع روحي ومسجلة نادي ... والحمدلله قاعده انزل بصحة وعافية لا تنطرين احد يساعدج ساعدي نفسج والاكل الصحي كلمن يعرفه بس عملية موازنة للوجبات لا اكثر ولا اقل

وهذا اللي يسوونه الدكاترة يوازنولج اكلج

شدي حيلج وفلكس بنيد القار مسوي الحين خوش عروض

 

[اخت شيوخ]

رد : لو إنـتـي مـكــانـي شــــــــــنـــووووووو بتـســويـن؟؟؟؟

semaasem ان شاء الله كلنا نضعف ونوصل للجسم الي نحلم فيه بصحة وعافية
اختي ام حيدر انا نفسج بكري كنت طبيعي بعدين جبت قيصريتين
احس اول ولادة يرجع الجسم بسرعه وولادة بعد ولادة تصير اصعب واصعب لكن ان شاء الله بحيل الله معزمة ما اتكاسل ... عسى الله يعطينا الصبر والعزيمة ولا نخورها
وموضوع النادي وددددددي بس زوجي مو موافق
بس شكلي بشتري لي جهاز الغزال الطائر يمدحونه مع الممشى تتسهل ان شاء الله الامور
شااااااااااااااااكره مروركم وتفاعلكم:aha:

 

[الكيكه دندن]

رد : لو إنـتـي مـكــانـي شــــــــــنـــووووووو بتـســويـن؟؟؟؟

البنات ماقصروا انتي شدي الهمه وشوفي طبيب غيره والله يوفقج