لو انتو مكاني شراح تسوون

[B7BoOo7a]

الله يآجرج يارب

وفي ميزان حسناتج ان شاء الله و الكل اللي تسوينه صح الزم ما عليج ريلج

بس هم حرام وتؤثمين انج سكرتي الخط بويهج ادري مو منج م الضغط والواحد لما يعصب مايدري شسيسوي

الله يهديها الوالده

ونصيحه لا تحطين حرتج باليهال وطق فيهم والله راح يتعقدون حرام عليج طعلي حرتج بشي ثاني مو عيالج

حرام مالهم ذنب يا قلبي عشان ما يتعقدون منج باجر

حبيبتي الله يعينج يا رب و يفرج همج اللهم امين

 

[sereen]

والله سالفتج اتعوور القلب خاصه ان امج بالموووضع وموراضيه على اللى قاعد يصير , هل شرحتى لها الوضع قلتيلها بسافر يمكن تتعاطف اشوى واكيد هالتصرفا اللى تسويها من حبها لج يمكن فاقدتج شى , بس انتى ادعى لها بالهدووووء والتعاون والخير , وانتى الزم ماعليج زوجج كسر خاطرى وضعه الصحى مايساعدا كلش انه يسوى شى بنفسه يعنى انتى ايدا وانتى ريله بس والله كله عند الله مسجل , وامج بتهدى انشاء الله شوفى اذا سافر انتى كثر روحاتج لامج وخل خواتج يكلمووونها بخصووص ظرف زوجج ورعياتج له , الله معاج حبيبتى

 

[manhattan girl]

حبيبتي ماعليج من حد
ولو كانت امج ولا ام ريلج ولا حتى عيالج
انتي الزم ماعليج ريلج واحين انتي تدارينه لانه مريض باجر اسم الله عليج اهوا بيقوم فيج ان صارلج شي الله لا يقوله

اذا زرتي اهلج واهملتي ريلج جذي بيرتاحون !!
اذا امج فتحت الموضوع قوليلها بهدوء : يمه انتي ادرى بالحال وحياج بأي وقت مريني وشوفي حالتي شلون صايرة

وبعد طيبي خاطرها .. يعني ماتزورينها لان ماتقدرين تهدين ريلج .. حاولي تتصلين فيها وتسألين عنها وعن خواتج بعد
لا تتركين مجال يتشرهون عليج ويقولون نستنا خلج واصلتهم لو بالمسجات
وعليج بقيام الليل والاستغفار وان شالله ربج بيسرها

وتذكري ماضاقت الا بتفرج ان شاء الله

موافقتها الراي 100% و الله يفرجها عليج حبيبتي بس انتي عشان تنسين همومج حاولي كل يوم تقعديت قعده حلوة مع ريلج سوالف و ضحك و تذكروا ايام اول و مواقف تضحك صارت لكل واحد فيكم يعني لا تعيشين و لا تعيشين زوجج لحظات المرض اللي اهو فيه لان النفسيه الحلوة و المرتاحه تشافي الحالات الصعبه فبالعكس حسي و حسسيه ان ماكو شي و ان حياتكم طبيعيه و الله يعطيج على قد نيتج حبيبتي​

 

[@رومانسيه@]

حبيبتي الزم ماعليج رضا زوجج
وانتي لما يرتاح زوجج ويتشافى رضي امج لأنها الحين ماراح تصدق السوالف وعبالها انج ماتبينهم
صبري ومصيرهم بيفهمون والصبر زين

 

[منورة الكويتية]

حبايبي الي يقولون لها ريلج وبس !!
والي تقول ماعليج من امج!!
صلو ع النبي
لاينطبق عليكم المثل الي يقول بيكحلها عماها
هذي امها حلوة اللبن لو تسوي فيها الي تسووويه تحترمها وتوجبها وتحطها فوق راسها
وانتي حبيبتي صاحبه المشكله
هذي امج لو شنو تسوين ماتوفين طلقه من طلوقها واهيا تولدج لااتنسين هالشيئ
التمسي لها العذر
فتحي قلبج لها
امج اكيد انها مو فاهمة عدل الوضع الي انتي عايشه فيه لانج تسكتين ف اكيد انها بتتشره وتزعل لانج بنتها
عزمييها عندج وهاديها واخذي بخاطرها ترى هذي امج طال الزمن ولا قصر
وريلج الله يشافيه ان شاء الله ويقومه بالسلااامة
وخفي على عيالج وديري بالج ترى الرسول صلى الله عليه وسلم نهى عن الضرب على الوجه حرااام
حاولي اذا تضايقتي وحسيتي انج بتنفجرين انج تعزلين نفسج بغرفه ولو نص ساعه تنفسين فيها عن الي بقلبج وتيددي وصلي لج ركعتين واقري لج قرأن عشان ربي يعييينج

 

[fatomy]

لا حبيبتي هذي امج لازم تمرينها لو نص ساعه بالاسبوع

والله يعينج

 

[AnnaLina]

لا تخسرين اهلج !! انا عندي الاهل ثم الزوج ...حاولي تفهمين امج عزميها تشوف الوضع بعينها

 

[أم مشموش]

البنات لي يقولولي عزمي امج المصيبه والله لاييب مصايب ان يات وتشافت حق ريلي لما طلع من المستشفى ويات وشافت بعينها وأنا والله ماقصرت معاها قاعد أحاول أرضي كل لطراف أمي وزوجي والله لا يوريكم خالتي اهيا معاي بالبييت بالأحرى أنا قاعده معاهم بالبيت والله لا يوريكم اشصاير فيها زايده مع طيحة ريلي بانشبه مو ناقصه ماشاءالله عليها وهم قاعد أقول عيب يدة اعيالي ولو تشوفون امي طبعا لما ريلي طاح مريض بارازي يعني لما يتله الافلوانزا كنت ليلتها أسولف حق أمي ان ريلي تعبان ومسخن وخذوله عينه وقاعد أنطر نتيجتها شاكين في فلوانزا خنازير انا قاعد اسولف ماأسمع الا وحده سفلت سفلت سفلت فيني وتبالغين ماتبالغين وتعذرين ماتعذرين ومن هالحجي لو تشوفون وسكته بويهي والله يابنات بجيت وسكت ثاني يوم المغرب دق علي ريلي ميت من البجي انا رايح مستشفى امراض الساريه تخيلو وسكرته وانا ادعيله بهالحزه دق اوخوي يقولي انا رايح الرازي قتله لا تروح ترا اهوا ودو الساريه وقتله السالفه وقام اوخوي ودق عليها وقالها السالفه يات وقامت تبجي وتحببني وانا قتلها تمونين يا يمى تمونين على رقيتي تخيلو ما مداها توني خالصه من هالسالفه طلعتلي بسالفه اصلا انا من كثر ماتهاوشت معاي بالفتره الاخيره قام مافي شعور والله يابنات مافي اي شعور بالذنب او الندم مافي ماخلتلي مجال الله يهداها وانتو ماتسمعون كلام امي لما تقطط تعور وايد كلامها يعور وماداري شعورج تقطط كلام يابنات والله العظيم اعور اكثر من الطق الله يهدي الجميع يارب

 

[أم مشموش]

مشكورين مشكورين مشكورين وايد على تفاعلكم معاي والله ماهقيت ان انتو بالتفاعلون معاي لي هالدرحه بس الحمدلله لو خليت خربت

 

[• قلبه نصيبي •]

اول شي بتكلم علي عيالج ! اهما ماسو شي غلط عشان اطقينهم !
مو معناته ان مزاجج مو حلو تقوميين طقينهم !
هذا شي ! الشي الثاني !!
امج دزيلها مسج قوليلها كل الي بقلبج او روحي لها ! وقولي لها هذا ريلي اذا ماوقفت معاه الحيييين متي بوقف معاه !!
ومن هالحجي !
وهذا ريلج لازم تقوميين فييييه
بس هم امج لا تزعلييينهااا

 

[**vogue**]

اولا حبيبتي حرااام والله حراام اشذنب بنتج انتي تشتكين من معامله
امج لج وتعاملين بنتج جذي ترى البنت صغيرة لاتعقد وتكرهج :0bee2e8d89:

عندي لج 3 حلول

اول حل الله يعينج انا بقولج شغله انسي الماضي والاشياء اللي بدرت من امج ولا خالتج وابيج تبدين بدايه صح الحين جابلي ريلج لين موعد السفرة واذا سافر روحي عند امج وقوليلها كل اللي بقلبج وحاولي قد ماتقدرين تعطين لكل شي تقوله عنج سبب يعني لي قالتلج انتي ماتيينه وماادري شنو قوليلها ليش ماتيين عطيها المبررات وبالظبط وردي علا اسئلتها اللي اغلب الظن بتكون بصراخ عاادي طوفي امج خليها تاخذ راحتها اذا مانفعت هالشغله


ثاني حل يعني اول مادشين خليها تقوول كل اللي تبيه وعادي خل تصارخ وكل ماتقولج انتي جذي وانتي قولي اي والله انا جذي ماادري اشصار فيني صح كلامج يعني مثلا اذا قالتلج انتي قاطعه قوليلها اي والله انا قاطعه لانه بجذي اهي تعرف انج فهمتي المقصود واذا هدت روحي حبيها عل راسها وتاسفي قوليلها عدل كلامج وانا من كثر ماانشغلت نسيت وانا اسفه وحاولي باامج لين تسامحج




ثالث حل اذا كلش امج ماتبي اتشوفج روحي عند وحده كبيرة فاهمه بعايلتكم وعلميها بالسالفه ويكون افضل اذا امج تعرفها وعلاقتها معاها زينه بس علا شرط تثقين فيها وخليها اهي تكون الوسيط المصالحه بينكم



وانشاءالله اكون ساعدتج والله يعينج ويحفظ لج ريلج وعيالج وامج ويخليهم لج ويشفي ريلج اميييين

 

[كريستال ليدي]

انا ما عندي حل حق مشكلتج غير اني اقولج هالكلمتين




يا عل ربي يوفقج و يفتحها عليج و ييسر امورج و يوفق عيالج و ينجحهم و يشفي ريلج و يسخر لج الارض و من يمشي عليها يا رب

صراحة كثر ما تأثرت بسالفلتج كثر ما ارتحت انه الدنيا ليلحين بخير دام فيها ناس مثلج و شرواج

 

[بدورة القمورة]

يهنيج انتي وزوجج يارب ,,, الله يعينج حبيبتي

 

[عاشقة الكاكاو]

سوي اللي انتي مقتنعه فيه ومالج شغل بأحد

 

[انصاريه قمره]

الزم ما عليج زوجج وامج بريها وقومي بواجبهاا بس بحدود المعقوول وبعدين حرام عليج تطلعين حرتج ببنتج حسبالج مع الطق بتفهم ؟؟ تراا باجر راح تتعقد وتكره الدرااسه انا تيلي ايااام انضغط اكثر من عندج مليوون مره واصرخ على اي احد واسفل واكسر لكن من اشوف بنتي سبحان الله اهدى واتغير 180 درجه باجر لي صار ببنتج شي انتي راح تكونين المسؤوله حراام عليه واذا على ريلج حمدي ربج غيرج اللي ريلهاا مشلول والل فيه مرض الشين الله يكافينا الشر اعرف وخده تشيل ريلها لي الحمام وعايشين احلى عيشه ثقي وامني انه هذا اختبار من الله عز وجل بيختبر فيه صبرج وقوه ايمانج وصدقيني فتره وبتعدي والحيااه فيهاا الحلو وفيها المر

 

[أم مشموش]

بعد عمري كل لي ردو علي ورفعو معنوياتي بالحلول السنعه من غير ذكر أسماء كلكم كلكم كلكم والله يابنات ماقصرتو معاي وكل حل أحلى من الثاني صج صج صج الله يوفقكم وسمح دروبكم ويهديلكم أهاليكم ورياييلكم وصخرهم لكم قولو آمين كلكم ان شاءالله الله يتقبل مني ان شاءالله بهالايام الفضيله يارب ولا يحر قلوبكم لا على أهاليكم ولا على أزواجكم ولا على اعيالكم ويهدي الكل للي في الصالح للجميع يارب قولوآمين والله يبعد عن الكل المرض ولاهم والحزن آمين

 

[بنت.المطيري]

حياتي الله يرفع همج ويزيل كربج ويسخرلج امج وزوجج وخالتج وعيالج

بقولج شي..اي وحده فينا لو مكانج ممكن تفقد وتسو اكثر من اللي سويتيه..بس انتي تدرين انه غلط مثلا طقج لبنتج

بس تصبري .."لا ايمان لمن لاصبر له " ..وان مع العسر يسرا ..ان مع العسر يسرا (لايغلب عسر ..يسرين )

صح ربج صعبها عليج من صوبج بس راح ايسرلج مع كل عسر فرج او يسرين كما ذكر في كتابه

وبقولج شغله عن الام ..لاتخسرينها تكفين ..وحده اعرفها امها سوت فيها مثل ماسوت فيج (واهي اللي مريضة مو زوجها )
بس امها دعت عليها وكل دعاويها تحققت ..وفوق هذا اهي غضبانه عليها ولاتبي ترضى..امانه هالانسانه شلون عايشه تهقين

انا قريت من فترة كتاب عن بر الوالدين ..يقولج لو حان وقت الصلاة وامج نادتج تلبينها اهي ..ليش
لان الصلاة بعد ماراح وقتها وامج بهالحالة اولى من صلاتج ..وربج مايرضى عليج الا اذا اهي رضت !!!!!

فماااضن لو انتي بهالموقف ..ريلج بيكون افضل من صلاتج وامج ...!!

حوسيها بمخج وان شالله تفهمينها وتحكمين

وسوري اذا قرقت وايد وسوري اذا ماقدرت اوصل المعلومة والله يعينج

 

[ضحاوي الديره]

حبيبتي ادري ان الحمل وايد ثقيل عليج و صعب مرض ريلج صوب و امج صوب و عيالج بس صدقسنس لو احتسبتي الاجر بكل شغلة تسوينها راح تسهل الامور باذن الله

حبيبة قلبي لا تنسين حديث الرسول علية الصلاة و السلام انا مو ذاكرتة مابي احرف فية بس معناة انه كل شي يصيب الانسان من تعب او هم حتى لو شوكة فيها اجر و تخفيف للذنوب فانتي خلي حديث رسولنا جدام عينج على طول و اعتبري مصيبتج تخفيف ذنوب و باذن اللة بتسهل امورج
و بعدين لا تخلين امج تاثر عليج هذا ريلج و واااااااااجب عليج تهتمين فية و تدارينة و تقومين فية لا تنسين انة طاعة الزوج طريق للجنة الله يرزقنا اجمعين بس هذا مو معناتة انج تشدين معاها بالحجي لا هذي امج و مهما يكون برها واجب

انا عارفه انه الكلام واااايد اسهل من الفعل بس اللة يصبرج يااااارب و يعينج و يرزقج شفاء زوجج و يطول بعمرة ياااااارب