لو انتي مكاني ......... كيف تتصرفي؟

nariz

New member
إنضم
17 مارس 2012
المشاركات
52
مستوى التفاعل
0
النقاط
0
السلام عليكم ورحمه الله وبركاته
بنات انا طالبه مشورتكم في موضوع ...انا مقيمه في الخارج وكل اللي حوالي اجانب يعني يتكلمون انجليزي .المهم فيه وحده من البنات اول ما جيت كانت هي اللي تساعدني بحكم اني جديده بالغربه والشهاده لله ما قصرت بس فيها عيب انها شايفه نفسها باللغه لانها ما شاء الله لغتها حلوه اذا اجتمعت مع الاجانب وهي موجوده تحرجني وتضحك علي لو ما فهمت وغير كذا ما تترجم الكلام بيني وبينهم يعني تهمشني بالجلسه وانا لغتي الى الان بالبدايه مو متمرسه يعني يا دوب والحين ما صرت احب اني اجتمع معها بوجود الاجانب عشان ما ازعل منها وانا شايفه انه كذا احسن لي ولها. المهم البنت خلصت دراستها وبترد الديره بعد فتره واحتمال ما اشوفها مره ثانيه نفسي اسوي لها حفله بس اعرف وش بيصير بتحرجني مره ثانيه لان الاجانب اصدقاءنا احنا الثنتين .مرات افكر اعزمها لحالها وانا متاكده انها راح تزعل :bbbiu:ومرات افكر كيف انها احرجتني كذا مره واقول في نفسي بقول لها ما عندي ميزانيه للحفله او اي عذر بس ما اعطيها فرصه تجتمع مع الاجانب عندي:eh_s(15): بس بصراحه انا وحده احب اعطي كل واحد حقه والبنت لها حق اني اسوي لها حفله توديع لانه بس احنا الثنتين العربيات واخاف اذا احد من صديقاتي الاجنبيات عرف اني عزمتها لحالها يجي بخاطرها . بنات ادري الموضوع مو مشكله خطيررررررررره :D
بس محرجه من جميع الجهات
اما اجمعهم واتكلف وانا اللي انحرج وازعل
اما ما اجمعهم وتزعل وانا ما حب ازعل احد مني خصوصا انها خلاص رايحه
وصاحباتي بيزعلون لو عرفوا اني عزمتها لحالها
بالله بهالحاله كيف اتصرف
لو انتم مكاني ......كيف تتصرفون بطريقه لبقه ولا احد يحس انه فيه شي
بليز كل وحده تقول رايها ...
 

Tom ♥ Jerry

*مساعدة مشرفات قسم المشاكل الاجتماعية*
إنضم
24 مايو 2010
المشاركات
19,810
مستوى التفاعل
11
النقاط
0
العمر
33
الإقامة
Faiilcha
الموقع الالكتروني
WWW.Q8YAT.COM
.


خلي هالبنت تكون دافع لج انه تتعلمين احسن منها
بطريقه سريعه ..

موفقه :$
 

الريم_85

New member
إنضم
21 يوليو 2010
المشاركات
132
مستوى التفاعل
0
النقاط
0
الإقامة
البحرين
لا تسوين لها حفله
خدي لها هدية تتذكرج فيها احسن لج من الاحراج
^_^
 
إنضم
16 أغسطس 2009
المشاركات
14,104
مستوى التفاعل
18
النقاط
0


يـا إمآ إنج تعزميـنهم كلهم .. وإذا احرجتج قولي بطريقة كآنج تتغشمرين [ إي عادي ما فهمت شقلتي ! و انا جايه هني اصلا عشان اتعلم هاللغه ] .. !
اصلاً ما فيهآ شي لو قلتي هالكلام حتى لو بطريقة جد ! هي من قبلج ما كانت عارفة شي باللغه بس شوي شوي تعلمت !
يعني ما احد طلع من بطن امه عالـم !!

عزميهم كلهم ... إذا آنتي مصره انج تسوين لها حفله !!
ـــــــــــــــــــــــــــــــــــــــ

آما اذا مو مصره ...
فـ آنا اتفق مع اختي ( الريم 85 ) .. اخذي لها هديه حلوه و خلآص و تكون تذكآر .. ,
و هاذا الحل الآفضل 8 ..

....

و اذا هي رآحت ممكن تجي غيرهآ وحدة ثـآنية و ترجع تحرجج من آول و جديد .. وبـ كل مرة جذي ؟ لآ
حآولي تتعلمين و تتثقفين آكثر بهاللغه لآن بتحتاجينها آولا واخيراً لنفسج قبل النآس .... , وموفقه يا رب :)
 

Patcholli

New member
إنضم
24 ديسمبر 2011
المشاركات
6,910
مستوى التفاعل
0
النقاط
0
والله يزاها الله خير وتستاهل حفله او عالاقل عزيمه حلوه بمكان راقي .. والمناسبه انج بتودعينها مو لازم حفله
 

granted

New member
إنضم
10 سبتمبر 2011
المشاركات
1,073
مستوى التفاعل
0
النقاط
0
الإقامة
Chicago
عادي اخذي الموضوع ببساطه شلمشكله ضحكي وياهم طبيعي ما بتكون تقول كلام مو زين بحقج مولهاالدرجه يعني
يمكن اتقول مصطلحات صعبه بتسوي موقف كوميدي عادي فديتج
وبعدين اكيد انتي الحين مداج اتعلمين شوية
بلعكس سويلها حفله واستانسوا وبتستحي منج اهي وتتاثر لانج قدرتيها وخلاص عقب اصلاً ماراح تشوفينها
بالتوفيق
 

فجر ا

New member
إنضم
16 يناير 2012
المشاركات
173
مستوى التفاعل
0
النقاط
0
عادى مادام ماقصرت معاج اعزميها فى مكان حلوه وشرى لها هديه وخلاص واشكريها ...................
 
إنضم
20 يناير 2012
المشاركات
1,290
مستوى التفاعل
0
النقاط
0
أعزميها والله ماتدرين عن الدنيا وين توديها ووين توديك يمكن بكره تغلبينها باللغه اذا كان هالشي اللي ضايقك
والهديه شي أساسي مافيه نقاش
 
إنضم
26 فبراير 2011
المشاركات
1,820
مستوى التفاعل
0
النقاط
0
ما ادرري احس عادي وين المشكله انج ماتعرفين انتي اصلا رايحه تتعلمييين

يعني اعزميهم كلهم واستانسو
 

مس فوفا

New member
إنضم
13 أبريل 2012
المشاركات
56
مستوى التفاعل
0
النقاط
0
بسسسسسسسسسسسسسسسسيط جدن
اشتري لها شي بسيط تتذكرك فيه مو شرط حفلات وخرابيط
 

@ كويتيه @

New member
إنضم
9 أكتوبر 2009
المشاركات
1,717
مستوى التفاعل
0
النقاط
0
الإقامة
my mother kuwait
انا من رآيي احسس اونس لج ولهآ وللكل حفـله ودآئعه مع هديه داااااام ما قصرت معاج والله تستاهل وخآصه بالغربه
وبخصوص انهآ تضحك معآج.. عآدي ي قلبي وبعدين لا تحطين فبآلج انهآ تتمصخر عليج لآ بس اهي تضحك على طريقه الكلآم
وعآدي هالشي دايم النآس تضحك على كلآم الاطفال او حتى الغريبين اذا انقال بطريقه غلط .. فعـآدي ولآ تكبرين السآلفه

اسسستآنسسي .. :*
 

nariz

New member
إنضم
17 مارس 2012
المشاركات
52
مستوى التفاعل
0
النقاط
0
حبايبي مشكورين على ردودكم
بس تتوقعون شنوا ممكن اهديها هديه ؟؟لاني من خلال ردودكم اقتنعت اعمل حفله بس ما اتوقع عندي ميزانيه لشغلتين ابي هديه بمبلغ معقول بس تنفع تذكار
 

خليجية

New member
إنضم
18 يونيو 2008
المشاركات
836
مستوى التفاعل
0
النقاط
0
الإقامة
الـــــخـــــبـــــر
سووا قطية وحطوا كلكم فيها ومن فلوسها اتعشوا بمطعم راقي واشتروا لها هدية بعد ( مو شرط تكون الهدية غالية )
على شان كلكم تتشاركون بس من غير ما تدري على شان تصير لها مفاجئة حلوة وما تنساها