لو تجري جري الوحوش غير رزقك ما تحوش (( قصة واقعية )) **

[بنت اسكندر]

السلام عليكم ورحمه الله وبركاته

انا توني عضوة جديده مشتركة معاكم و حبيت اكتب لكم قصه بنت عمي
تقريبا صارت الاحدات قبل 3 سنوات


بارت الاول


دلال ماسكة الفون و تنطر نتيجتها اللي راح يبلقها صالح عنه من الكنترول , و اهيقاعده ادور بالغرفة تقريبا نص ساعه رن فونها بسرعه بدون تردد شالته

دلال : بشر

ولد عمها (صالح) : مبروك دلول يبتي 77.5

دلال : (و اهي مصدومة من النتيجة لانها شاطرة و متوقعه تييب اقل شي 88) : خلاص صالح مشكور تعبتك معاي و الله يبارك فيك

صالح : الووو هيي دلوله لا تزعلين هذا رزقج و حمدي ربج على الاقل يايبه احسن مني مو انا يايب 70<< دلال و صالح كبر بعض و اثنيناتهم ادبي

دلال : مبروك و يلا باي (كانت حيل متضايجة)



قطت نفسها عالسرير و مصدومة بنتيجتها و بعد خمس دقايق دشت اختها لطيفة عليها و كانت تبي تروح الجمعية

لطيفة : دلول ما تيين معاي الجمعية بروح اشترلي جم شغله قبل لا نسافر

دلال : (اول ما شافت اختها اقعدت تبجي بجي )

لطيفة : دلول اشفيج اشصاير

دلال : ما راح ادش الجامعه حلمي راح ببلاش ( و قاعده تبجي حيييل )

ولا ام دلال ادش ::

ام دلال : دلوله اشفيج تبجين ؟؟

دلال : يما خلاص ماكو جامعه خلاص كل شي انهدم : (((

ام دلال : الحمد لله انج نجحتي هذا اهم شي و خلاص لا تبجين

و اقعدت امها و اختها لطيفة يسكتون دلال , تسكت اشوي و تبجي ساعه و هذي حالتها جم يوم


و مشت الايام و صار موعد سفرت دلال و اهلها يعني بيت اهل امها كلهم قروب لتايلند

اهما رايحين المطار كالعاده دلول البارده لين الحين ما صكرت جنطتها و بسرعه بسرعه ما تدري شنو ماخذه معاها و شنو مخليه و مرة وحده من الاعيله انجرح اصبع ايدها من العلاقه المقطوطة بجنطتها و نزل دم واايد مو راضي يوقف , فتأخروا اشوي عالمطار على ما امها يابت لها ثلج و حطته على ايد بنتها دلال و راحوا المطار بس لين الحين دلال تتألم من اصبعها المجروح اللي كانت لافته بالكلينكس

فيوم اوصلوا المطار شافوا اهلهم و سلموا عليهم و راحوا الريايل يسون الاجراءات اللازمة و يودون الجنط , فستأذنت دلال امها و قالت لها انها بتروح مع بنت خالها (رونق) صيدلية بوتس عشان تشتري بلاستر للجرح

فراحوا و شروا البلاستر و يوم حاسبت دلال عند الكاشير خذت من الكرتون بلاستر وقاعده تحطه حق اصبعها و بس ارفعت راسها شافت واحد واقف مجابلها بس بره المحل و مو قادر يشيل عينه عنها

طبعا دلال تصير مغروره اذا شافوها الشباب , فما اهتمت للامر و راحت مع رونق

رونق : دلول شفتيه شلون يخزج شكله معجب فيج هههههههههههه

دلال : وييع ماكو شغل احب واحد ابيض ( معن دلال فيها اشويه بياض بس ما تحب البيض تقول الريال احلى يوم يكون حنطاوي او اسمراني )

رونق : اي علينا :lololoe:

دلال : اقولج بروحي مالي خلق اللي فيني مكفيني

فسمعها عبدالله (ولد خالتها عمره 19) كان وراهم يعني صدفة التقوا : سلامتج دلوله اشفيج ليش متضايجة

دلال : لا ولاشي بس اصبعي انجرح و مالي خلق شي لان يعورني

عبدالله : سلامتج فيني ولا فيج

دلال : الله يسلمك بس طالعه من قلبك ولا مجامله

رونق : هههههههههه بدينا بالرومانسية يا عبود انا خبري فيك ما تعرف غير كلمه احسن و تستاهلين

عبدالله : انحرج و قال لا صج من قلبي و بسرعه راح عنهم

دلال و رونق : ( مستغربين شلون تغير عبدالله و صاير ذرب بكلامه ) فقعدوا يضحكون

و واوصلوا عند اهلهم

و بعد خمس دقايق دشوا داخل و نطروا اشوي و دشوا بالطيارة

و كان قروب اهل دلال تقريبا ماخذين كل المقاعد اللي ورا و كانت دلال قاعده عند بنات خالاتها و خوالها كان عددهم 6
و كانوا قاعدين بسطره وحده 3 : 3
عاليمين يم الدريشة الطاف :و عمرها 21 سنة تدرس بالجامعه الامريكية تخصص هندسة
و اللي بالوسط يمها دلال : بعد ما يبي اقولكم عنها
و اللي اخر وحده حنين : عمرها 17 اصغر من دلال بسنة

واللي كانوا قاعدين عاليسار
يم الدريشة سارة : عمرها 21 تدرس اقتصاد في جامعه الكويت علوم ادارية
و بالوسط انوار : عمرها 19 تدرس هندسة بالجامعه الامريكية مثل الطاف
و اللي قاعده اخر شي لطيفة اخت دلال : (طبعا انا ما عرفتكم على لطيفة ) لطيفة عمرها 22 متخرجة من كلية العلوم الاجتماعية و ناطره الوظيفة بس شنو بتتوظف مادري

و كان جدام البنات الشباب مااذكر منو بالضبظ بس كان عبدالله قاعده مثل سطره دلال و كان جدامهم بس عند الدريشة , الاخ بيكحل عينه بدلال خخخخ


اقروا هالبارت على ما اكتب البارد الثاني ^^​

:RoadRunner:

 

[إيمي1987]

رد : لو تجري جري الوحوش غير رزقك ما تحوش (( قصة واقعية )) **

مشكورة حبوبة

يسعدني اني اول وحده ارد

يعطيج العافية

 

[Miss-Madry]

يلا لاتعلقينا الله يخليج

 

[so_what]

يسلمووو كملي حبيبتي

 

[بنت اسكندر]

البارت الثاني


عبدالله من اول ما قعد و اهو لاف ويها على دلال و دلال من كثر الحش و الضحك مو داريه عن عبدالله و الشباب اللي يمه مو مقصرين ضاغطينه ضغاط خخخخخ

ويوم وصل الغدا و دلال قاعده تاكل ولا مرة وحده ينكب عليها الماي و عبدالله بسرعه وقف ولا راسه يطق باللي فوق :krkrkr: و طبعا الكل لف عليها و قاعدين يضحكون عليه و حتى دلال , بس اهو كان عنده شي عادي و ما عطاهم وييه و عطى حق دلال كلينكس عشان تمسح الماي اللي انكت عليها
اهني دلال انحرجت لانها اضحكت عليه بس اهو ما همه ,

دلال : عبدالله مشكور و سوري مو قصدي اضحك

عبدالله : (متدوده) لا عادي ما سويت شي


فقامت دلال عشان تروح الحمام و تعدل لبسها و تشوف اشبتسوي بالماي اللي مكتوت عليها فقام عبدالله يبي يلحقها بس الشباب اللي كانوا قاعدين يمه ما خلوه و قالوا له بس عاد لا تمصخها راح تشوفها 10 ايام فلا تلحقها الحين
عبدالله عصب و قعد , ودلال و اهي رايحه متفشله من الماي اللي مكتوب عليها وراحت الحمام عدلت نفسها و اطلعت و اهي راجعه مكانها ولا تشوف اللي يخزعها بالمطار اخترعت و فز قلبها و قاعده تقول بقلبها (اشيابه هذا اهنيه) خافت و بسرعه مشت و قاعده تأشر حق رونق و تقولها منو شافت بس رونق مو فاهمة شي و قالت لها خلاص يوم نوصل اقولج << قالت بصوت اللي حوليها يسمعونه
طبعا عبدالله لازم يعرف شنو هالشي اللي بتقوله حق رونق , ودلال قالت حق اللي قاعدين يمها اللي شافته بس بصوت واطي
و عبدالله يبي يعرف اشصاير < مو صج حده ملقوف فقال خل اروح الحمام يمكن اشوف شي بطريجي بس راح و ياه و ما شاف شي ;P و مينن اللي قاعد يمه 24 ساعه لاف ويهه على دلال و يقول حق اللي يمه ما تقدر تسمعهم شيقولون قلبي مو مطمني

المهم صارت الاحداث عادية بالطيارة و البنات حش و ضحك ليمن اوصلوا , فالحين الاغلب نزل من الطيارة بس عبدالله يستعبط يسووي نفسه يعدل لبسه بس عشان يلحق دلال و يعرف السالفه و دلول المسكينه ما تدري ان عبدالله قاعد يمشي وراها اهي و رونق و البنات ما قالوا لها , و دلول قاعده تقول حق رونق السالفة ولا تشوف الخزاز لين الحين قاعد مكانه ويوم شاف دلول قام بينزل الحين من الطيارة و دلول بصوت عالي قالت حق رونق

دلال : رنووق كااهو الخزاز ياي معانا بالطيارة بعد

رونق : امبيه خوش صدفه هههههه

دلال |: وييع قطيعه لايعه جبدي من الحين

طبعا عبدالله كان وراهم و سمع الحديث اللي دار بين دلال و رونق و الشراره طالعه بعيونه , فعصب على دلال و رونق و قال لهم امشوا امشوا بسرعه و كان حده معصب

طبعا دلال و رونق و البنات اللي كانوا ورا عبدالله حييل خافوا لان عبدالله اذا عصب يحرق الخضر و اليابس
و الخزاز يبي يحرق عبدالله قعد يطالع دلول و يبتسم لهاا ,دلوول حدها خافت راحت ورا امها و تخشت يعني عن المشاكل و لا محمد يشوف عبدالله معصب بسرعه راح عنده قبل لا يسوي مشكله يدرون برفيجهم


طبعا البارت قصير بس حدي دايخة

يلا لا تنسون تعطوني رايكم

و ان شاءالله اليوم او باجر اكتب البارت الثالث :ada:​

 

[بنت اسكندر]

مشكورة حبوبة

يسعدني اني اول وحده ارد

يعطيج العافية

العفو , و يعطيج العافية

ما تقصرين ^^

يلا لاتعلقينا الله يخليج

حطيتها حبوبة =)

يسلمووو كملي حبيبتي

يسلمج ربي : )