لو تقدملج شخص مطلق توافقين؟؟؟؟؟؟ اللي متزوجه مطلق شاركيني

[ذوQ8yAوق]

مرحبا بنات :tek:

























بنات

انا حدي محتاره واللي اعرفه عنكم انكم نصوحين وتحبون الخير لغيركم من البنات هذا كله كنت اشوفه بالمواضيع اللي كنت اقراها قبل فعلا شهادتي فيكم مجروحه مافي بنيه طلبت منكم مساعده وردت خايبه وهذا اللي خلاني اتشجع واستشيركم الله لايغير عليكم

بنات انا عمري 24 متقدملي شخص الكل يمدحه ويمدح اخلاقه بس فيه شغله خلتني اتردد انه ( مطلق ) وماعنده عيال وماطول بزواجه الاول يمكن شهرين وحتى امي متردده بس لهالسبب هذا اللي ابي اعرف بنات ليش المطلق غير ؟؟ شنو يفرق عن اللي مو مطلق {{ ابي افهم هالنقطه تدرون بنات انا ماعندي خبره بالحياه وتوني صغيره
ماني فاهمه ليش نظرة الناس للمطلق غير ؟؟؟
الشي الثاني شنو سلبيات المطلق؟؟؟
تكفون بنات ريحوني ذبحني التفكير تعبت نفسيا اخاف اقدم على خطوه وتالي اندم وياليت البنات اللي متزوجين مطلق يشاركوني برايهم





وعسى الله يوسع عليها اللي توسع علي​

 

[ذوQ8yAوق]

شدعوه بنات موهذا العشم فيكم :0bee2e8d89:​

 

[violet*q8]

انا مو متزوجة
بس لازم اعرف سبب الطلاق
عشان اعرف السالفه و ان شاء الله البنات يفيدونج

 

[ذوQ8yAوق]

عسى الله يرزقج بالزوج الصالح عاجلا غير اجلا
بخصوص الطلاق ماتعمقت بالموضوع بس اللي فهمته انه نصيب مافي شي جايد

ومشكوره ع المرور حياتي

 

[ضحكتي هيبة بكاي]

عادي ياقلبي

اهم شي اعرف سبب الطلاق واستخير ربي

ماشوف المطلق او المطلقة فيهم عيب أبد

 

[elzain^kella]

el mohem sabab el 6alaq .. wel estekhara 6ab3an

 

[lymona87]

اسألوو عنه قدر مااااااااااتقدرون
عشان ماتتحسفيين
وفي مطلق احسن من العزوبي لأن يبي يستقر
وهذا نصيب
واللع يختارلج بما فيه الخيره لج

اهم شي صلاة الاستخاره

 

[pride&prejudice]

أهم شي حبيبتي إنج تعرفين سبب الطلاق وتسألين عدل ، وبعدين المطلق مو عيب ولا له نظرة مو حلوة بالعكس يمكن الريال يكون مظلوم ، الله يكتب إلي فيه الخير إنشاله

 

[آلسحرآلحلال]

مادري ولله ... بس اكيد لازم اعرف سبب الطلاق ...

 

[ذوQ8yAوق]

مشكورين بنات فعلا ريحتوني بردودكم اللي تشرح الصدر عسى ربي يوفقكم ويفتح عليكم ابواب رزقه اللهم امين

ياليت لو وحده مجربه تشاركنا بتجربتها وتقولي شنو سلبيات المطلق؟؟؟

 

[ليتنـ عندك ـــي]

حبيبتي الاستخاره ثم الاستخاره ثم الاستخاااره
هشاان ماتندمين باجر استخيري واسئلي عنه زييييين
والله يكتب لج اللي فيه الخير

 

[كراميل لاتيه]

اول شئ المطلق حتى لو كان عنده اخطاء مع زوجته الاولى تعلم منها وراح يكون اكثر صبر على الحياه من الاعزب وبالاخير المساله قسمه ونصيب واهم شئ الاستخاره والاستشاره والسؤال

 

[ذوQ8yAوق]

بنات يعطيكم العافيه ع المرور عسى ربي يوفقكم اللهم امين

 

[H.Heavn]

السلام عليكم

اي والله يا ريت لو وحدة متزوجة من مطلق تقول لنا شلون الوضع خاصة اذا كان عنده ولد واحد؟؟

 

[Namlah]

اهم شي تعرفين ليش مطلق....وتعرفين اخلاقه وتسالون عن اهله زين وعنه
ومافي فرق بين المطلق والاعزب.....مو شرط اللي تاخذ اعزب يكون زين شكثر بنات تزوجوا اعزب بس كان العيب اللي فيه اكثر من المطلق..... الدين و الاخلاق هي المبدأ الاساسي في الزواج
نصيحتي لج قبل لاتاخذين اي قرار صلي استخاره وسالوا عن الولد عدل وهالشي تسوينه حتى لو كان اللي متقدم لج اعزب
والله يوفقج وكل شي ربي يكتبه لج قسمه ونصيب

 

[خــجــولــه]

اذا زين ومدحوه عادي وافقي

موشرط مطلق موزين !

 

[*الغالية*]

من رايي المطلق خلاص جرب الزواج الأول والنجره والزعل والحين يبي يتزوج عشان يستقر , وراح يصحح كل أخطاءه مع الأولى , عموما أنه أنصح بفترة خطبة عشان تعرفينه أو على الأقل اتشوفين اسلوبه وسألوا عنه , بس ترى المطلق صدقيني أحسن من العزوبي لان جرب وعارف

 

[ذوQ8yAوق]

مشكورين بنات الله لايحرمني من نصايحكم اليوم راح استخير بعد واشوف عسى الله يكتب اللي فيه الخير ويبعد عني وعنكم الشر
اللهم امين

 

[كريستال ليدي]

اي عادي اوافق

بس لازم اعرف سبب الطلاق يمكن الريال فيه شي او صفة مو زينة

و اذا تأكدت انه ما فيه شي مو زين اوافق عادي

 

[Ro00os]

نفس قصتي تقريبا انتي وانا ماوافقت الا لما عرفت اسباب الطلاق واستخرت والحمدلله تم كل شي على خير والحين انا ملجه وعرسي قريب وانتي لازم لازم تعرفين اسباب الطلاق لايقولون لج اسباب خاصه ديربالج اوك والله يكتب اللي فيه الخير لج