لو تقدملج شخص مطلق توافقين؟؟؟؟؟؟ اللي متزوجه مطلق شاركيني

[وردة بيتنا]

عادي حبيبتي دام انتو سألتو عنه و الكل مدحه و مدح اخلاقه . توكلي على الله و وافقي

شنو يعني المطلق شنو ناقصه عن العزوبي ؟؟؟

بالعكس يمكن تلقينه احسن من العزوبي و يبي يستقر

 

[sweet dashttya]

نصيحتي لج انا ما اشوف ان فيها شي اذا تزوجتي مطلق

بس اهم ما في الموضوع اكيد انج اتعرفين شنو اسباب الطلاق

ولازم الشغله الثانية اهم شي رآي الناس وانا الي اشوفه من كلامج

الكل يمدح اخلاقه وانا عن نفسي صج اني مو متزوجة بس ما عندي

مانع اني اتزوج مطلق بس اذا كان مركز وشهادة وسمعته زينه مو اي واحد

بس اهلي ما اعتقد راح يرضون اني اتزوج مطلق اصلا من سابع المستحيلات عندهم

لاني بعدي صغيرة وارتبط بواحد مطلق حراام ​

 

[«ƒαяαωℓуα»]

انا مو متزوجه لكن لو خطبني واحد زين و ماعنده اعيال من مرته اللي قبل ..
واذا الحمدالله اهو زين وشهادته زينه وافقي وصلي استخاره
والله يكتب لج اللي فيه الخير ان شاء الله

 

[ذوQ8yAوق]

مشكورين بنات على نصايحكم جد استفدت منها وراح اخذ قرار قريب ان شاءالله بس انتو ادعولي

 

[ريـ 1985ـم]

نفس عمري
شوفي يامحفوظه السلامه المطلاق لازم تعرف الناس ليش مطلق ولي قال لكم ولا اسباب خاصه
لا اهني اكو شئ ومن صالج لازم تعرفين..
وان عرفتو زوجته الاولي اهيا ماتبيه اهني وافقي بس اذا العكس هم تعرفين شاللي خلاه يطلق.!!
....
وبعدين اكو وايد مطلقين تزوجو وستفرو لان بزواجهم الاول مالقو الراحه وماصار تفاهم وكل واحد بطريج
اللي عليج سالي اكثر وهم صلي استخاره عسي الله يوفقج ويكتب اللي فيه خير لج..

 

[• قلبه نصيبي •]

اول شي استخيري وبعدها اسألو عنه عدل ترا مو كل واحد مطلق فيه شي ماتدرين انتي !
والله يكتب الي فيه الخيير

 

[فراشه]

لازم تعرفين سبب طلاقه بالضبط مو مختصر هذا زواج من حقج تعرفين واذا ماقالولج وحاولو يتهربون معناه السبب منه

ولا تتسرعين الله يوفقج

 

[ذوQ8yAوق]

مشكورين بنات على نصايحكم لا خلا ولاعدم

 

[violet*q8]

انا رديت عليج قبل بس نسيت اقولج شي مهم البنات تكلموا عنه
اذا سألتي عن سبب الطلاق وقالولج ماتوفقنا
او الله ماكتب نستمر مع بعض
او مافي نصيب او اسباب خااصه------انتي من حقج اساساا تعرفين سبب الطلااق---ويفضل اهو يقولج السبب مو امه او اخته وهم احسن انج تسألين امه تشوفين كلامهم مختلف يعني اهو يقول سالفة وامه تقولج سالفة ثانية تماما
اذا ماعرفتي سبب الطلاق اكيد في شي يا فيه اهو او باهله
ولا تنسين الاستخارة
وسألوا عنه عدددل
والله يوفقج بحياتج و يوفقج بالزوج الصالح--امين

 

[catwiti]

صح كلتام الي قبليي لازم اعرف سبب الطلاق مو بس يقولي ماتوفقنا هاذا الرد يقوله حق اي احد ثاني بس البنت الي يتقدملها لازم يوضح السبب لييش لان مو لعبه ويمكن العيب منه اهو
انا بالنسبه لي عادي اتزوج مطلق بس طبعا اعرف ليش طلقها وشنو كانت المشكله وترا مع هاذا ممكن يخش عنج السبب الحقيقي ومايبين والله يستر منهم لوووووووول

 

[miss abrar]

والله حبوبه يختلف الوضع من شخص للثاني حسب ظروف زواجه فيه ريال يكون مطلق بس ذهبه والعيب كان بطليقته وفيه نوع ثاني فيه ريال يكون مطلق واهو مليان عقد وعيوب ويطلع العيوب كلها في بنت الناس ويسوي نفسه مسمسم ... فانتي ماتدرين اللي يايج من اي نوع سئلو عنه عدل واستخيري ربج وسئلوه عن سبب الطلاق وظروفه ووزازني اذا كلامه منطقي ومتوازن او لأ

 

[DALAL.21]

حبيبتي أول شي الأستخارة

ثاني شي شفيها يعني مطلق نصيبه دام الريال مافي شي يعيبه والله يسر امورج توكلي على الله

بس نصيحة إذا الله كتب وخذيتي هالريال لا تجيبيله طاري زواجه الأول ولا زوجته الأولى نهائي نهائي ولا حتى تسألينه عنه شي

دامج وافقتي خلاص

 

[ذوQ8yAوق]

مشكورين بنات على نصايحكم انا استخرت وماحسيت بشي وللحين متردده او بالاحرى مو مقتنعه بزاوجي منه والله يجدم اللي فيه الخير

 

[فرح888]

لازم تسالين الزوجه الاولى لسبب الطلاق تتاكدين من تطابق السبب

 

[دلوعة أبوهآ]

استخيري كثير .. وكل يوم
الاستخاره أهم شي ,,

بس بقولك شغله
انا اعرف وحده عزيزه علي
تزوجت قبل سنه من واحد مطلق وعنده ولد عمره 5 سنوات
كانت قبل ماتوافق عليه متردده جداً وكانت كل يوم تصلي الاستخاره وتدعي ربها وتبكي ,,

والحمدلله الحين متزوجه لها سنه وحامل ومبسووطه ومستانسه مع زوجها ..
يعني مو شرط نجاح الزواج والتوافق بين الزوجين يتم اذا كان اعزب

امطلق رجـال وهو بشر حاله حال الأعزب ..

استخيري كثير
وربي يكتب لك اللي فيه الخير

 

[الريادة]

لا تستعجلين سألي و استخيري.

 

[** شيخة **]

حبيبتي لو انا مكانج استخير والله يكتب اللي فيه الخير

دام ماعنده اعيال ماكو مشاكل

وصدقيني اللي الله كاتبه لج بصير سواء مع مطلق او اعزب

الله يوفقج ويهنيج

 

[ذوQ8yAوق]

مشكورين بنات على نصايحكم الله لايحرمني منكم جد وقفتكم ماراح انساها
اشكر كل اللي مروا على موضوعي سواء شاركوني او اكتفو بالقراءه

وعسى الله يوفق الجميع

 

[ناعم العود305]

عادي المطلق اوافق عليه بس اهم شي الاستخاره والسؤال عن اخلاقه

والله يوفقج

 

[قلبي لها]

[uأهم شي حبيبتي إنج تعرفين سبب الطلاق وتسألين عدل ، وبعدين المطلق مو عيب ولا له نظرة مو حلوة بالعكس يمكن الريال يكون مظلوم ، الله يكتب إلي فيه الخير إنشاله
][/u]

بصراح انا مو متزوجه


بصراح المطلق بظري انا ما يعيبه شي


بس مستحيل اخذ مطلق هع هع هاذا الي اناقص


اصوم اصوم واخرته افطر على مطلق خخخخخخخخخخخخخخ