لو تقدم لج واحد ....

[محتارة وايد]

شلونكم بنات

في موضوع ودنا نتناقش فيه

لو تقدم لج واحد ولد عايلة زينة و معروفة جدا و اسمها رنان بالكويت

خريج جامعي ... بس عمره 47 .....

لو فرضنا ان اكبر منج ب 16 سنة

شنو رايج بيكون .... نبي نشوف المبدا هل تاخذين واحد اكبر منج ب 16 و بهالعمر .... ؟؟

انا بالنسبة لي ... راح تدور ببالي افكار وايد

ليش ما تزوج للحين ؟؟

متى بربي عياله ؟؟؟

تفكيره اكيد بيكون غير .. وايد كبير و ناضج و شابع من الدنيا !!!

لو كنتي بسن العشرين و اهو بال ثلاثينات راح يكون اهو شاب توا

لكن اهو بنهايةا الاربعينات !!

راح تكونين انتي توج بادية حياة و هو واصل مرحلة شابع من الحياة !!

الاختلاف في الراي لا يفسد للود قضية

و نبي رايكم

 

[أنوثهـ حتى الثمالهـ]

جيت بأجاوب بس انتبهت انك مو قايله شي عن الولد اخلاقه شخصيته وظيفته
اهله وشهادته مو مقياس كافي انتي مو متزوجه شهادته ولااهله

 

[meera15]

موضوعك وايد حلو وبقولك رايي بصراحه

انا لما كنت بالعشرينات ويتقدم لي واحد بهالمواصفات ارفضة عشان فرق السن

لاني متعقدة من شخصية ابوي في البيت شلون عصبي وما يتفاهم وعندي قناعة ان الكبار ما ينزلون لمستوى الاصغر منهم

بس الحين لما نضجت شخصيتي

الوضع تغير


لأن اصابع ايدك مو وحده

ولازم على البنت خصوصا اللى متربيه على (التكعم ) يعني اهلها يفرضون رايهم عليها بكل شي

انها تستخير ربها وبعدين تستشير شخص تثق فيه ويكون له خبرة بالحياة
وربك بعدها راح يكتب لها الصالح

 

[حلى علي]

أفهمك حبيبتي وأسعد أن أكون أول من يرد عليك
إذا كان رجال من عايلة زينة وأهم إذا كان صحته زينه ويبي المره الصالحة أكيد بتوافقين وتوكلي على الله في كثير من الناس حريمهم كبار تزوجوا رياييل صغار وفي رياييل كبار فوق الخمسين يتزوجون حريم من عشرينات مصار لهم شيء وجابوا كثير من الأطفال لا يهمك العمر عند رجال هم دايما نشيطين وما يعجزون بسرعه واهم شيء أنه يعرف أحسن من شباب شلون يعتني فيك ويحبك ويرعاك لأن فهم الحياة وقسوته وأحسن من شباب إلي كله تفكيرهم طلعات والسوالف الله يهديهم وكذلك أهم شيء رضاك ترا عند أربعين مو كبار وايد.
وأرجو أن تقبلي ردي

 

[Om_Ksha]

9ra7a ana ma an97ch farg el3omr 7eeeeeeeeeel kbeer



bs ely bgola lch 3n tjrba yfeed .. est5ery o egry sort yasen o 7zt"ha rby yktblch ely feh el5er

 

[عاشقه رويشد]

انا مااييد فرق العمر وايد حلاته خمس سنين

عشان نكون متقاربين شوي نفس الافكار ومشكوره

 

[pretty sarona]

لا ما اعتقد راح اوافق ,, وايد الفرق و ووينه ما تزوج طوول هالسنين !

 

[جوري الكوون]

لا ماراح اواافق لان اكبر مني ب 16 سنه واااجد اكيد افكااره غيير عن افكاري
و ما يمدي يكبر عيالي و ليش ماا تزوج طول هالسنين

 

[shai5at al3arab]

لااااااااااااا صعبة


واااااااااااايد كبير

 

[اوراد العشق]

بالنسبه لعمري اشوف انه 16 سنه فرررررررررررررررق وااااااااااااايد وليش توه يتزوج بعد هالعمر يعني ماباقي شي ع الخمسين؟؟؟؟؟

 

[(كويتيه عسل)]

لأ ماراح اوافق اذا يبت ولد عمره 10 سنوات بيكون عمره 54 وين بيعبر يربيه

 

[Preity]

صعبه الصراحه متى يمديه يربي عياله ماراح يكون له خلق لهم
وبعدين فرق بالعمر كبير ماكو تقارب بالافكار
وبيحسبج صغيره عنده ومايهتم حيل فيج ..
و16 سنه وايد
الله يوفقج حبيبتي ويسعدج يارب
واستخيري

 

[فديت عيوني]

والله مآ آدري
بس حيل كبير
وكل شي نصيب
على حسب ظروف آلبنت

 

[Namlah]

راح ارفض..والسبب....ليش ماتزوج لي هذا العمر
اما العمر احس يعني عادي مو كلش اكون رافضه
ويعطيج العافيه ..موضوعج حلو

 

[gold girl]

لا طبعا ما اخذا ::
اول شي : شكبراا
ثاني:صج متى يمدي ايربي عياله حرام
ثالث:جنا ابوي شلون اخذا
او مشكورا حبيبتي على الموضوع

 

[محتارة وايد]

حبيباتي

اسعدتني مشاركاتكم

و بالنسبة للاخت اللي سالت عن الاخلاق

انا سؤالي كان كمبدا

بغض النظر عن الالاخلاق ... فارق السن هل له تاثير؟

خصوصا انه بهالسن قرر يتزوج

 

[وهج الحب]

السلام:
انا طوال عمري كنت اتمنى اتزوج واحد اكبر مني بعشر سنين لان الشباب ابد ما يملون عيني ..وكتب لي ربي واحد اكبر مني 17-18 سنة وعايشة بسعادة والحمدلله ما بعدها سعادة والا فاهمني اكثر من الشاب اللي مالت عليهم من تقولين كلمة هاوش وهد البيت هذا فديته اهاوش طوال اليوم واخر اليوم يحتظني وطيب خاطري ولا يقولي كلمة تغثني ...فديته ويارب يخليه لي مريحني من كل ناحية ..يشجعني بهواياتي ..يسفرني البلاد اللي ابيها ...ويوم ما نجيب اطفال بسبب سحر وغيرها ما اهتمينا وقالي اذا تريدين عيال بطلقك وتزوجي غيري وجيببي عيال لك قلت لو عيال الدنيا يسون ظفر من ظفوره ..الحين لنا الحمدلله سنوات كثيرة واللي يشوفنا يقول متزوجين توهم .. والله لوقعدت ايام اذكر مدى حبي له بيخلص العمر او اعد مأثرة ما عطيته حقة ..ولو لحظة واحدة بحياتي كلها ندمت على اختياري .. بس ادعوا الله لا يرحمني منه ومن شوفته بس هذا كل اللي ابية من الدنيا ..:33_1185028183:

 

[∫ ∫ ∫ ∫ جــوان ∫ ∫ ∫ ∫]

اذا كانت البنت عمرها 18 الى 23 تقريبا اى يتعتبر فرق والمستقبل جدامها

بس اذا صارت البنت عمرها مثلا 29 او ثلاثين وفوق لا بالعكس لازم تفكر وتستخير ولا تحط فرق ال 16 عذر

يعنى بالاول والاخير يعتمد على سن البنت اذا كانت صغيره ولا كبيره وخايفه لا يطوفها القطار

واهم شى طبعا الاخلاق

انا هذا راييى

 

[ღa7La TeaCHeRღ]

اول شي كل شي قسمه و نصيب
بس لو انا اكيد ما ارضى صراحه حيل وايد
كبر امي و ابوي تقريبا :dddds:
اكيد ما راح ارضى
و لا اهلي بيرضون اصلا
بيكون تفكيره غير عني و اهتماماته غير
ما احس في توافق

والله يكتب لنا اللي فيه الخير :eh_s(6):

و شكرا عالموضوع

 

[الميهاف]

انا عن نفسي ما راح اوافق اللي افكر فيه اليهال و تربيتهم .....