لو تقدم لج واحد ....

[شوشو الشقيه]

اختي بصراحه موضوع حلو
بصراحه ما ادري
السؤال واايد صعب
لو انسان احبه ما بهتم بعمره او شكله او اي شيء اهم شيء اخذه
بس انسان عادي صعب اضحي كل هذه التضحيات
انا بعد محتاجه رجل يوقف معاي في تربيه اطفالي ولله حمد عندي الصحه بقدر اربيهم اقلها عشر سنوات
لكن في فتره المراهقه الشاب يحتاج رجل يردعه
الام ما تقدر تصرف معاها يحتاج شده صرم انا امراه اقدر اتصرف مع شاب او ولدي في مستقبل عمره 16 سنه
اني اكون صارمه او يخاف مني او لو فعل خطا اني اضربه
اما الاب لو ضرب ابنائه عادي
انا ما اؤيد الضرب للاطفال ولكن بعض الاحالات تستدعي الضرب للاطفال
انا لاحظت الاسره الي تكون الاهل كبار السن الابناء يضيعوا بسبب ان الابن ما يخاف
يقول مين بيحاسبني
اما لو شاف ان ابوه صارم لا بيخاف شويه نسبه الاخطاء الي بيعملها في فتره المراهقه اقل من الشاب الي ابوه ما يحاسبه
انا الي على بحاسبه اطفالي على اخطائهم بس
بيكون عمر زوجي الافتراضي 47 نضيف عليها 16 سنه غي=63
بعاني في تربيه الشاب مو سهله تربيه شاب
لو على البنت تقدرين تخلينها في البيت تغسل وتنظف وتفرضين رائك عليهاااااااااااا
اما الشاب صعب تحكمين فيه ويحاتج رجل في نظري يتصرف معاه
لو انا ما قدرت اضبط ولدي في المستقبل ولدي بيضيع انا اقدراتحكم فيه من سنه 4سنوات الي 15 سنه او 16
بعد هذا السن خلاص الشاب يظهر من سيطره
يمكن اروح لاخواني عشان يتصرفون مع تصرفات ولدي بس
ما اعتقد في احد يتقبل توبيخ من احد غريب
توبيخ الاهل غير وتوبيخ الاقارب غير
لو انجبت بنات الامر يهون البنت معروف تحب جلسه البيت بس عطيها تليفزيون او حاسوب او شغل البيت
والبنت تحب الدراسسه
الولد شنو اسوي فيه بحبسه في البيت الي 15 سنه بعد خمسه سنه ما بيشوف اصحابه كلهم في شارع مو خاطري يلعب معاهم
لازم الشاب بيظهر من البيت وبيكون عنده اصحاب
بعد ما يصير احبس ولدي واسوي فيه عقده نفسيه مسكين طوال الوقت في البيت

بعد ما تدرين وين النصيب
يمكن الحين لانه موضوع انطرح فالكل ابدىء برائه بمنظوره
ولكن الواقع شيء غير
يقولون لما يجي النصيب ينربط لسان البنت اذا كان هو نصيبهااااااامن الله
ما تدرين يمكن لو شوفته وجلست معاه يمكن اخذه وتعجبني شخصيته
اتزوجه ويمكن ربي يسر الامور وكل شيء يمشي
ما تاخذون غير نصيبكم
لو الحين تحلمتي فارس احلامك من اليوم الي باكر ما تاخذين الا الي ربي كتبه لج
واايد ناس خذوا رجال كبار مرتاحين
في بنات اعمارهم 16 سنه خذت واحد عمره 29 سنه او 30 مرتاحين وجابوا اطفال
مو شرط وليس مقياس
يقولون الرجل الكبير يدلل
الي تريد رجل يدللها خلي تاخذ رجل كبير ههههههههههههه على قولت اجدادنا الله يرحمهم
يعتمد على عقليه الرجل ومدي تفهم للمراه
في رجال بصدق يهتمون بالمراه يراعونهايجعلونها ملكه زمانهاااااا
في رجال كبار ياخذون المراه يجعلونها خدامه زمانهاااااااااا
لا تقولين رجل كبير بيدللني لا على حسب هو شخصيته وعقليته وخبرته في الحياه
يقولون اذا نصيبك حلو بتحلي دنياج
اذا نصيبج مر بتذوقين المراره
الرجل تراه حظ ونصيب يا تصيب وا تخيب
في رجل صغير ياخذ امراه ويدللها
في رجل صغير ياخذ المراه يحقرهاااااااااااا
من اختكم شوشو الشقيه

 

[kedo]

يعني وقتها بيكون عمري 31 ؟؟؟

اي طبعااا ...


يعني وقتها راح أكون بعمر ما يسمحلي اني انطر و جذي


بعدين ما راح يكون تفكيره وايد كبير علي لاني راح أكون نااضجه أساسا ..


بس اذا كنت أنا بالعشرين و اكبر مني ب16 سنه مستحييييييييييل ..

بس حاله عم حاله تفرق

 

[محتارة وايد]

تفاعلكم بالموضوع قاعد يثريه

بنات لا تفكرون بقطار الزواج يطوف

البنت با تاخذ واحد مقتنعة فيه يا بلاها !!

يعني الرجل هذا لو فكرنا ليش اقدم حاليا على الزواج ! وين كل هالسنين ... لو كان يحب تكوين عايلة و استقرار جان من 17 سنة تزوج و عياله طوله الحين

هذا بعد مو بعيده يكونون حانين عليه تزوج تزوج !!!

بعدين الرجل شلون صابر كل هالسنين ... اكيد فاهميني !! في امور ثانية لاززم الواحد يفكر فيها

والبنت مو ناقصها شي ابدا كاملة و الكامل وجهه و مليون من يتمناها

انا شايفتها صعب تقط روحها على واحد كبر ابوها

انا ضد هالزواج

 

[وهج الحب]

اول شي كل شي قسمه و نصيب
بس لو انا اكيد ما ارضى صراحه حيل وايد
كبر امي و ابوي تقريبا :dddds:
اكيد ما راح ارضى
و لا اهلي بيرضون اصلا
بيكون تفكيره غير عني و اهتماماته غير
ما احس في توافق

والله يكتب لنا اللي فيه الخير :eh_s(6):

و شكرا عالموضوع

السلام :
الله يخليك امك وابوك وما اعرف ايش كبرهم بس انا زوجي كبر امي بالضبط لان امي جات وبعد كم شهر انولد زوجي وعطوه سرير امي هدية وخلو امي على الارض ...عادانا امي جابتني وعمرها وهي صغيرة ..بس ليش تفكرون ان الرجل الكبير تفكيرة غير ليش هو جاي من كوكب ثاني ..زوجي خريج امريكا وشباب وايد عندنا حدهم جامعة بيروت قبل ما يلغون شهادتها ..الريال عندنا لما يتزوج البسي النقاب لا تطلعين لا تدشين الا بشوري ..زوجي سوي اللي تبينه ولا يهمك شئ ولا يهمك كلام احد ... ما سمعت رجل يتكلم عن حرية المرأة واعطائها حقوقها الا اللي بسن زوجي واللي يحاربهم هم الاصغر ...والله حتى اختي تقول لو انا ما تحب زوجها قبل الزواج تقول كنت ما ادور واحد اللي بسن زوجك لانهم كلهم جيل غير متفهم مثقف ولله يا حبيبتي انا اشوف الشباب من حولي من اهللي ومن قريبيني ومن اللي بالاسواق ما عدا اخواني الاثنين بس ما عندهم الا
النت ولعب الورق وملاحق البنات بالشوارع وحتى هم متزوجين لا تقولين لا الاعظم والله عندكم وعندنا قابض يد المرأة وعيونهم تبسبس واذا هاوشته المرأة قالها انا مش معجب بها انا انتقدها ..بس اللي سنهم بالخمسينات واكبر تفكيرهم عاقلين يقرأون هتمون بالسياسة والادب وعقولهم متفتحة

 

[وهج الحب]

تفاعلكم بالموضوع قاعد يثريه

بنات لا تفكرون بقطار الزواج يطوف

البنت با تاخذ واحد مقتنعة فيه يا بلاها !!

يعني الرجل هذا لو فكرنا ليش اقدم حاليا على الزواج ! وين كل هالسنين ... لو كان يحب تكوين عايلة و استقرار جان من 17 سنة تزوج و عياله طوله الحين

هذا بعد مو بعيده يكونون حانين عليه تزوج تزوج !!!

بعدين الرجل شلون صابر كل هالسنين ... اكيد فاهميني !! في امور ثانية لاززم الواحد يفكر فيها

والبنت مو ناقصها شي ابدا كاملة و الكامل وجهه و مليون من يتمناها

انا شايفتها صعب تقط روحها على واحد كبر ابوها

انا ضد هالزواج

السلام:
ليش يا اختي تحكمين على الريال انه اذا ما تزوج فيه عيبة ..انا اعرف من ردودي تعرفين ان زوجي اكبر مني ..انا هنا ما اذكره ولا اذكر سببة لاني اعرفه قبل الزواج واعرفه من صغري واعرف ظروفة جيدا ..
بس هناك يا اختي ناس لهم ظروف خاصة مثل هناك من يدرس ويبني نفسة ..
هناك المسجونين سياسين او اللي عايشين خارج بلادهم لظروف سياسية وتزوجوا بالخارج بس يريدون العودة لبلادهم ..لا تقولين ما فيه انا اعرف واحد بالندن وكويتي بعد ويتمني يتزوج خليجية ..
هناك من متزوج وزوجته لا تنجب ..
هناك من يشوف اهله وهذا منهم وايد اعرفهم ..اقصد بشوفته لاهلة يعني عنده ام او اب او اخوات واخوان ويربيهم
هناك يا اختي من هو مريض جنسيا ويعالج قد يشفى وقد لايشفى ..وهذا قالي زوجي عن صديق له كبير جدا وتزوج عن كبر والسبب انه لا يستطيع ان ينام مع امرأة ولكن هناك واحدة رضت به وتزوجها ..وهناك اخر تعالج وشفى وتزوج من عدة سنوات ولم ينجب الا بنت واحده ..
وهناك منهم من ربى عياله الى كبروا وتزوج ..
وهناك ناس اصحاب فكر لم يجدوا من يفهمهم حتى عرفوا ان فاتهم القطار وتزوجوا او وجدوا فيك الشخص المطلوب ..
هناك الدبلومسين اللي يشتغلون برع وما فكروا بالزواج الا بعد سنوات ...
وحتى ان ظنك ان هناك ناس من يشرب او راعي نسوان اذا هذا قصدك وهؤلاء صدقيني لا ينتظرون يتزوجون ويلعبون ويحششون ولا يهمهم شئ ..
او هناك من حب وينتظر من حب الى ان يكبر ويتخرج ليتزوجه وهو يعمل ويبني نفسه الى تخلص حبيبته من الدراسة . ..وعاد هذا شيخهم كلهم ...
وعلى ذكر شيخهم كلهم هناك من كان يحب وماتت من يحبها او انتظر على امل وبعد ذلك بعد ان فقد الامل تزوج ..ترا هذا كثير ما تحصل وهناك ناس وايد معروفة قصصهم اللي هالنوعية ..
يا اختي هناك ظروف كثيرة لناس

 

[أإلع ـشق دلع ـهـأإ]

انا بصراحه ماراح اوافق

 

[مرافئ الذكريات]

كل شئ قسمة ونصيب

 

[miss_ano0oma]

اممممممممم لا ..

 

[يعلني ماخلا منك]

والله عادي 16 او 14 احس بالعكس بيدللهاا وبيدلعهااااااا ويحسهااااااااا انها بيبي وقبلها غناتي صلي صلاة استخاره

 

[حورية الكويت]

وهج الحب

الرجال واصل 48 و سنتين و يوصل 50 ... متى بربي عياله !!!!

شاكرة مروركم بنات

 

[AUM.KW]

بالعكس انا راح اوافق
الشايب يدلل و الشاب يعلل

 

[معلمة روضه]

الكبير يدلل والصغير يعلل ويملل

اذا ما تبيييييييييييييييينه دزيه لي دي اش ال

 

[حورية الكويت]

يعني وقتها بيكون عمري 31 ؟؟؟

اي طبعااا ...


يعني وقتها راح أكون بعمر ما يسمحلي اني انطر و جذي


بعدين ما راح يكون تفكيره وايد كبير علي لاني راح أكون نااضجه أساسا ..


بس اذا كنت أنا بالعشرين و اكبر مني ب16 سنه مستحييييييييييل ..

بس حاله عم حاله تفرق

31 سنة بهالوقت مو كبيرة وايد حبيبتي ..هذا اولا

و مو عشان واصلة هالسن تقط روحها مع شايب

بالعكس لو كانت بالعشرين و هو بال 30 ممكن تاخذه لان بيكون شاب مو شايب

اما ان يكون عمره 48 هذا السن اللي مبره الحين اعمار عيالهم 15 سنة ...متى راح يربي عياله

و ليش تاخر كل هالسنين

 

[شوكولاتيه]

اذا كان صفاته الشخصية كلها مناسبة ليه لا

العمر ماراح يكون وقتها مهم قدام اخلاقه

وقبل كل شي

والله اذا جا النصيب كل الشروط والاحلام تتنسى

والي كاتبه ربنا بيصير

 

[ليالي العاشقين]

لا طبعا ماراح اوافق ولا انصحج توافقين...
فرق العمر وااااااااااااايد كبير ...
وفرق بالتفكير..والمنطق وطريقه العيش..صعبه

 

[RegaLoS]

امبيييييييييييييه مستحيل انا لو اكبر مني ب 7 سنين ما اخذه هالمره 16 سنه

يا حلاتنا انا او ريلي اهوه اكبر مني بسنتين او الحمدالله متفلاهمين او تفكيرنا نفس بعض او نفس الاحتياجات او نفهم بعض

حتى ذكريات الطفوله والمدرسه اتحسينها مشتركه

 

[bent_7awa]

اهو صح كل شي قسمة ونصيب

بس بصراحة كلللللللللللللش ما أؤيد ولا اوافق واايد فارق العمر

لوووووول اصلا اكبر من امي وابوي تخيلي عاد اتزوج واحد اكبر من ابوي .... استغفر الله

وبالاول والاخير الاهل ما راح يرضون بينتهم بعمر الزهور تاخذ وااحد شاااايب وشابع من الدنيا وانتي توج عنونه

 

[bent_7awa]

بالعكس انا راح اوافق
الشايب يدلل و الشاب يعلل

غلطانه

مو دائما هالمقولة صــــــــادقــــة !!!!!

 

[Brazil]

يعني اذا كان اهو اكبر منج ب 16 سنة و عمره 47 يعني عمرج 31...و اعتقد 31 مو صغيرة نسبتًا للبنت...انا اشوف انه فرق العمر مو كبير لان البنت اصلان مو صغيرة.
بس لو تقوليين ان البنت 20 او 22 او حتى 25 و بياخذها واحد 45 او شي جذي انا اقول حرام لان البنت في هذا الحاله صغيرة..

 

[خوش بنية]

مممممممممممممم يعتمد على الريال .... فيه رياييل ماشاءالله زقرت ما يبين عليهم العمر وبنفس الوقت متفتحين وروحهم حلوة القرار يحدده القعده وياه والسوالف .... هذا رايي