لو تقدم لك شخص وشرط عليكِ هالشرط .. توافقين .!!

[دلوعة أبوهآ]

ما آوافق ،
لآني مو محتاجه الوظيفه ( عشان المعاش )
آنا محتاجة الوظيفه لآني متعوده من صغري
على قعدة الصبح والدوام والشغل . . .

ماحب قعدة البيت والنومه لحد الظهر لاشغل ولاعمله
حاشني آكتئاب وآنا آنطر الوظيفه ، فـ الموضوع بالنسبه لي
حياه روتينيه آحبها وتعجبني ماقدر آغيرها ولا آبي آصلاً آغيره ..


آدعووولي آتوظف يابنات
قلبتي المواجـــع

​

مشكوره ع مرورك
والله يرزقك الوظيفه يارب وكل اللي تبينه ..​

 

[دلوعة أبوهآ]

اولا قال الرسول عليه الصلاة والسلام : اذا اتاكم من ترضون دينه و خلقه فزوجوه

ثانيا انتي شهادتج اخذتيها عشان تكون لج بر امان لج من الزمن وغدره
وبتتوظفين عليها عشان تعيشين راهيه بالمعاش اللي بتاخذينه بس هذا متى
اذا كانت حياتج مجبرتج على الوظيفه والا هي مو شرط الا اتوظف دامي عايشه بخير ونعمه بظل اهلي وبعدهم بزوج صالح

أكيد انه الشهاده تبقى معاي سلاح والوظيفه مو شي مهم ..,
والحمدلله يارب انا مو بحاجة الوظيفه بس اللي مخوفني هو ليش قال كذا .!!!
ودي اعرف التفكير اللي خلاه يقول هالشرط .

ثالثا اذا هو مثل ماتقولين زين واهله زينين وبيوفرلج كل شي وافقي عليه وهذي كلمة رجال بتكون قدام الكل

والله هو طيب واهله طيبين والكل يمدح فيه وفي أمه بعد ..

لكن مو معناته انج ماراح تشرطين عليه وظيفتج بحال اذا تقاعس عن شرطه
وبالنهايه الرجاجيل بالاخير يملون ويزهقون وهو بنفسه بيوظفج مع الايام لانه بيشووف الحياه تحتاج معاونه والمسؤليه بتكبر

يمكن مثل ماتقولي مع الزمن يتغير رأيه ويمكن لا .!!!

والله يكتبلج اللي فيه الخير يارب
اهم شي لاتنسين الاستخااااااااااااره
وترا بهالزمن قليل الرجال اللي اهو واهله طيبين وزينين
لاتترددين عشان وظيفه وتضيعين زوج صالح
الله يوفقنا ويوفقج يارب

الله يسعد قلبك ياحياتي
والله ردك ريحني واسعدني .,

انا ماراح أرفضه عشان وظيفه لان الوظيفه مو شي اساسي بالنسبه لي ..
بس انا ابي اعرف قصده من هالشرط هل هو عشان الراحه لي ..؟؟ ولا عشان قصده مكان البنت في البيت ومن هالكلام ؟؟؟


واكيد اني باستخير
والله يرزقني وياكِ كل خير وسعاده يـارب​

 

[دلوعة أبوهآ]

رد: رد : لو تقدم لك شخص وشرط عليكِ هالشرط .. توافقين .!!

لا ماراح اوافق

انا ماحب الراحه احب اشتغل
الوظيفه حلوه وحياه اجتماعيه وراتب وسواليف كل صبح شي جديد مو روتين وطفش

انا عكسك .. ماحب التعب والشغل
ابي وظيفه بس اروح استانس واخر الشهر اخذ راتب ​

 

[الوردة~الوردية]

رد : لو تقدم لك شخص وشرط عليكِ هالشرط .. توافقين .!!

اكيد بوافق احس انه المرا اللي تشتغل ما
تقوم بواجباتها حق ريلها على اكمل وجه لازم
تقصر معاه لان مو معقولة بتسوي كل شي و
بتعيش ريلها احسن عيشة
و من ناحيتي البيت و الريل و اليهال اهم و اذا صار
اي شي بينه راح تكون عندي شهادتي و تفيدي

​

 

[دلوعة أبوهآ]

رد: رد : لو تقدم لك شخص وشرط عليكِ هالشرط .. توافقين .!!

لا طبعا ,,, انا ما درست كل هالسنين عشان امد ايدي له كل راس شهر و اخذ معاشي منه جني خدامه عنده ,, حياتنا الزوجيه بصوب و شخصيتي و استقلاليتي كامراه و انسانه بصوب ثاني ,, ما لهم شغل ببعض ,,


انزين لنفرض اني وافقت ,, شسوي بالبيت مثلا ؟ اكل و انام و اشرب و اقعد في البيت جني عيوز ؟ و هالمعاش مالي باجر ينفعني انا و عيالي بالمستقبل و راتب التقاعد هم راح يشيل مصاريف وايد لما يكبرون العيال ,,,

مشكوره ع ردك وتواجدك ..,​

 

[دلوعة أبوهآ]

رد: رد : لو تقدم لك شخص وشرط عليكِ هالشرط .. توافقين .!!

لا طبعا نو وي
انا في طموح لي بحققة
وقعدة البيت ما تساعدني

الله يحقق لك اللي تبينه ..​

 

[عاشقه مودي]

رد : لو تقدم لك شخص وشرط عليكِ هالشرط .. توافقين .!!

أكيد مستحيل ( الوظيفه ) أهم عندي من مليوووون رجال ..

 

[طـفولية]

تم التصويت =)

 

[om deaj]

انا ما شرط علي بس راعي بالين جذاب
ماقدرت اوفق بين شغلي وبيتي وطبعا بيتي قبل شغلي

الحين يحن علي يبيني اشتغل بس حريمته اراح اشتغل الا بكيفي وبالوقت الي احس اني قادرة اسيطر على الوضع مو اروح اشتغل عشان يصير معاشي بيدي وبيتي مادر يعنه وعيالي قاطتهم على الشغالة

 

[دلوعة أبوهآ]

ما أوافق
الشغل بالنسبه لي اهوا سبيل من سبل تكوين ذات مو سالفه معاش​

وجهة نظر ..,


مشكوره ​

 

[دلوعة أبوهآ]

طبعا اوافق
وهذا يدل على شهامته ورجولته اذا يقدر المراه
بس اذا طلب هذا الشرط من ناحية تخلف وان البنت مالها غير بيتها لاما اوافق

صح تفكيرك وكلامك
وهذا اللي مجنني ويدور ببالي ..,

هو شرط هالشرط .! عشان يبي راحتي او عشان مكان البنت في بيتها ولاسالفة شك ولا شنو بالضبط مادري

وطبعاً ع حسب تفكيره ورده راح تكون الموافقه ..


الله يعين ويساعد الجميع ​

 

[دلوعة أبوهآ]

اوافق لان مو كل يوم بييني ريال زين

بس بشرط ان يمشيلي معاش شهري لاني استحي اطلب واااايد

مشكوره ياقلبي ع الرد ..

 

[دلوعة أبوهآ]

والله اذا وضعه زين اريح لي انا يصرف علي بدون توظيف وعوار قلب ..

بس الحجي الولد صادق بكلامه ولالا؟؟ ولازم نتحرى عنه ونسال

لان هالايام الزواج يخووف مو اي احد ينوثق بكلامه البعض مسرحييييييه

سالفة السؤال عنه هذا شي أكيد ..,
ومستحيل أوافق عليه قبل مانسأل عنه بكل مكان ونعرف عنه
لان الزواج عشرة عمر وحياه للأبد ..,​

 

[أستغفِرُ الله]

رد : لو تقدم لك شخص وشرط عليكِ هالشرط .. توافقين .!!

أوافق

 

[~LiBrA~]

رد : لو تقدم لك شخص وشرط عليكِ هالشرط .. توافقين .!!

اكيد لا

انا ماعرفه ولا احبه عشان اتنازل عن حق من حقوقي

ولو كان بيوفرلي كل شي ؟؟

الوظيفه مو بس معاش

الوظيفه تغيير روتين واكتساب خبرات وتعرف على ناس يديده واكثر بعد

قعدة البيت تييب المرض

 

[جوانا2010]

رد : لو تقدم لك شخص وشرط عليكِ هالشرط .. توافقين .!!

طبعا اوافق اش ابي اكثر من كذا
واتفرغ لبيتي وزوجي واطفالي

 

[تمنيته]

انا بصراحه مادري
احب اكون موظفه.. نفس راي البنات مو علشان الفلوس لأ .. لما تنتجين وتعملين تحسين بذاتج
ونفس الوقت احتمال لكل انسان ظروفه حسب الظروف

 

[زامليه وافتخر]

اوااااااااااافق..وبقووووه...

 

[حقوقيه زوغه]

اكيد لاااااااااااااااااااااااااااااااااااااااااااااااااااااااااا

والف لاااااااااااااااااااااااااااااااا
انا درست وتعبت وانكرففففففت بالجامعه وسهرررررررررررررت عشان اثبت وجودي واسوي شي بالدنيا يذكروني فيه الناس
مو اقعد بالبيت اجابله والبي طلباااااته !!

وتقدمولي جذي يا اللي يتشرط يقولي ماتشتغلين بمكان فيه رياييل ! والا ماكو شغل
لوووووووووووووووول واصلن ارفض بدون لا اشوووووووووفه
اللي مايحترم رايي ولا رغبتي ويفرض رايه علي هذا مااعتبره ريال
وجهه نظر

 

[ورد و ريحان]

حبيبتي انا زوجي قبل لا ياخذني قاللي شرطي مابيج تتوظفين
بس انا احبه وامووووووت عليه :wqedqw:
بلا وظيفه بلاشي اهم شي عندي راحته وراحة عيالي
واحمدالله كاني اثبتت وجودي بتجارتي وشخصيتي
بالعكس احس كذا ابدع بهواياتي وحياتي اكثر
تقبلي مروري:eh_s(7):