لو حبيت اسوي لعيالي حضانتهم بالبيت اقترحوا علي

[توتاتوتا]

السلام عليكم و رحمة الله و بركاته
بنات او معلمات الحضانات و الروضه ابي استشيركم و استفيد باذن الله منكم

انا عيالي توم و احنا بيت حموله يعني مجموع الاطفال الي بسن حضانة من سنه و نص الى اربع سنوات 6 اطفال ما شاء الله تبارك الله فهل ممكن اني اجمعهم عندي معي بكلريوس تربيه تخصص حاسب الي" و اسوي لهم فصل اعلمهم فيه

1 السلوكيات الصحيحه
2 قران و اناشيد
3 حروف و اسماء ....الخ

و عادي اجمع الاعمار كلها مع بعض؟ (سنه ونص-سنتين و نص- اربع سنوات)هذي الفئات الي عندنا بالبيت و لم يسبق لاحد منهم دخل حضانه او روضه

و الجانب الثاني ابي مساعدتكم تكفووون لا تبخلون علي بكل ما اكتسبتوه من خبرات شنوا احتاج اشتري و من وين؟

ابدوا لي شلون تخلون الاطفال يسمعونكم و يطيعونكم
و السلوكيات الصحيحه اشلون اعلمهم اياها لان للاسف عيالنا كلامهم xو يحوسونا بشكل

من ثم الاشياء التعليميه كل ماده شتستخدمون لها



وهل فيه كتب لو قريتها تساعدني ؟؟

و لكـــــــــــــــــــــــــــــــــــــــــــــــــــم جزيـــــــــــــــــــــــــــــــــــــــــــــــــــل الشـــــــــــــــــــــــــــــــــــــــــكر

 

[أحب ترابها]

بساعدج بالي اقدر عليه بالنسبه لتجميعهم مع فرق العمر ما راح يستفيدون وانت بتتعبينلان الاستيعاب يختلف يعني طفل اربع سنوات بيحفظ قران اسرع من ابو ثلاثه واقتراحاتي لج حطيلهم اركان يحبون يلعبون فيها مثل الرمل والماي-المنزل- الفنيه -المطبخ-المكعبات-العاب تربويه-مكتبة قصص-
علشان ادعمين السلوك الصح خلي عندج هدايا وحلويات
من وين تشترين المكاتب الشويخ لاندمارك
اذا ذكرت شي بقولج

 

[حلم المسافر]

موفقه ياقموره

 

[Bnt.Azmer]

ودي اساعدج بس للامانة مالي مقاقة لليهال

 

[عهود الحب]

الحضانة خاصة لج ولاهلكم
ولا للناس يعني بتستقبلين غيرهم
وبمقابل مادي
ولا ببلاش
لأنه الحسبة تختلف

والمكان راهي ولا مجرد غرفة ؟

 

[توتاتوتا]

لا الحضانه لعيالي بس وان بغوا بزارين حمواتي حياهم
بدون مقابل مادي
يعني ابي خصوصي جدا و المكان بالكثير غرفتين غرفه خاصه لعيالي و غرفه القعده

 

[zO'3a]

في بالمثني محل وحده كويتيه مسويته حق سوالف تعليميه حق اليهال : )اخذي طله عليه

 

[توتاتوتا]

اختي زوغا اذا مو غلطانه بالاسم عطيني عنوانها بالتفصيل لاني موب كويتيه ولا ادل

 

[zO'3a]

مجمع المثنى موجود بالديره : )

 

[كويتيه بالرياض]

رفع رفع

 

[توتاتوتا]

شكر للي ردو و كويتيه بالرياض لرفع الموضوع

 

[الشهدوالدموع]

رةحي مركز التعليم المبكر بالأفينيوز او جمعية الروضة او المثنى وااااااايد حلو كل اشياء تعليمية للأطفال وحق كل عمر وشنو يناسبه من العاب تعليمية وموفقة انشالله وفكرة حلوة

 

[توتاتوتا]

مشكوره الشهد و الدموع

كنت اتمنى من الاخوات يعلموني بعد اساليب تساعد في تعليمهم

 

[كبرت وراحت على]

هلا حبيبتىبارك الله فيك

ممكن تعلمينهم حروف عربيه

الوان

حيوانات

اجهزة منزليه

سلوكيات حولها


اذا انت كويتيه عندج منهجنا مال الروضه خبرات


بسيطة


ممكن تدخلين فيها الجانب ادينى بتركيز اكثر


وبالتوفيق



بس اخذى مقابل مادى لانه الاطفال تعععععععععععععععععععععععععععععععععععب