لو زوجج صفقج بالنعال (نكرمون) على ويهج .. شتسوين ؟؟

[* بنت المطر *]

السلام عليكم ::


سالفة رفيجتي يابنات افريش توها صايره اليوم ولجة راسي بسالفتها المشكله نصحتها موعاجبها صراحه بطت

جبدي وقالتي انتي تشيشيني اتطلق وبعدها قالتلي ع الاقل احسن من زوجج لووول زين زوجي

شكو بالسالفه خن اقولكم وانتوا احكموا ( طبعا لم بطت جبدي قتلها خن انزل موضوعج بالمنتدى عشان تاخذين

راي الاغلبيه )

الزبده :::


البنت متزوجه بيصيرلها سنه هالشهر _ حامل بالشهر ال3 عمرها 30 سنه تزوجت متاخره .. المهم

زوجها مايقرب لها من بعيد وساكنه بايجار اهيه وياه المهم .. البنت حامل وتعبانه ومن الصبح دوام تقول

ردت البيت تغدت وداخت دق عليها زوجها ( زوجها عسكري عنده استلام اليوم ) المهم قالتله انها داخت

عقب ماتغدت وبتنام سكرته منه دقت على اختها تسولف وياها شوي والا يدق مره ثانيه سكرته من اختها

دقت عليه اكثر من مره مايرد انطرت شوي مادق قامت حطت تلفونها سايلنت وقطت براسها ونامت ع العصاري

جذي المهم تقول ماحست الا الساعه 7 والباب يطق بقوووه والجرس حرررق تقول فزيت من النوم مخترعه

مادري حلم اللي اسمعه والا علم تقول قمت رحت ركض للباب بطلت الباب والا النعال اللي كافختها طراق

على وجهها وطراق ثاني وطق بالنعال ع راسها طبعا طلع زوجها ليش كل هذا ؟؟؟؟؟؟ لان من اليوم يدق

وماترد ع التلفون !!!! ف تقول اثناء الطق يضارخ ويقول (ياحيوانه ياكلبه ع بالي فيج شي !! زالقه والا مغمى

عليج !! شوفي تلفونج 40 مكالمه داق ماتردين .. طالع من دوامي غصب وطاير بغيت اسوي حادث بسبتج

ياحقيره !! ) اهي بهالوقت تحاول تبررله وتقوله والله نايمه وتعبانه وتلفوني سايلنت المهم هزاها ومشى ..

اانا لي اهنيه ابوقف ابي اخذ رايكم بصراحه قبل لااقولكم رايي او اقولكم شقلت لها ؟؟ وابسالكم كم سؤال

هل لانها ماتزوجت الا بسن كبير تسكت عن اهانتها وطقها ؟؟

هل لان اهلها مافيهم خير والعيشه معاهم ع قولتها كانت صعبه تنهان وتسكت !!!


ناطره ردودكم ورايكم بكل صراحه وسامحوني اذا فيه بدليات دايخه وبنام تصبحون ع خير باجر باذن الله اقرا ردودكم

​

 

[للزين هيبه]

:eh_s(12):

يعني اللي تتزوج بعمر متأخر تسكت ويكوون ماعندهاا كراامه؟؟؟

اعووذ بالله

انا لو مكاانها ويطقني

طراقات وبالنعاال

ومخرعني ومفززني من نوومي :eh_s(12):

وربي لاسووي كارثه


ليش شفيني تخااف علي

مو قلتلك بناام

والله يالنعل اللي صفعني فيها لترد بوجهه




والله مااسكت لاخلي يندم على طلعته من دواامه :flower:​

 

[( مي )]

ويه فقيرة

من الحب ما قتل

عادي عادي هذا حب العسكريين ايي ابهالدفاشة لوووول ،،

انا زوجي اذا مسكني بس اصارخ آي وآي ،، يقولي شفيج ما عورتج لوووول

 

[monmon12]

واللله حبيبتي
مادري شقولج ريلها يعني كان مخترع عليها
بس غلطان انه مد ايده عليها
لازم تزعل منه وما تكلمه وتقوله انه ميخالف حتى لو خايف علي ما توصل طق
بس والله العظيم لو ان طاقها على شي ثاني اقولها تطلقي لأن الريال من يمد على المره خلاص بس ماراح يوقف
وبعدين لما تييب عيال راح يتعقدون
بي اشوي حالت ريفيجت غير يمكن ميخالف كان حيل خايف خل تعذره بس لازم تزعل عليه اشوي

 

[اشتياق]

يمكن تحذف عشوائي ويا على ويهها لوووووووووووووول
الحين مافهمت اهي طقه وهوشه صجيه والا مكافخ قهر!

عالعموم المره راضيه سكتي عنها

 

[محبوبه25]

رد : لو زوجج صفقج بالنعال (نكرمون) على ويهج .. شتسوين ؟؟

غريبه كل هذا عشان ماردت عليه
مادري والله بس عن نفسي ما اسكت
و راح اقوله ما عاش اللي يطقني او يذلني
بس هم مو اكيد اقوله جذي

 

[Tulips]

رد : لو زوجج صفقج بالنعال (نكرمون) على ويهج .. شتسوين ؟؟

اححححح قاعد اتخيل

شوفي حبيبتي اهم شي الاحترام ثم الاحترام ثم الاحترام

انا منها ما اقعدله بالبيت دقيقه وحده .. حتى معاملة الحيوانات احسن

 

[ام شووووق]

رد : لو زوجج صفقج بالنعال (نكرمون) على ويهج .. شتسوين ؟؟

اهي عارفه روحها غلطااااااااااانه وهو من خوفه عليها لانها حامل
بس مايعرف يتصررررررررف قام طقهااااا

ممكن هو طقها بلحظه زعل بس اهي ادرى منج بزوجها ومو من موقف ينحكم عليه
اهو لو موزين جان ماقالت عادي ورضت

 

[تاج راس الحريم]

رد : لو زوجج صفقج بالنعال (نكرمون) على ويهج .. شتسوين ؟؟

والله حبيبتي كلش ولا الاهانه شنو كل هذا خايف اذا خايف مايمد ايده يطمن انها بخير لا وحامل ويطقهاوالله لو بدالها ماعدي الموقف على خير

 

[a7la MUM]

رد : لو زوجج صفقج بالنعال (نكرمون) على ويهج .. شتسوين ؟؟

مسكين ترا صج كان خايف عليها امبين وموعارف يعبر

 

[$سويدية$]

رد : لو زوجج صفقج بالنعال (نكرمون) على ويهج .. شتسوين ؟؟

الغالية قبل كل شي
البنت مهما كانت تعبانه ومهيونه في بيت اهلها المفروض ماتحسس ريلها بهذا الشي
لو تقدر تقول انها كانت اميرة تقووووووووووووووول
عشان ماتصغر في نظرة ويكمل عليها بعد باهاناته
الريال متناقض الصراحه كيف يكون خايف عليها واول مايشوفها يضربها؟؟؟

انا لو منها اتميرض عشان يحس بالذنب ويعتذر
ومب كل مشكله حلها الطلاق

يمكن ربيعتج شخصيتها ضعيفه وريلها عسكري متعود على الشدة لذلك لازم تقوي شخصيتها وتكثر من اطلاعاتها
وقبل هذا كله عليها بكثرة ااستغفار
ان الله يعطي الذاكرين اكثر مما يعطي السائلين

والسموحه منج ان طولت
نسمع عنها العلوم الزينه ياربي

 

[الأميرة جوري]

رد : لو زوجج صفقج بالنعال (نكرمون) على ويهج .. شتسوين ؟؟

من الخرعه ردت فعله مو حلو لو ضامها وقال الحمد الله انج مافيج الا العافيه احسن من النعال مسكينه اهى ادري بمصلحتها كبيره مو ياهل وخصوصا انها عارفه عيشه اهلها

 

[نـعـومـه]

رد : لو زوجج صفقج بالنعال (نكرمون) على ويهج .. شتسوين ؟؟

يخسي يطقني ياويله

لو انا مكانها عالاقل اروح ازعل بيت اهلي اقعد 3 او 4 ايام لما يراضيني عددددددل <<< اقل شي اسويه

 

[مملكة الحب12]

يــــــــــــــــمكن من خوف هالرجال سوى جذي انا اقول خلها تزعل جم يوم الا يراضيها وتقوله حتى لو خايف علي مالة داعي هالطق ها اوكي لو طراق كافي هذا دليل على خوفه بس شحقه هالطق بالنعل شنو هذا ياكاااااااااااااااااااااافي

 

[eman84]

هذا علشان يحاتيها كوفنها بالنعال يعني لو شاك فيها (وهذا اللي اعتقد صار ) جان شسوى !! @@

الحمدلله على نعمة العقل

 

[Sweetq8]

ااحح >_<

 

[Hello_kitty]

اول شي بقوووووووولج انه دخلت لما قريت نكج لأني صج صج احب مواضيعج وردودج ما شالله عفويه

ثانيا رفيجتج لما تزوجت تقريبا عمرها 29 او 28 وبهالوقت صار سن الزواج من 25 وفوق واغلب اللي اسمعهم يتزوجون 27_29

وحتى لو تزوجت عمرها ان شا الله 60 سنه هذا مو عذر اهو اللي يبيها ومحد غصبه واهي زوجته لازم يحترمها ويكرمها

رفيجتج غلطت بشغله وحده ان لما دق عليها ولقى عندها ويتينق ودقت وشافته ما يرد المفروض تدزله مسج تبرر موقفها وتقوله انها

بتحط التلفون سيلنت مع كلمتين حلوين..لأن واضح ان شخصيته حيل عصبيه وبدليل ان بسرعه طنقر عليها وحقرها

والمفروض تجتهد عشان توخر عنه اي شي ينرفزه او يثير الشك فيه

ومو معناه ان مو غلطان باللي سواه معاها ا غلطان و60 غلطان وهذي مو لغه يتعامل فيها مع زوجته يا عل ايده الكسر

حتى البهايم والحيوانات ما تتعامل بهالطريقه خاصه وانها حامل

والله زم تروح بيت اهلها وتدخل ااخوها او ابوها عشان يعرف ان وراها ظهر لو سبب ثاني جان قتلج تصبر الا الطق

ما تسكت عنه والا باجر بيخليها مداس طالع نازل طق فيها وبعد طق مهين بانعال وعلى الراس والويه حسبي الله عليه

 

[قفشه شكر]

تبين الصج الحمد الله والشكر ريلهاااا مووو صاااحي
يعني اناا بفهم يااي طااير خاايف عليهاااا واخر شي يكفخهاا بالنعااااال << ويعه ويعه
هذاا لو يحبهاا حبتيين زيااده يمكن يذبحهااااا
وبعدين اشدخل متزوجه كبيره بالطق بالنعاااااااااااااااال
ولا تقووولوولن ردت فعل ومخترع لا يبه هذاا مبطووطه جبده من الخط الثااني
ترا السااالفه ساالفت كرااامه ولا اشوووف وحده تقوولي خاايف عليهاا وله ريلهاا ويمووووووووون
عيب عيب والل عيب
اناا عندي مبدا الريااااال اللي يمد اييده على مرته هذاااا مووو رياااااال موو رياااااااااااااال
خل تقعد وتتفااهم ويااااه بعدين شلووون يمد ايده علياا واهي حااااااااااامل

 

[ام محمد***]

رد : لو زوجج صفقج بالنعال (نكرمون) على ويهج .. شتسوين ؟؟

زين هو خايف عليها
ولما شافها مافيهاشي شفيه قام يطقها

لازم تسويها زعله
وزعله جااايده

عشااان ما يعيدها
مو تقول اي والله انا غلطانه خليت التلفون سايلنت


ردة فعله مو طبيعيه



الله يعينها

ترااااه رااااح يستسهل مدة ايده عليها

لاازم احد من اهلها او هي بنفسها (اذا ماتبي الموضوع يكبر )توقفه من الحين عند حده

مو على اي سبب يمد ايده

خايف عليها لا تكون زااالقه بالحمااام ؟؟
اللي سوااااه العن من زلقتها بالحمااام
زين ما طيّح الياااهل

والله انقهرت عليهااااااااااااااااا

 

[tmtmt]

مبين ان اهوا سوا جذي ان كان خايف عليها
بس طرييقته غلط ما اسمحله لو شنو ان يمد ايده وبنعال بعد !

اكيد مو لازم تتطلق
تعطيه فرصه تزعل اي لين يراضيها خاصه انها حامل
وبعد جم يوم لااازم تتفاهم معاه على هالموضوع