لو زوجج. يزفج جدام أحد !!!!!!!!!

[...ليالي...]

سلام متزوجات
شلووونكم


أبي أعرف شبتسوييين
لو زوجج
زفج ونفخ فيج جدام أحد
جدام خدامه ولا جهال
والا امه
إخته

شلون بتتصرفين
تزعلين
تردين عليه
تحرجينه جدام أهله
اتطنشين ولا جنه صار شي
بنات ضروري تجاوبون لأن معاناه الرياجيل إلي جذي
لكم منه أحلا تحيه فووووديتكم

 

[mannawy]

والله انا بصراحه تغورق عيوني واسكت بلحظتها. تالي اتم خاشه الموضوع بقلبي وييله يوم وينفجر بطريقه تصدم ريلي وتفشله من نفسه

 

[ياغروري]

انا مملكه للحين مادخلت

واذا زفني بيني وبينه
ابككي ما اتححمل صراحه
اججل لو يزفني قدام اححد شلوون

 

[Patcholli]

اتصدقين مره قط علي كلمه يمكن كانت عاديه بس انا تحسست منها اخنقتني العبره ويهي اختبص معني سكت وحاولت ما ابين بس الي بقلبي على طول على ويهي تلقائي ماقدر اتحكم .. بدون ماتكلم خواته زفوه لان بان على ويهي اني تظايقت لوول

 

[om 7amoodi]

اسكت و اكبر عقلي شسوي فيه ماله داعي نتهاوش وفضايحنا تطلع جدام الناس بس بعدين بيني و بينه لازم انبهه انه اللي سواه غلط و لازم ما يعيدها

 

[سارة ة]

اي والله اسكت ماله داعي تتطلع الفضايح عند الناس
بس اوريه الشغل بشقتنا ههههههههه ماخلي كلمة بقلبي

 

[الأمل لحظه]

والله ابلعها واسكت مااحب ارادده جدام اهله
بس جدام الخدامه عادي يزفني وازفه .. مابقاا الا الخدامه استحي منها

 

[Loloki]

ههههههه.

شوفي انا بيت اهله وايد اقط حجي واسكت بس اذا قط كلمه قوبه اسكته اقوله احترم وتكون خالتي موجوده وبعدين اهي تهب فيه

هههههههههههه

بس سالفه خدامه لا والله اذا صرخ بويهي اصرخ بويهي

بس سالفه يصرخ باي مكان بس اخزه واطق نفسيه واهو بحس يالمالحس يحس ويها ههههههههه

ريايل اغثووون والله

 

[شادن33]

الاااااا الخداااامه مايزفوني جدامها خخخخ
والله احسها مهزله اذا زفني جدامها هزلت بعدين ماتحترمني قطططع
اعيالي مقدوور عليهم ارد اشوي عليه بس ما اصارخ ومرات اضحك ما ادري ليش
وامه لويسويها اعرف متى اردله ايااها

 

[حجيه هيونه]

احيان اقلبها غشمرة واتهاوش معاه بالبيت

 

[ماتغير شي]

اسگت واحطها بقلبي وإذا قعدنآ بروحنآ يبتدي الحساب احاسبه على گل كلمه قالها

جدام الخدامه ماسكت يزفني وازفه ههه

 

[...ليالي...]

فوووديتكم عالردووود حلوه
عاد آنا أكره. هالشي
ماحبه إذا زفني جدامهم صراحه
اطنقر وانفس
بعدين نتفاهم بدارنا
وبعدين الخدامه هم فشله
مرح تحترمج بعدين

 

[خلطات المذهله]

مادري بصراحه طبعه حقو وكتوم مايزف لكن يخليها بقلبه ويحقرررررررررررررررررر لايام عادي عنده

 

[مواصله]

بعيد الشر بس لو يسويها اكيد ماراح ارد بولا كلمه عشان مانصير فرجه وابتعد عنه

وبس اتوحد فيه يااااااااااااااااااااااااااااااااااااااااااسواد ليله

 

[الله ياكثرعذالي]

ههههههههه راح اقوله

احترمووناااا نحترمكممممم
ههههه لالا بس صج راح اطنقرررررر واعصب واخليه يننقد علا نفسههههه من عيووني بس اصعد فوق بلسانييييييي*

 

[فوفو22]

لله الحمد ما حصل

بس لو يحصل

اعدي الموقف بمزاجي

واتحاسب بوقت ثاني

فوفو

 

[انثى عاشقة]

ازعل واسكت
بس لما نصير لحالنا بالبيت
هجووووووووووووووووووووووم
اوريه شغل الله

لوووووووووووووووووووووووووووووووووووووول​

 

[قموووره]

احنا مو قاصرين لسان بس غلط ارد عليه حتى لو اهو ماعنده سالفه اذا رديت عليه بركب نفسي الغلط
اكيد راح اسكت وانقث واعطيه نظره حلوه بس بعدين راح اتكلم معاه واعلمه شلون يحترمني جدام الناس ومو بالهوشه بالين تفهمينه انه غلطان ويحترم نفسه ولا يعيدها احسن له ​

 

[كويتية بروما]

اسكت لان زوجي اعصااااااب ماينفع ارد عليه
ولما يهدي اناقشه وانتقم منه عدل هههه

 

[ام فواازي]

ماعمره سواها بس لو سواها اتوقع بعطيه خزه لو العيون تذبح بتذبحه
اما الخدامه هم صعب انا ماارضى نتهاوش قدامها او على سمع اذنها لان ممكن تنقل حجي بين الخدم وع مااحب علومي تصير قصه عند الخدم
وحتى عيالي مااحب نتهاوش قدامهم عشان نفسياتهم