لو سمحتوا مساعده بسافر الصين !!

[فروبتشينه]

السلام عليكم
انا انشالله بسافر الصين تاريخ 6\7 الاربعا الياي على القطريه بس ماادري شنو الاشياء الحلوه او المجمعات الحلوه اللي في الصين واحنا انشالله بنكون في كوانزو اللي تعرف شي بالصين تحديدا في كوانزوا تساعدني ،، :eh_s(22):

بانتظار ردودكم تنور الموضوع :eh_s(7):

 

[فروبتشينه]

ويييييييييييييييييييينكم ؟؟؟

 

[اغادير الكويت]

تروحين وتردين بالسلااامه ان شالله..
حبيبتي الصين جدا حلوه والله يعينج من الزحمه -- روحي لمطعم سبأ تلقين هناك بروشور فيه الاماكن بالعربي والصيني
وريه سايق التاكسي وهو يوديه
وديري بالج لا تركبين مع السيارات الخاصه ركبي التاكسي اللي باللون الاخضر او الاصفر
ولااااا تحااااااااااااااولين تكلمينهم لانهم ماااايفهمون شي
بس اللي بالمحلات يطقطقون شوي بالانجلش

 

[ابداع فتاة]

بصراحة ما أعرف أي شي لأني ما سافرت لها بس اتمنى اني اروح
دورت يقوقل لقيت هذا الموضوع عن فندق في كوانزو و هذا الرابط
http://forum.banat-style.com/arabgirlsfashion35454/
و هذا ثاني
http://chinaarab.blogspot.com/2011/01/hotels-in-guangzhou-china.html
و هذا الموضوع عن المناطق السياحيه فيها
http://www.kwtzone.com/a7jar/vb/showthread.php?t=12997
و هذا الموقع شامل بعنى الكلمه فيه كل شي تبين تعرفينه عن الصين
http://www.safirchina.com/
و هذا الي قدرت عليه
إذا تبين معلومات اكثر دوري بغوغل و تلقين
و ان شاء الله ترجعين بالسلامه ..... موفقه
​

 

[فروبتشينه]

الله يسلمكم انشالله ومشكوورين عالردود الحلوه اللي نورت الموضوع ويعطييكم العاافيه بس تقدروون تقولون لي شنو المجمعات الحلوه هناك انا لقيت في قوقل بس كان لويه يعني ماعرفت المجمعات الحلوووه اللي اكثر شي يروحون لها فإذا تقدروون تفيدوني اكون شاكرة لكم

 

[ابداع فتاة]

هذي الروابط عن المجمعات في كوانزو
http://www.eyeoftraveler.com/vb/showthread.php?t=4666
http://travel.maktoob.com/vb/travel139190/
http://www.tqatar.com/vb/showthread.php?t=2068
و هذي بطاقة دليل سياحي لأي مجمع تدخلينه أنصحج بطباعتها
http://www.travelzad.com/vb/t18492.html
و هذا الرابط فيه صور عن barbie shangahai
أهيه قصر باربي يعني إذا عندج بنات صغار و تبين تودينهم لها
أهيه بمنطقة شنغهاي
تبعد عن كوانزو مسافة ساعتين بالطيارة و مسافة 8 أو 9 ساعات بالقطار
بس يقولون صكوه فتأكدي قبل لا تروحين
http://www.google.com.kw/search?um=1&hl=ar&lr=lang_ar&biw=1280&bih=555&tbs=lr:lang_1ar&tbm=isch&oq=barbie+shanghai+&aq=f&aqi=g-L1&q=barbie%20shanghai
و هذا الرابط عن مدينة هونغ كونغ إلي فيها دزني لاند
http://forum.hawaaworld.com/showthread.php?p=48248936
أتمنى أني أفدتج موفقة​

 

[شعلة حماس]

وأنا بعد ياريت تفيدوني بالمحلات الزينة الي تبيع الماركات درجة أولى ما عندي وقت أفتر على المجمعات كلها
ياريت تردون علي ضروري

 

[ابداع فتاة]

شوفي هذا الرابط يمكن يفيدكم
http://www.btalah.com/showthread.php?t=234341&page=13
الاسواق
تي مول
شاينا بلازا
وشارع بيجانق
و هذا الرابط في مواضيع شامل للسفر للصين شوفيها
http://www.eyeoftraveler.com/vb/forumdisplay.php?f=24
ادخلي على موضوع كوانزو في الجيب
إن شاء الله أكون ساعدتج​

 

[mafio98]

وعليكم السلام
هلا اختي بالنسبه للصين كلها مجمعات بس الموحلو عندهم ان مجمع للجناط فقط مجمع للاكسسوارات ومجمع لملابس الاطفال جذي طريقتهم بس اغلبهم يبيع جمله او ان تشترين قطعه بس يرفعون النسبه عليج وبالنسبه للجناط التقليد بكل مكان تقريبا موجوده وبجوده تختلف واكثر شي اعتقد تحصلينهم بسوق الليل "بيجن لو"
هذا بشكل عام واسامي الاسواق تحصلينها بكتاب مطعم سبا وموجود بالنت تقدرين تنزلينه وبالنسبه للمطاعم الحلال هناك انصحج بمطعم السلطان وايد حلو ونظيف انظف من المطاعم الي بالمنطقه العربيه هناك تشوفين اشكال والوان وياكثر الجناسي اللي مانحبها هناك فمري على السلطان يمكن يعجبج

 

[اغادير الكويت]

حبيبااااااااتي ردودكم جدا حلوه
بس احب اوضح شغله -- بالنسبه للروابط كلها اغلبها مجمعات فخمه
لكن لو بغيتي تشترين وتتسوين بجوده حلوه واسعار منااااااااااسبه روحي واسكني بفندق اسمه بااارك فيو كله كويتيين والدور ال5 فيه مكاتب شحن كويتيه
واسألي الرسبشن عن اي مكان تبينه بالانجلش -- يكتبونه على كرت لج وتورينه التاكسي علشان يوديج
لااااااااتحاااااااااولين تكلمينهم لانهم مايفهموووووون -- وخليج ع التاكسي الاخضر او الاصفر
ولاااتركبين السيارات الخاصه..
وروحي لمطعم سبأ اليمني - فيه بروشور يفيدج
اختصري هدا كله ودخلي منتدى العرب المسافرون وتلقين فيه هالبروشور
عموووووما -- اختصري وسوي اللي قلتلج لاني ما اعتمدت الا على رسبيشن الفندق وهالبروشور
والمجمعات مالها اسامي عندهم واتمنى اكون وصلت لج المعلومه

 

[شعلة حماس]

مشكورين على الردود ويارب يعطي كل وحدة من رزقه الواسع يارب ياكريم
وأدعولي تكون سفرتي مثمرة إن شاء الله
وألقى الي أبيه وإن السفره تسوه العنوة

 

[hessa25]

الله يوفقج

 

[فروبتشينه]

مشكوووووووووووورين على الردود اللي بصراحه وايد فادتني ويعطيكم العافيه واسفه اذا تعبتكم معاي

 

[فروبتشينه]

عندي سؤال بس يمكن يكون تافه بس صج بالنسبه لي موتافه انا وحده اعشق ستاربكس وامووت فيه يعني لازم يوميا اشربه السؤال الصين بالاخص ((كوانزو )) فيها ستاربكس ؟؟ والسؤال الثاني اذا عندي وصله فيفا مالت نت تشتغل هناك ولا لا ؟

 

[أغلى حبيبه]

حبيبتي ستار بكس مجابل فندق بارك فيو وكله كويتين

وليش تودين الوصله الفندق فيه واير لس

والمطارت فيها كلش مايحتاي وصله