لو سمحتو تعالوا شوي ساعدوني

[طوق اللولو]

الحين زوجي تزوج علي وهو مسافر اتصل عليه يرد لكن بسرعه انا احبه ومشتاقه له بحيييييييييل
دخلت مرحلة غريبه علي في حياتي عمري ماشفتها من امي اواحد من اهلي
وش اسوي شلون اتحمل يكون مع واحدة ثانيه يلمسها يضحك معها كل شئ كل شئ
شلون اغير حياتي واستسلم للواقع المرير

 

[ام شووووق]

رد : لو سمحتو تعالوا شوي ساعدوني

خلاص يا قلبي ارضي بالواقع

واستغفري واتقربي من ربج واقري سورة البقرة وشوفي شلون بترتاحين

 

[مضيعة برقعها]

أسمحيلي أقولج هذا الواقع وواجهيه
ومع الايام بيبري الجرح
تقبلي مروري

 

[قاهره عذالي]

رد : لو سمحتو تعالوا شوي ساعدوني

ليش تتصلين عليه

مو قلنا احقريه

عشان يحس بالذنب

 

[طوق اللولو]

مااقدرت احقره احبه واحبب اسمع صوته وهو اذا كلامته احس انه مشتاق لي

 

[كميثره]

الله يعينج ويصبرج

علييج بالاستغفار

 

[قاهره عذالي]

رد : لو سمحتو تعالوا شوي ساعدوني

جنج قاعده تقولين له

اللي سويته صح وعادي

لا كسر قلبي ولا زعلني

لاحول ولا قوة الا بالله

غلطانه

 

[ابدا يالغالي مانساك]

رد : لو سمحتو تعالوا شوي ساعدوني

ياحياتي قطعتي قلبي قطعه قطعه حسيتج مهمومه حيل
تركي الهم وكثري الاستغفار وسؤرة البقرة وقولي ياهم عندي رب كبير
وهذولي الرياجيل مايمللي عينهم غير التراب
بفهم ليه تتصللين عليه حقريه وقوي قلبج لاتقووولي احبه خليه ياحس فيج شوووي

 

[ناتشوو]

رد : لو سمحتو تعالوا شوي ساعدوني

الايام بتعودج
بس لا تخلين فكرة زواجه ف بالج طول الوقت
اشغلي نفسج قد ماتقدرين
وربي كريم

 

[اشتياق]

وتزوج شنو يعني؟
شي صار وخلص
نهاية الدنيا؟؟؟؟؟؟؟
متعبه روحج وتفكيرج؟
ماراح ينقص منه شي
الله يهديه غصبا عليه لج يارب ويرده رد جميل
كل شي تهونينه يهون تصغرينه يصغر
وخلج من تهويل الحريم
كلنا بقبر باجر ما ويانا غير العمل الصالح

 

[غــلآ]

رد : لو سمحتو تعالوا شوي ساعدوني

حبيبتي

جاوبي نفسج بنفسج

بتقولين شلون

بقولج حطي نفسج مكان العروس ومكان زوجج شوفي شنو ودج يكون تصرفج

حب لاخيك ماتحبه لنفسك وارجع اقولج الريال لا اذنب ولا سوا شي غلط

ممكن جرحج لكن اللي سواه مايعتبر تحت بند الغلط

هونيها وتهون وان كبرتيها تكبر

ووسعي صدرج حبيبتي الدنيا ماتسوى تضيقين على نفسج عشانها

ادري ردي سلبي بالنسبه لج بس فكري في شغلات اهم واحسن من ( زوج ) والمشكله ماتقدرين تمسكين ممسك عليه وتقولين له انت غلطان لان اللي سواه ( جايز وحلال وشرع )

انا اقدر اشيشج على ريلج اقولج خليه يولي وحقريه ولاتردين وطلبي الطلاق بس بالنهايه شنو بتستفيدين غير قهر وحره وتشتت فكري ونفسي وتشتت عيال !!

بس لما تفكرين فيها قعدتج مع ريلج وايد افضل

وشوفي اذا شريجتج من النوع الطيب واللي ينحب تعرفي عليها

لاتقولين صعبه ياما ناس سوووها

انتي لو بس تقنعين نفسج ان اللي سواه شرع وحلال صدقيني الهم ماراح يدل طريجه لقلبج

ادري مو عذر كافي ولا شي يبرد حره القلب

بس كفايه انج توقفين عقلج عن التفكير وبالتالي قلبج مايصير مغموت بهالكلمتين جنج تقولين لتفكيرج السلبي ستوووووووب انا تعبت

واكيد الحل الاخير بيدج

والتخيلات اللي قاعده تييلج اقدر اقولج طبيعيه لكن بعد اقدر اقولج ان الشيطان قاعد يوزج تعوذي من ابليس وشغلي نفسج بشي

والله يوفقج

 

[ام شووووق]

رد : لو سمحتو تعالوا شوي ساعدوني

الله يعينج

 

[đeɱɛɼɑ™]

رد : لو سمحتو تعالوا شوي ساعدوني

الله يصبِر قلبِج ،

اللي يهوِن عَليج إن هذا شَرع الله و ماراح للحَرام يعني يخَاف رَبه
وفوق هذا تقوليِن إنه مشتَاق لِج يعني يحبِج وزواجَه الثَاني ما قَلل من حُبه لِج

وتبين بعد شي زيَادة يهون عَليج .. تَذكري زوُجات الرسول صلى الله عليه وسَلم وشلوُن صبرَوا وتعايشَوا مع واقِعهُم

بِالنهايَة كِل شي بيدِج حَبيبتِي قَربي من الجَوانِب الايجابية وبِعدي عَن السَلبِيات
واقري كَلام الاخت غَلا فوق بَعد ما قصِرت جِزاها الله كِل خير ​

 

[شمس 20]

الله يفرجها عليج

 

[English.Teacher]

رد : لو سمحتو تعالوا شوي ساعدوني

شعور طبيعي انتي دخلتي مرحلة الواقع

لان كان عندك امل بس الحين فعلا حسيتي انه صار واقع ومجبورة تتقبلينه

مرحلة زمنية وبتعدي

بس قللي اتصالاتك او حتى اقطعيها

خلي المبادرة منه هو

لانه راح يتأذى من اتصالاتك

وادري كلامي بيتعبك شوي

بس هو في مرحلة الفرحة والنشوة بالعروس الجديدة

فاتصالك بهالوقت ماراح يسعده ابد بالعكس راح يعتبرك مزعجة

انتظري لين تروح السكرة وتجي الفكرة

ويبدا يراجع حساباته ويكتشف من نفسه انه خسرك

دوسي على قلبك وكملي حياتك مصيره يرجع لك

والله يهون عليك مصيبتك

دعاء الهم والحزن له اثر كبير في تغيير حالتك النفسية

لاتستهينين فيه

داومي عليه وبتشوفين الفرق

 

[ورد الغرام]

اللة يفرج همك

 

[طوق اللولو]

هلا حبيباتي
مشكوررررين على الردود بس ابي اسالكم سوال
الحين هو اليوم ارسل لي رساله قال فيها انه يحبني وانه ماراح يتغير علي وش هذا وش اسمي هذا

 

[المستغفرة 74]

رد : لو سمحتو تعالوا شوي ساعدوني

عورتي قلبي
الله يكون بعونج
وعسى ربي يسخرة لج
وعليج بالاستغفار

 

[njoom1]

رد : لو سمحتو تعالوا شوي ساعدوني

الله يهون عليح جبيبتي ...

 

[طوق اللولو]

استغفر الله واتوب البه