لو سمحتو مساعدتكم ابغى اسوي لوحه

[فوفو9999]

السلام عليكم ..حبايبي انا استاذتي طالبه مني موضوع اسوي لوحه بمواد خام مثلا اعواد الكبريت او لجرايد او لبلاستيك او اي مواد ثانيه بليز الي عندها افكااار لاتبخل عليه حتى لو صور وانا اطبق عليها بليييييز

 

[الأميرة جوري]

شوفي المكاتب يمكن يسون لج

 

[ريهام فاشن]

مرحبا حبيبتي بصراحه ما حبيت ادخل و ما ارد عليج
بس شفت لج هاللوحه وعجبتني واايد وحسيتها سهلللله حاولي تجربينها ..
واعطيج فكره شوي غير عنها يعني دمج مابين عيدان الكبريت و الجرايد فحاولي تخلين ارضية الساعه تكون جريده و بجذي تكون دمجتي خامتين بلوحه وحده ...

وهذي الطريقه:

عمل ساعه بعيدان الكبريت
[URL="http://img7.hostingpics.net/pics/5010401_craftss_www.ward2u.com.jpg"] [/URL]


الخامات المطلوبة


1. قطعة خشب أبلاكاش .

2. غراء أبيض شفاف .

3. علب كبريت .

4. ورنيش شفاف .

الشرح :-


1. نحضر قطعة الأبلاكاش ونرسمها على هيئة دائرة ونعمل فى الوسط خرم لعدة الساعة .


2. نحضر الكبريت ونضعة تبعاً لأى رسمة نريدها ويمكن أن تكون رؤس العيدان ملونة ألوان مختلفة .
3. عندما ننتهى من رسم الكبريت ونستقر على رسمة نحضر الغراء الابيض وندهن تحت رسمة الكبريت .

4. نضع الكبريت بجانب بعضة تبعا للرسمة .

5. وعندما يجف ندهن اللوحة بورنيش شفاف .
6. نضع عدة الساعة وبكدة تكون خلصت الساعة .
​

منقوووووووووله طبعا لعيوونج

​

 

[أم وضاحي]

هلا حبيبتي
شوفي
بحاول أساعدج بس ما عندي صور
أنا كنت مدرسة فنيه و لعبتي الأشغال و اللوحات إللي من الخامات البيئيه
سوي لوحه لمنظر طبيعي من الجرايد
جيبي لوحه من الكرتون المقوى اسمه كانسون يكون كرتون مقوى مش كرتونة رسم أو الفلين
وقطن سواء الكور الصغار أو الرول
و فاين المطبخ الرول
و جيبي غراء أبيض و خففيه أشوييييييه بماي عشان يسهل عليج أستعماله و توزيعه على الشغل و حطيه بمله
وتحتاجين تيب شفاف
و طبعا جرايد
أول شي جهزي مكانج و حطي الفلينه على الطاوله
جيبي الجرايد و لففيها بالطول كأنها جذع الشجره ولزقيها على الفلين بالتيب
بعدين جيبي جرايد ثانيه و عفسيها بكبرها كانها الشجره من فوق و لزقيها أعلى جذع الشجره إللي سويتيها
وخليها معفسه عشان تعطيج ايحاء أوراق الشجر
عقب جيبي قطن كور او قطن اللي يجي كأنه شاش و لزقيه تحت جذع الشجره و خليه الأعشاب و أهنيه أستخدمي لزقات الدبل فيس
و الحين
جيبي فاين مطبخ الرول و غطسيه في الغراء المخفف بالماي و حطيه على جذع الشجره و على أوراق الشجره من فوق
لا تحطينه على القطن إللي تحت
وحطي طبقات
وعقب خليه ينشف تقريبا بياخذ ليله
احسن عشان ييبس
المهم
الحين لوحتج جاهزه
لونيها بالألوان المائيه ( الفرشاه )
و الأعشاب تحت سويها بالرش ( بس انتبهي إذا أستخدمتي الفلين يمكن يذوب من الرش )
وتقدرين تضيفين عليها ورد مثل لوتجيبين أوراق و تعفسينها صغار وتحطينها على الأعشاب
و تلونينها بعدين
أتمنى أني أكون ساعدتج