لو شنو ريلي ما يتوب

[F.M.36]

سلام عليكم
عساكم بخير حبايبي
انا قبل فتره نزلت موضوع ب(مشكلات اجتماعيه)
ان ريلي يخوني من 4 سنين
و لمن استشرت البنات الي معانا بالمنتدى قالولي لازم ما اسكت و اكلمه
و لمن كلمته زعل يوم واحد و بعدين رد و حلفلي ان ما يعيدها و من الكلام الفاضي
اليوم الصبح اشوف مسج بتليفونه (انا ناطرتك جنك تأخرت وايد اليوم )
والله من اول ما شفت المسج حسيت الكرامتي جد بالقاع
بس انا ما اقدر اطلب الطلاق لاني حامل
ولا اقدر اقول حق اهلي اخاف على سمعته شسوي الله يخليكم ساعدوني ​

 

[كويتيه مذهله 87]

خايفه علي سمعته ؟!

مدام كلمتيه ووعدج ان يتوب وجذب عليج وخانج مره راح يخونج مليون مره

لازم ادخلين اهلج بالسالفه لي متى بتسكتين 4 سنين مو شويه ياقلبي

واذا ماتبين تكلمين اهلج أرضي بنصيبج وحلالج بكون حق وحده ثانيه

 

[F.M.36]

شويفي حبيبتي ريلي كان من اختياري انا و انا عاندت اهلي علشان اخذه
و مو حلوه اروح حق اهلي اقولهم ان ريلي يخوني لان اهلي ماكانو راضين زواجي
و ياما حذروني و كافي اهما للحين مو متقبلين ريلي بشكل كلي
و الحين اقولهم ريلي يخوني من 4 سنين مادري شلون

 

[هواجيس الفجر]

الله يهديييييييه انشالله

و انتي تصبري واحتسبي الاجر عند الله

و اهوو مارده لج

 

[F.M.36]

انشالله

 

[غير كل الناس]

اصبري وقولي يارب اهديه

 

[đeɱɛɼɑ™]

لا حبيبتي عادي روحي قولي حق اهلج
حتى لو كان من اختيآرج .. شفيها؟!!
مهما كان انتي بنتهم ،
وماراح يرضون لج هالمهانة
سووها قبلج وكانوا نفس حالتج .. وعقبها رياييلهم تسنعوا

مو تقولين حق كلل اهلج !
قولي حق ابوج او اخوج الكبير .. او ريال باهلج له وزنه ومكانته
وريلج يحط له مليووون اعتبار ويحترمه ..
عشان ياخذ ريلج ويعطيه جم كلمة بالعظم ويتعدل

وبالاخير اقولج استخيري قبل كل خطوة تسوينها ..


عسى ربي يهديه ويعوضج فيه كل خير

 

[dectora 7elwa]

الله يهديه لج
استخيري قبل لا تكلمينه بس جذبيه صوبج بالفرفشه والكلام الحلو بعدي عن النكد ودشي منتدى بلقيس واقري كلام ناعمه الهاشمي

 

[^^المهره^^]

كلمي احد من اهله اهوا تثقين فيه وتمونين عليه
امه-ابوه-اخته الكبيره
واذا مافاد كلمي ابوج ولا اخوج

 

[جوري 2007]

لاتكلمين اهلج دامج ماخذته غصبا عليهم اصلا ماراح يسون شي غير انهم يطلقونج منه
اذا تبينه وحابته غيري طريقتج معاه
حتى لو انج حاامل ملكي قلبه وعقله
كشخي على طول ولبسي وفنتقي بملابس الحوامل بالبيت
سوي هالليالي الرومانسية عشان ينجذب للبيت ومايتاخر
فنتقي بالطبخات وخلي اعتمادج عالخدامه بالاشياء الاساسية عشان لاتتعبين
طلعي معاه هالسينمات والمطاعم والمسرحيات
اذا تقدرين تسافرين سافري وياه جم يوم بالعطلة وغيروا جو
كله خلج مفرفشة وخلي جو البيت فرفوشي عشان يحب قعدة البيت
وبعديييييييييييييييييين لما تملكين قلبه من يد ويديد
اهنيه كلميه وناقشيه بالموضوع وخل يعطيج وعد ان مايكررها
لما تملكين قلبه ماراح يردج اصلا بيقولج لبييييه واصلا انا اشلون كلمت غيرج
الموضوع صعب عليج ادري لانج نفسيا مجروحة وحامل بس شدي على نفسج شوي عشان لاتخسرينه
اي ونسيت اقولج ابدا لاتحسسينه انه ماوراج اهل
بالعكس دايما بينيله بشطارتج انه اهلي موعيزانين عني
وشكله قاعد يتمادى لان عارف نقطة ضعفج اهلج اللي موراضين عن زواجكم من البدايه
الله يهديه ويصلح حالكم يارب

 

[اشتياق]

خشي بقلبج لا تواجهين ادعي ربج بكل صلاة الله يهديه ..

 

[اميرة-الاحجار]

اصلا غلطان يوم اج كلميته وصارحتيه
لان الحين خلاص عرف ان ردة فعلج ماراح اتكون اكثر من زعله
وظامن انج ماراح تسوين شي كبير
وراح يصير اشكره عمري حسافه ليش كلمتيه وصارحتيه

 

[إطلالة القمـر ...!]

الله يعينك و يهديه ..

لازم تحطين حد و تاخذين رد فعل حازم و إلا الموضوع عنده عااااادي يتوب اليوم و يرجع بكره ..

لاحول و لاقوة إلا بالله العلي العظيم ..

 

[احب السفر]

الله يعين على بلاوي الدنيا ويهديهم

 

[بمبة المفترسة]

كلميه قوليله انا ماخذتك غصب عن اهلي وتخووني عيل ليش خذيتني
وان ماتعدلت بقوول لاهلي اقلهاا بيطلقووني منك لانهم من اول مايبونك يا تتعدل يابروح لاهلي
وشوفيه تسنع كان بها ماتسنع قولي لاهلج وخليهم يتصرفون معاه
او اذا ابووه انسان عاقل وحكيم كلميه قوليله عمي فلان يخوني من 4 سنين وانا ساكتة ما ابي المشاكل ووووووو كملي من عندج
مايحلها الاا ابووه بيفتشل منه

 

[kuwaitya_zoGaa]

بصراحه قهرتنى
بس واجهتيه وسكتى ؟؟؟؟ يعنى شنو تبينه يسوى ؟؟؟
انا منج ازعل واروح بيت اهلى واذا اسألونى اقول لهم مسافر !!!
خليه يحس انه بتصرفاته بيفقدج وانه مو شى عادى !!!!

 

[(( انفوي ))]

الله يعينك حبوبه ويفرج همك

 

[(( انفوي ))]

الله يعينك حبوبه ويفرج همك

 

[شووقة]

ادعي له ان الله يهديه بس ضروري تكلمين ابوه لاتسكتين واذا ما نفع مع ابوه كلمي اهلج

 

[Un-6be3iya]

بس هذا الي الله قدرج عليه ؟؟
مانبي نرد نعيد بالكلام ونقول الغلط منج 4 سنين وسآآآكتة
بس مثل هذا وقح و ويهه منجب ما عليه حسوف
لا يا ماما زعلي و دخلي اهلج بالموضوع شيحسبج ماعندج كرآمة ولآ ماعندج ظهر ؟؟؟؟
و اذا انتي الحين حامل اهو ماقدر هالشي ولا حطله حساب تبين انتي تحطين حساب لسمعته ؟؟
ضروري تدخلين احد بالموضوع 4 سنين مو شوووية @@