لو عرسج بعد 3 شهور .. وتبين تسوين عملية ***** شلووووووون!!

[mi corazon]

السلام عليكم بنوتات

خن ادش بالموضوع بدون ديباجة لأني معتفسه

بنات .. بليز بليز جاوبوني بصراحة ومابي تخمينات الله يخليكم حدي افكر

الحين لو انتي كنتي مسويه رجيم قاسي وجسمج ترهل وايد وبتعرسين جريب

شتسويييييييين؟

أكيد بنات بيقولون لي رياضة .. بقولكم ما ينفع لليلد المترهل حيل جربت حتن السباحه

وبنات راح يقولون لي سوي عملية .. اهني عاد الحجييييييييي

انزين الحين آنا ابي اسوي عملية تكبير الصدر لأن صدري انتكس كله يطالع تحت .. والأرداف بعد

البنات قالوا لي ان تكبير الصدر لازم تلبسين كورسيه " مشد" 6 شهور .. انزين بنات ماينفع عروس توها وتلبس كورسيه 24 ساعة :$ ما يصييييييييييييييييير

الأرداف يمشي حالها .. بس الصدر .. شلون 6 شهور؟ بلشه بلشه .. شنو الحل؟

ابي راي اللي توافق على العمليات لا تقولون لي خلطات .. بس مليت من التجارب .. ابي حل للعملية شلون خلال 3 شهور او اربع تمشي السلفه !!!

ومشكورين بنوتات

 

[shaikhat elbnat]

المتينه وايد و الي ترهل جسمها هذي يبيلها عمليه شد .. قص و لصق
مو مال رياضه و خلطات لا اتضيعين وقتج
روحي للطبيب و قوليله انج عروس .. و شوفي شقولج
ما يصير تسكتين على روحج مو حلوه الريال يشوفج مترهله و موفقه

 

[cuteya1986]

روحي عياده عادل قطينه مدري شسمه انا سامعه انه شااااااطرر
والله يهنيج ويسعدج

 

[mi corazon]

شيوخة البنات حياتي مو آنا فكرت بالشد للجسم كامل بس هم فكرت فيها راح يشوفني الريل مقصصه وجسمي مخطط غرز هم مو حلوه

آنا يمكن اسوي حقن دهون بالارداف " يعتمد على راي الدكتور" وسيليكون الصدر

مادري بجم يسويها عبد الناصر " لو عندكم دكتور أفضل ترشحونة بكل أمانه بذمتكم تراني عرووووووس بعدني مادخلت :| "

اهني المشكله اني ماقدر اسوي شد افخاذ وزنود لان أثرها يبين وماقدر البس نفنوف الملجه راح تبين الغرز

وهم الأفخاذ راح يخترع .. يامعودين يقب الريل زين حصلناه :|"""""

شرايكم بنات .. منو عندها اقتراح مناسب الله يوفقها دنيا وآخره ويحقق لها اللي في بالها

 

[mi corazon]

كيوتيه 86

حبيبتي فكرت في عادل قطينه بس خرعوني يقولون شغله صار خربوطي ومرت اخوي راحتله تقول مادي درجه اولىىىىىىىىىىى

 

[~ غـــيـــر البِشـــر }}]

سالي الدكتور احسن

 

[اميره بكلمتي]

شوفي روحي عند خالد العنزي شيقوولج اهو ادرى بهالحالات

 

[جالاكسي82]

رد : لو عرسج بعد 3 شهور .. وتبين تسوين عملية ***** شلووووووون!!

انا راي من راي البنات سالي دكتور بس ما اتوقع تكفي 3شهور انا سويت شفط حق زنودي بصراحه بين وباي من اول يوم والغرز ماتبين كلش صغيره بس المشكله الكرسيه ماتقطينه الي بعد شهرين ونص وانتي بعدين تبين شد يعني قص شيلي الفكره من راسج:lkmnkl:

 

[mi corazon]

جلكسي حبيبتي صدري وايد مترهل تخيلي اشوف عضام القفص الصدري مكانه واهوا نازل تحت تحت تحت

مساع قاعده اقرا تعليمات بعد العملية .. مكتوب فيها بما معناته ممكن ممارسة الرياضة " والحياة الزوجيه- سوري" بعد العملية ب3 أسابيع !!!

شلون جذي صج؟.. انزين والمشد ينلبس طول الوقت ولا عادي لو وقت الحفلة قليته عني ولبست ستيان عادي ؟؟

 

[LuLiTa]

حبوبة اذا عندج ميزانية روحي لبنان ,,, بس في الكويت جربي نيشو ,,,

 

[shaikhat elbnat]

شيوخة البنات حياتي مو آنا فكرت بالشد للجسم كامل بس هم فكرت فيها راح يشوفني الريل مقصصه وجسمي مخطط غرز هم مو حلوه

آنا يمكن اسوي حقن دهون بالارداف " يعتمد على راي الدكتور" وسيليكون الصدر

مادري بجم يسويها عبد الناصر " لو عندكم دكتور أفضل ترشحونة بكل أمانه بذمتكم تراني عرووووووس بعدني مادخلت :| "

اهني المشكله اني ماقدر اسوي شد افخاذ وزنود لان أثرها يبين وماقدر البس نفنوف الملجه راح تبين الغرز

وهم الأفخاذ راح يخترع .. يامعودين يقب الريل زين حصلناه :|"""""

شرايكم بنات .. منو عندها اقتراح مناسب الله يوفقها دنيا وآخره ويحقق لها اللي في بالها

حبيبتي لا اتشتتين أفكارج هني
من باجر راجعي الدكتور .. و قوليله عرسي بعد 3 شهور .. ينفع ؟ اذا قالج اي كان بها
و اذا قالج ما يمدي فأنا من رايي اتأجلين العرس
لانه بصراحه مو حلوه يشوفج مترهله
و انشالله ماكو الا العافيه حبيبتي و موفقه

 

[mi corazon]

شيخة البنات

اي والله افكراي كانت مشتته بس الحمد لله البنات وانتوا ساعدتوني يزاكم الله خير

بروح اشوف الدكتور بس اهوا مسافر الحين

وبنفس الوقت بشوف دكتورة شيرين ابو الفتوح امدحولي اياها

مشكوره حبيبتي

 

[عسووووولة]

رد : لو عرسج بعد 3 شهور .. وتبين تسوين عملية ***** شلووووووون!!

اب اب اب

 

[mi corazon]

مشكوره عسولة :***

 

[eng.asawii]

رد : لو عرسج بعد 3 شهور .. وتبين تسوين عملية ***** شلووووووون!!

السلام عليكم
وانا بعد من رايي سالي الدكتور و توكلي على الله
والله يسهل ويوفقج ان شالله

 

[mi corazon]

يسلمو مهندستنا :**

حجوت موعد باجر بإذن الله عند شيرين ابو الفتوح والله يسهل

 

[shaikhat elbnat]

الله يسهل عليج انشالله
قوليلنا باجر شيصير معاج :sfg:

 

[Kuwaitigirl1973]

الله يوفقج في حياتج حبيبتي
آنا نزلت من ١١٩ إلى ٦٨ والحين جهزت بعد العيد شد جسم كامل مع دكتوري اللي سوى لي السمنة دكتور الصانع في رويال حياة شفت شغله مع جم مريضة عجبني حيل بس حتى لو ما تبين تسوين عنده على الأقل يعلمج شنو اللي يصلح لج
آنا طلعت من المعد راسي يفتر من حلاة البات بعد العمليات وصراحة ما عرف عن حالتج لأن الصور كانت عن العمليات بس يمكن في حالتج تستفيدين من رفع الثدي بس بدون جروح رفع
روحي شوفي
بس كلمي منسقته سحر واستفسري منها

 

[mi corazon]

حبيبتي شلون رفع الصدر بدون جروح؟

عمليه ولا حقن ولا شلون بالضبط؟ ممكن توضحين؟