- إنضم
- 13 مايو 2008
- المشاركات
- 1,333
- مستوى التفاعل
- 0
- النقاط
- 0
صباحكم اجمل واروع من كل الصباحات بإذن الله
خواتي الغاليات ... قريت هالحديث للرسول عليه الصلاة والسلام ووقفت عنده كثيييييييير
اكيد بيننا اللي تقول .. اشمعنى فلانه تزوجت وانا ماتزوجت مع اني احسن منها واجمل واخلاقي احسن من اخلاقي..
واللي تقول ليش انا تطلقت مع اني طيبه وخلوقه وفلانه قليلة ادب وماتحترم احد وزوجها مو مقصر عليها
واللي تقول ليش فلانه توظفت بسرعه ومع ان شهادتي اعلا منها .... ؟
واللي تقول ليش النصايب تتحذف علي وانا اطيع امي وابوي وباره فيهم ... وغيري عاقين والدنيا تركض لهم
اسمعي معاي هالحديث اللي غير كثيييييييير من نفسيتي ولله الحمد ... بفضل الله
قال رسول الله صلى الله عليه وسلم :
(لو كانت الدنيا تعدل عند الله جناح بعوضة ما سقى كافرا منها شربة ماء )
يعني الدنيا بكبرها بمغرياتها وانعامها وقصورها ماتسوا عند الله شي .. بدليل انه خلا الكفار يتنعمون فيها وعطاهم احسن الجو .. والعافية والاولاد ... والاموال
يعني :
الكافر عدو الله والعدو ماياخذ من المعطي الا الشي اللي ماله اي قيمه عند المعطي ...
نرجع لموضوعنا :
ليش نزعل ونتضايق لما نشوف غيرنا عندهم واحنا ماعندنا ... زوج زوجه اولاد اموال ....
هذي اشياء اساسا ماتسوا عند الله شي .... اللي يسوا عند الله .... القلب ... اذا كان خالي من الحسد والحقد والتكبر .... اذا كان مؤمن وراضي وصابر على البلاء ...
يوم القيامه الناس لما تشوف جزاء الصابرين على البلاء يتمنون لو انهم بالدنيا "قد قرّضوا بالمقاريض" سبحان الله
اللي عندهم مو شرط الله يحبهم ... ومو شرط انهم عاصين او مذنبين ... هذي ارزاق .. وكثير نشوف المتدينيين منهم الفقراء ومنهم الاغنياء والتجار ....
الله ما يظلم يا بنات ... يمكن ماعطاج عيال بس عطاج زوج يحبج ... يمكن ماعطاج صحه .. بس عطاج عيال يشيلونج ... يمكن ما عطاج زوج ... بس عطاج عافية وصحه وجمال وسمعه طيبه ....
كل واحد بهالدنيا الله عطاه حقه .. بالشكل الكااااافي ... بس للي يشوفه مناسب له .. لانه هو الاعلم بمصلحتنا بالدنيا والاخره ..
اسفه طولت عليكم ... بس حبيتكم تشاركون هالكلمتين ...
لكم كل التقدير خواتي
ام هزاع
