حبيبتي نيويورك بالذات هذا الوقت يصير عندهم عواصف ثلجيه
سوي سيرج على الطقس عندهم راح تلاقينه ابرد شي هالوقت
واذا يعني مو قادره تنطرين اشتري لبنتج اثقل ملابس منهم وكوتات وتوكلي على الله
الله الحافظ بعد شتسوين
صرفت النظر عقب ما سمعت عواصف ثلجية ما تسوى .. مشكورة
والله انا من رايي بما ان بخاطرج سفره ومو لاقيه احد يمسك الياهل
اخذيها معاج حطيها بعربانه وافرول كامل ثقيل وكبوس ودفيها عدل واخذي العربانه اللي تتغطى بنايلون حق المطر قطيها ببطانيه صغيره
وهم اخذي حمالة الياهل مره انتي ومرا ريلج يشيلها ولا تحطين شي بخاطرج واخذي احتياطج من ادول وخافض حراره
يعني اللي عايشين هناك مايطلعون عيالهم
ووالله اخذيها نصيحه لاتوسوسين على اليهال خليه يتعود على كل جو
والله الحافظ
وياااااااااااارب يخليها لج وتستانسين يااااااااااااااااااااااااااااااااااااااااااااااااااارب
والله حدي ودي بس المشكلة بنتي عسرة و ما تتأقلم بسهولة مع كل الاجواء . اذا ليلحين تستعسر من اهلي ما تتقبلهم مادري شسوي
الاحسن تخلينها عند اهلج
لانج راح تبتلشين ب تبديلها و رضاعتها و نومتها
و اذا تبينها معاج اجلي السفر لين تكبر و تتعدل نومتها
ياريت بايدي انا اذا طلعت مشوار صغير امي دقت علي مليون مرة تقولي تعالي اخذي بنتج بتموت من البجي .. تخيلي لو شنو اوديها عند اهلي مو راضية تتعود عليهم وبس تحن لين نرد البيت
اللة يعينج وضعج صعب...
6 شهور صغيرة على السفر وبعد نيويورك وعواصف ثلجية...؟
دام بخاطرج السفرة وماتقدرين تاجلين اخذيها شتسوين بعد ومثل ماقالو الخوات اخذي احتياطاتج ودفيها دبل الدبل وتوكلي على اللة..
اتوقع تكون تجربة حلوة<<<<< دايم متفائلة
والاهم بترتاحين ماتحاتين بنتج
مادري والله وايد افكر اخاف تأذيني بالطيارة والحين غيرت رايي ابي اروح اوروبا بس هم الجو بارد
حبيبتي الله يكتبلج الي فيه الخيره ان شالله
مشكورة
ليش ماتشوفين طريقه تخلينها عند اهلج !! يعني اتوقع حتى لو خذتيها معاج ماراح تستانسين بالسفر يدوب تعابلين فيها وتحاتينها
ادري بس بنتي وايد عسرة لي طلعت مشوار بو ساعة يدقون علي مليون مرة تعالي اخذيها .. محد يتحمل يحطها عنده وامي واختي اشكرة قالوها لي
انا الحين بأمريكا لو تشوفين شعبهم عادي عندهم يطلعون بيبياتهم
يمكن توه مولود ماخذينه ويطلعونه تخيلي انا اطالع البيبي وأحاتي شكوو مادري
توكلي على الله ولاتردين شي بخاطرج ودفي بنتج واستانسي وخصوصا توج والده
يعني النفسيه اكس ومحتاجه للسفره
بس لا تروحين امريكا لأنها بعيده وبتعبج بطياره روحي اوروبا
وقبل لا تسافرين روحي الطبيب خل يعطيج مسكن للبيبي للأذون حق ضغط الطياره
انا بنتي عمرها ست شهور وسوتلي مناحه بالطيارة والسبه أذونها من الضغط
تصدقين والله ان كنت اشوفهم هناك معاهم ياهل شكله بالاربعين و تشوفينه هاااادي انا لي ييت بقلدهم و طلعت بنتي قلبتها مناحة و صرااااخ تخلينا نهون عن الطلعة و على طاري اوروبا انا فعلا غيرت رايي و قلت بروح ايطاليا بس هم يقولون وايد باردة ثلج .. و سؤال مسكن الاذون يفرق عن المسكن العادي اللي اهوا الادول؟ اذا اي يا ريت تعطينا اسمه بليز
اخذيها معاج
او
اجلي سفرتج لي الصيف تكون بنتج كبرت و تعدل نومها و اكلها و ماراح تتعبج بالسفر بالعكس حده وناسه و تقدرين تسافرين النرويج و لا فنلندا و لا السويد و لا الدنمارك ترا وايد برد و ثلج بعد عندهم بالصيف
و قبل كل شي استخيري
مشكورة حبي
انا نفسج بعد كان ودي اسافر بعد الولاده على بو انه راحه واستجمام عقب التعب والولاده بس اكتشفت انه ما يسوى السفر
مع رضيع حده وهقه علما تلبسينه الا وصخ نظفتيه الا ياع وهاذي حالتج بتصير بالله متى يمديج تفرفرين بالسفر انا بالكويت
وهاذي حالتي اواهد عال 5 وتلقيني اطلع عال8 فعشان جذي مأجله سالفه السفر لين يمشي ولدي انشاءالله و يقدر ياكل لانه الحليب لويه
فانا من رايي دام خاطرج واايد بالسفره ودوامج ما يعطي اجازات بعد اخذي لج سفره بو اسبوع او 3 ايام وضناج معاج والله يسهلها عليج
ترا حتا الفندق يعتبر تغير جو
والله لما اقول حق ريلي جذي يقولي انت وايد تبالغين و تكبرين الامور .. مع ان اهوا يشوف شلون اسم الله عليها اتيننا لما نطلع تخلينا نحوس مثل الميانين و ما تسكت الا اذا ردينا البيت ..بس يقولي مردها بتتعود .. وانا الصراحة كل ما اتذكر اللويه اللي بتصير فيني اهون عن السفر مع اني محتاااااجة حدي
حبيبتي اذا انتي مدرسه نطري لي الصيف مره وحده اذا تشتغلين بوزاره وماعندج اجازه نصيييييييييييييحه من اخت شوفيلج اي احد يعني امج خالتج اذا عندها خدامه بعد وديها مع خدامتها اختج اذا ترضى تاخذها لان سفره الياهل اذييييييييييييييييييييييه ساليني بس ساليني انا حاليا بلندن وترا الجو شهر 12 ماااااااااااايطاااااق بررررررررررررررررررررررررررررررررررررررد احنا الكبار يالله نتحمل ولدي عمره 6 اشهر لي طلعناه كل شوي بامبرز حليب يبجي يبي ينام غير اذا دخلنا مجمع بس افتري دوري اصنصير عشان العربانه ياحلوكم وانتو خفاف 2 حتى لو تاكلون بالشارع ماكو مشكله نصيحه لاتااااااااااااااااااااااخذينها
ادري واللللله بس مو حاصلي محد يقدر على بنتي لانها حنانة و قالولي اياها اشكرة .. فمالي غير اني آخذها ولا اضايق احد
البنات ماقصروا
مشكورة
اذا ودج بجو حلو .. ومكان استرخاء ..
روحي المالديف =) ..
لا تخافين على بنيتج ولا تحاتين ..
وربي يسهل عليكم سفرتكم :*
خوش فكرة بس احسه مكان ريلاكس مايبيله بيبي
اسستخيري
وانا ماأيد السفر مع البيبي
مشكورة
