ليتها عيرتني بما هو عـار

[إيثــــار]

ماادري وايش احس فيه انا وعنوان هالموضوع






السلام عليكم ورحمة الله وبركاته

انا اتابعكم دايما من بعيد وحبيت منتداكم مره

بس اللي خلاني ادخل اليوم الضيقه والحيره اللي مسببتها وحده عزيزه عندي

ابغى الاقي تفسير منطقي لهالشي او توجيهات حكيمه كيف اقدر اتعامل معاها

ابغى ناس محايده تشوف هالوضع وتحكم :eh_s(4):

اول شي انا شكلي طبيعي والحمدلله واثقه من نفسي ولي طلتي الخاصه مافيني شي شاذ عن عايلتنا

عايلتنا فيها البنات من كل شكل فيه بيض وفيه سمر وفيه متينات وفيه نحيفات زي اي عائله :eh_s(22):

بس المشكله ان عندي بنت عمي لنا تقريبا اكثر من 7 سنين واحنا كلوز مع بعض هي اصغر مني بسنتين

قبل السبع سنين كان بين الاهل مشاكل وحنا كنا صغار بس بعدين تصافو الاهل ورجع كل شي تمام

المهم خلال السبع سنوات كنا مرا قراب ونمون على بعض طيعا هي وعايلتها وعائلتي



انا سمره وسماري عادي :eh_s(22):ما هو شاذ يعني ماني سوداء <<<ولو كنت سوداء هالشي مايعيبني ابدا:ch12:

يعني فيه اللي افتح مني وفيه اللي اغمق مني بالعايله

وجسمي الحمدلله طبيعه من ربي متناسق واحب اللبس ومااحقر نفسي ابدا والبس كل الالوان وانبسط

ولا عمر احد علق على شكلي او جسمي او سماري الا بكل خير :eh_s(22):

في فتره كذا بدات هالبنت تتمصخر على شكلي وكنت اخذها بمزح وضحك وخاصه ان المزح كان بيننا

لكنها تمادت لدرجه مو معقوله ابدا

صارت تعلق علي وعلى شكلي لدرجه تسوي صور وبرودكاست عني تخيلوااا

يعني تجيب صور تخرع لبنات وتقول هذه تشبهه ايثار

ترسلها بالواتس اب للقروب ولكل احد انا اعرفه

كنت مقدمه حسن النيه وكنت اقول تمزح بس صارت حتى اذا اتعرفنا على ناس جدد اول سيره تفتحها

شكلي وتقول بالله ايثار مو كانها ...................عبده جسمها مو كانها مومياء

مااخفيكم كيف كانت الناس تستغرب منها ,تحرجني وتحرج نفسها

على فكره تراها ماهي بيضه انا وهي يمكن اللي يفرق بيننا درجه :ch12:

وفيه بالعايله من هم اسمر مني وفيه افتح وفيه اوفر weight وفيه منهم انحف مني

ولا جابت سيرتهم ايش معنى انا

والله اني استحي اكتب هالشي احس اني سخيفه يعني العالم تتطور وانا قاعده اتكلم عن المظهر

والشكل بس وربي قهرتني يعني انا ماابغاها تمدح بس تكف سخافتها عني

انا بطلت اضحك على تعليقاتها السخيفه واكتفي بالسكوت والحمدلله بداو الناس ينقدونها يقولولها

ماوراكي غير ايثار

انا نفسي افسر تصرفها ليش تعاملني بهالشكل ؟؟؟

احسها تحبني وفيه مواقف بينت هالشي . وفيها طيبه وتساعدني باشياء ووقفت معي بظروف اثبتت فيها

انها انسانه بكل ماللكلمه من معني

بس ماني قادره اتحمل ماابغاها تاثر على شخصيتي صرت اتجنبها

ترى انا لساني طويل واقدر اعيب على شكلها زي ماتسوي بس احس بتفاهه واحس اني بتريق على

خلقة ربي

اللي خلاني اكتب هالشي اني مقاطعتها اسبوعين ابغاها تفكني شرها واليوم راسله صوره مسويتها

بالفوتوشوب للبنات وتقول هالبنت ايثار

الصراحه انا فيني غيره على كرامتي قويه يعني كنت بتهور وبخرب العلاقه واتعوذت من ابليس خاصه اللي بيننا صله رحم

ابغى توجيهاتكم قبل ماانفجر :eh_s(14):












ارتحت بعد الفضفضه ​

 

[غـرامـي أنـت]

اذا ماودك تخسرينها قوليلها بسراحه مزحج يضايقني

اوكي تغليج وتغلينها بس كل شي له حدود

وضحي لها هالشي .......

 

[نونو العصله]

قوليلها من عاب ابتلا

اذا مو عاجبها ليش مرافجتج

احقريها فتره
انا عن نفسي ما احب جذي
جاملتها في البداية
لازم احط لها حد
ماكو شغل تعلق علي

 

[Tom ♥ Jerry]

.



اهيه ما تسوي هالسوالف الا من الغيره الي فيها !
خلج واثقه من نفسج و لا تخلينها تأثر عليج بطريقه سلبيا
بالعكس خلي السوالف الي تسويها الحين تاثر عليج بطريقه ايجابيه
و تعطيج ثقه بنفسج و شكلج اكثر !

كل شي له حد و لو آول مره و ثاني مره تتغشمر جان نسكت ..
بس عاد مو على طول تسوي سوالف و نطوفها
انا اقول ريلي راسج و دام اهيه جذي نظامها غيره و مادري شنو
عطيها دليت بالبيبي آو بلوك بالواتس اب آحسن لج و الله !

و اذا صادفتيها و قالتلج ليش سويتي جذي قوليلها الصج
حشششى شنو هالسوالف :| سوالف يهال
خلج آكبر منها

 

[كويتية وافتخر3]

يمكن اتحبج بس تغار منج الله اعلم صاارحي وشوفي ردة فعلها

 

[نونو العصله]

مرت علي
اللي تتعمد تطلع عيوبج مع اني ما اعتبرها عيب
هذه غيره
تغار منج
تركيها
هذا مو صداقه كلش
ديري بالج منها
لانها ممكن تتحول الى حقد

 

[ســتارز]

الصديق الحقيقي يخش عيوب صديقه مو انه يبرزها ويخليها محط وفكاهة واحراج

اعتقد صديقتج سبب تغيرها يمكن غيرة يعني في ناس او اهلها دايما يمدحونج عندها

او يقارنون بينج وبينها

في شي مسبب لها هالقهر شي مكبوت وقاعدة اتطلعه بالطريقة هذي... ابحثي عنه

ياحلو الصداقة واحلاهم صداقة اللي من ايام الطفولة

 

[ابدا يالغالي مانساك]

حبيبتي داامج واثقه من نفسج
خلاص تركيهاا
وبينج وبينهاا قولي لهااا
عن نفسي معطي هالاشكال وجه اعطيهم طااف لان مايسوي هالحركات
من جدامج ومن ورااج اللي الغيره ذابحته

 

[جنون العاطفه]

واضح غيره الله يحفظج منها ي رب ​

 

[ليه الجفآ]

امرها غريب

بس الغيره واضحه واللي حركت غيرتها شي انتي ماتدرين عنه وغافله عنه ..

يمكن احد مادحج عندها ومتكرر هشي معاها .. او احد يسال عنج ..

او صايره مقارنه وصرتي افضل منها فيها

المهم صاير شي .. لان ماكانت جذي ..



اللي عليج مادام اهي قريبه لج .. وموزين تردين عليها وتنزلين نفسج لهذي السخافات

وبغنى عن الرد خلي الرد ببرودج من ناحيتها لاتعطينها اي اهتمام .. ولاتهتمين بكلامها

خلي غيرج اهو اللي ينقدها .. ويرد




الله يعينج على هنوعيه



..​

 

[ام الدرر]

البنات ماقصروا
والمثل يقول
((لحيتن تحشمها ولحيتن تحشم نفسك عنها ))
يعني في ناس تستاهل التقدير والاحترام وفي ناس تبتعدين عنها احتراما لنفسك وتقديرا لها
اذا انت مستعده تستغنين عن صداقتها طنشيها
وانسحبي من هالصداقة
اما اذا باقية عالعشرة وصلي لها اللي بقلبج عن طريق وحده من الصديقات او القروب تحسينها عاقلة وماتزود كلام
واشرحي لها الوضع
اما تتسنع او انج ممكن تعاملينها بالمثل والبادي اظلم
وقولي له سكوتي مو ضعف الا اني عقلي كبير وما احب ادش بتفاهات لكن اذا هي تمادت ومصخت السالفة
وعسى الله يهديها ويصلح حالها​

 

[دلوعة أبوهآ]

مهمآ يقولون عنك ..
خليكِ وآثقه من نفسك ومن شخصيتك وشكلك ..


وآللي يزعجك كلميه بصرآحه ولآ تخلي شي بقلبك ..

 

[روانتي 12]

سلام عليكم . .

اذا أرسلت لج مره ثانيه . . قولي لها مايعيب الا المعيوب . . ماله داعي هالحركات وياليت يكون عقلج اكبر من جذي . . و هذي خلقة ربي مو انا الي خلقت نفسي . . وانتي مو أٌقل مني . .

و أخر شي . . أكتبي . . أستغفر الله من كل ذنب عظيم . .

وصدقيني بتحس على عمرها و بتتوب مره ثانيه . . وخليج واثقه من نفسج ولا تهز شعره من رآسج . . موفقه حبوبه

 

[جيتك تعال]

حبيبتي ... اعذريني بالي بقووله لكن من خبرتي ممكن تكون صح وممكن خطااهالبنت فيها غيرة منج ... يمكن تحاول تخفيها بسخريتهاا ... او عندها احسااس بانك احسن منها
وداخلها رافض هالشي ... شوفي ايثار كثير في حياتناا اصدقاء يقدمون لنا المساعدة لدرجة تخلينا ما نفكر انهم ما يحبونااا ... لكن هم في الحقيقة شعورهم مو مثل شعورنا وقربهم منا مو لانهم يحبونا لاا لانهم دايم يبون يعرفون اوضاعناا .... طريقة تفكيرنااا وهكذااا نصيحتي لج استمري في مقاطعتها فترة ولو طلبت السبب قوليلها السبب عشاان لو كانت تحبج فعلا تبطل هالاسلووب ولو ما تركته عالاقل تتركينها انتي

حبيبتي ... في هالزمن احنا بحااجة لصديق انتيم نحس انه قريب مو عدو لئيم يغرز انيابه باحاسيسنا بحجة الصدااقة

 

[شافوك بحساسي]

واجهيها

 

[برنسيسة2007]

فيه ناس اذا مزحوا يخربونها
يمكن ماتقصد بس ماتعرف تمزح والله اعرف نوعيه صداقتهم حلوه بس مزحهم ثقيل ويحبون يطلعون عند الناس ان دمي خفيف والمشكله انها تختار اللي يحبونها وتعلق عليهم لييييش لانها عارفه انهم يحبون وماراح يعصبون
لذلك انتي ازعلي بقوه واسحبي سيفون
واذا قالتلج شي
قولي
لاترمى الا الشجره المثمره
ولايهاجم الا النجم

 

[أعشقه]

شوفي انا عندي خويتي صوتها كانها بنت صغيره وهي ترى اكبر مني بسنه
المهم اانا لا شعوريا اقلد صوتها واحيانا يكون في حد من صديقاتنا يمنا واحيانا اقلد صوتها وقدام خواتي وتكون هي موجوده ويضحون ونضحك وهي تضحك واحيانا تسكت وتناظرني وارجع اقول لها والله اني امزح او بدون قصد
هي تتقبل بس اكيد انها مابتتقبل دايم وبعدين اكتشفت ان حتى اهلها يقلدون صوتها وماسكين عليها مصخره
وهي ساكته ماتقدر تدافع عن نفسهااا ..
بس والشاهد ربي اني احبها حب مهوب طبيعي بس والله لو قلدتها مو نقص في حقهاا او مكانتها
احيانا يصير فجئه ومو قاصده بس ارجع واتعذر منها وهي صارت تعرفني وتتقبل
انتي اذا مو مرتاحه كلميها وماتوقع فيها شي لو وضحتي لها الي مضايقك احسن ماتحملين في قلبك عليهاا
مافي احسن من المصارحه
الله لا يغير عليك ويسهل امورك

 

[لحظآتَ]

ياحلوج وربي اسلوبج حييييييل ضحكني هههههههههههههههه

اسمحيلي وربي مو قاعده اتمسخر عليج حشا لله .. بس حسيتج حبوبه ... و عجبتني طريقة كتابتج للسالفه

اسمعي بقولج شغله ,

هالنوعيه ماره علي شكككككككككككثثثثر بشكل ما تتصورينه

لا ومن اقرب الناس لي بعد !

وما اشك ولا مقدار 1 % بمحبتهم لي و معزتهم

لكن المرأه طبيعه فيها الغيره , والالتفات لتوافـه الأمور ... :/ !

اللي بوصلـه لج .. إنها 1000000% غيرانه

ما كو اي مُبرر ثاني للي قاعده هي تسويه !!

دائماً الشخص لـ غار من شخص آخر , يتبع نفس اسلوبها بالضبط !!

فـ انتِ مفروض تكلمينها بشكل جدّي ,

يافلانه , عسى ماشر ؟ ترى انا واثقه من نفسي الحمدلله بس جد يعني احس شكلنا صار مهزله ما عندج سالفه غيري ؟

ترى العالم بتنقد علينا كبري عليج وبطلي الاستهزاء والمسخره , الحمدلله انا جميله ومايهمني رايج ,

وترى اقدر احط عقلي بعقلج , وأسوي نفس سواتج , لكنّي مكبره عقلي احتراماً لنفسي واحتراماً لج

فـ أتمنى من كل قلبي , نفتح صفحه جديده وتبطلين هالاسلوب الاستهزائي الوقح !!


ارسلي لها نفس هالكلام وخليها تقراه .. وان شاء الله تتغير للأحسن يارب

,

 

[إيثــــار]

اخيرا نزل الموضوع

يإني كنت معصبه امس بس الحمدلله على كل حال

طبعا مارديت عليها ولا كلمتها ماادري مستحيه اكلمها احس اني تافهه

اقولها ليش تعيبي علي <<احس اني بالابتدائي

انا بنسحب فتره لاني صايره اكره اجتمع معاها , تركيزها علي يضايقني وخاصه اني ماني لاقيه مبرر لتصرفها

حتى لو كان غيره

مااقدر اقطع صلتي فيها او ارد عليها رد جارح لانها بنت عمي واخواتها مع اخواتي وامهاتنا بعد

واخاف اصارحها واطلع الاولي والتالي

انا بستمر على استراتيجية المقاطعه واذا شفتها تكلمت بشكلي مره ثانيه بصارحها ووقفها عند حدها

انا كنت ناويه هالشي من زمان بس ترددت وقلت يمكن وساوس شيطان لكن بعد ردودكم حسيت الاسلم

اني احط حد علشان مااتاثر

قرديت ردودكم رد رد الله يسعدكم دعواتك تنتهي المشكله بدون خساير

يعطيكم العافيه جميعا :eh_s(7):

 

[" ام حمود "]

انا مع البنات ...
مدام واثقه من نفسج خلاص عطيها طااف ماعليج منهاا ،
والبنت اللي تعيب ع فلان وعلان ، تأكدي انها فيها عيوب عشان جذي
قولي لها اذا قطت عليج كلام او سوت لج شيء بس حطيها ع غشمره
جذي " اي تقولين جذي لي لانج تغارين حييل "
والله شوفي ردة فعلها احسها راح تضحك من احراج واحرجيها جدام الكل قولي هالكلام ..
وبعدين شغله ثانيه كبري خطج قمت أللبس نظاره هههههههههههههههههههه