ليزر عين بعمر شهر ونص :(

[أحلى^حياه]

سلام عليكم

بنات انا ولدت باول السابع
وبنتي ليلحين بالشيشه صارلها شهر ونص
واليوم قالو بيسوون لها ليزر بعينها وقال الدكتور احتمال تلبس نظارة بعمر 5 سنين

فيه احد نفسي ؟؟ طمنوني حدي خايفه

 

[*ماي الورد*]

رد : ليزر عين بعمر شهر ونص

شوفي الخاص

 

[أم@الحلوين]

أول مره اسمع ان عملية ليزر حق عمر شهر ونص!!
اصلاً الليزر لازم العمر يكون 18 وفوق
اي مستشفى هذاا ؟

 

[ZajiL]

هلا وغلا اختي
وحمدالله على السلامه ومبروك ماياج

بالنسبه للاطفال الخدج الي منولدين قبل الاسبوع 32 مرات تكون الشبكيه مومكتمله عندهم
واذا ماكتملت ممكن يصير في انفصال بالشبكيه وتسبب انه ممكن الطفل مايشوف او تسببله مشاكل
بالابصار من جذي الخدج بعد الولاده لازم تنفحص عينه عشان يشوفون الشبكيه اكتملت ولا لا ويصار وتبينه
انه ممكن تنفصل على طول يدخلون البيبي عمليات ويسوله ليز على العين عشان يحافظون على الشبكيه
وبالعكس هذا شي وايد زين لانه مرات في اطباء يغفلون عن هالشغله الاساسيه
ولاتحاتين اهي عمليه حيل بيسطه ومتعودين عليها بالمستشفيات
وسلامتها وان شاء الله تطلع بالسلامه

 

[ZajiL]

أول مره اسمع ان عملية ليزر حق عمر شهر ونص!!
اصلاً الليزر لازم العمر يكون 18 وفوق
اي مستشفى هذاا ؟

صحيح كلامج ليز تصحيح النظر 18 وفوق بس فيه وايد عمليات ليزر للعين
واهمها الليز الي يسونه للاطفال الخدج بعد الولاده للشبكيه
عشان ماتنفصل وتسبب مشاكل ابصار للطفل

والعمليه تتسوى بمستشفى البحر والصباح

يتحول الطفل من طبيب الاطفال الى طبيب العيونوتنفحص عينه وبعدها طبيب العيون
يحدد مقدار اكتمال الشبكيه واذا تحتاج عمليه ولا لا :eh_s(7):

 

[كتكوته22]

ان شالله مافيها الا العافيه

 

[caraml macciato]

رد : ليزر عين بعمر شهر ونص

ايه عادي لا تخافين ...انا يوم كان ولدي بالحضانة كانو بيسووله ليزر عشان كان عنده تليف بالشبكية....الله يعينا ويصبر قلبنا على هاليهال ...يكسرون الخاطر

 

[عسل فى العسل]

الله يشافيها انشاءالله ويخليها لج

 

[أحلى^حياه]

أول مره اسمع ان عملية ليزر حق عمر شهر ونص!!
اصلاً الليزر لازم العمر يكون 18 وفوق
اي مستشفى هذاا ؟

هلا اختي مو ليزر تصحيح نظر لا نفس ماشرحت زاجل

هلا وغلا اختي
وحمدالله على السلامه ومبروك ماياج

بالنسبه للاطفال الخدج الي منولدين قبل الاسبوع 32 مرات تكون الشبكيه مومكتمله عندهم
واذا ماكتملت ممكن يصير في انفصال بالشبكيه وتسبب انه ممكن الطفل مايشوف او تسببله مشاكل
بالابصار من جذي الخدج بعد الولاده لازم تنفحص عينه عشان يشوفون الشبكيه اكتملت ولا لا ويصار وتبينه
انه ممكن تنفصل على طول يدخلون البيبي عمليات ويسوله ليز على العين عشان يحافظون على الشبكيه
وبالعكس هذا شي وايد زين لانه مرات في اطباء يغفلون عن هالشغله الاساسيه
ولاتحاتين اهي عمليه حيل بيسطه ومتعودين عليها بالمستشفيات
وسلامتها وان شاء الله تطلع بالسلامه

بعد عمري تسلمين
يعطيج العافية على هالشرح حتى الدكتور ماشرحلي نفسج
جزاج الله خير ريحتوني

ان شالله مافيها الا العافيه

الله يعافيج تسلمين

ايه عادي لا تخافين ...انا يوم كان ولدي بالحضانة كانو بيسووله ليزر عشان كان عنده تليف بالشبكية....الله يعينا ويصبر قلبنا على هاليهال ...يكسرون الخاطر

اي والله اليهال الخدج وايد يتعبون مساكين الله يعينهم

الله يشافيها انشاءالله ويخليها لج

الله يسلمج مشكوورة

 

[مناوووي]

ماتشووووووووووووووف شر

 

[الأميرة جوري]

رد : ليزر عين بعمر شهر ونص

زين ليش ليزر لعينها صغيره !!! الله يشافيها ويخليها لج

 

[إستبرق]

ربي يشافيها ويعافيها ويطمن قلبكم

 

[Coffee-Girl]

عادي حبيبتي ولد بنت عمي سوله والحين عمره ثلاث سنوات ومافيه الا العافيه الله يخليه لمه

ويخليلج بنتج ياقلبي

 

[أحلى^حياه]

ماتشووووووووووووووف شر

بعد عمري مناوي الشر ما اييج

زين ليش ليزر لعينها صغيره !!! الله يشافيها ويخليها لج

لانه النمو ناقص ,, تسلمين حبيبتي

ربي يشافيها ويعافيها ويطمن قلبكم

امين يارب تسلمين

عادي حبيبتي ولد بنت عمي سوله والحين عمره ثلاث سنوات ومافيه الا العافيه الله يخليه لمه

ويخليلج بنتج ياقلبي

الله يطمن قلبج مشكووورة

 

[الأمل الباسم]

ربي يطمن قلبج على بنيتج ان شاء الله ..

دايما اللي ينولدون بالسابع يجيكون عليهم على كل شي عيون اذون طول وهالسوالف

انا حماتي عندها توأم الله يحفظهم والدتهم بالسابع دايما توديهم تقول لانهم مولودين بالسابع

 

[ZajiL]

بعد عمري تسلمين
يعطيج العافية على هالشرح حتى الدكتور ماشرحلي نفسج
جزاج الله خير ريحتوني

بعد قلبي ماتشوفين شر ان شاء الله وربي يقومها لج بالسلامه ويردها لحظنج
باتم صحه وعافيه

وانا عندي ياهلييين خدج :ssssso: من جذي صرت خبره بامور الخدج
عسى ربي يتمم على كل حامل ولاتضوق معانات الخدج يارب

 

[KOKO_284I]

رد : ليزر عين بعمر شهر ونص

حبوبه انشالله البنات يفيدونج

ويطمن قلبج على بنتج وطمنينا عالعروس

 

[أحلى^حياه]

مشكووورين حبيباتي

 

[بحر الذكريات]

الله يشفيها ويقومها بالسلامه يارب