ليزر للعيون للاطفال الرضع !!

[bambena]

بنات عندي استفسار

بنتي خدج والحين عمرها شهر ونص

طبعا عندنا مراجعات كل اسبوعين بالبحر واخر مراجعه قال الطبيب ان عندها تليف بالعين واذا ما تعدل راح يسويلها ليزر !!!

انا وايد خايفه

هل هالشي عادي؟

هل ممكن يتاثر نظرها !!

ومنو دكتور زين للعيون للاطفال ؟ العجمي ولا منو ؟ ودي اخذ راي ثاني

 

[شوق والدمعه]

اببببببببببببببب اببببببببببببببببب

انزين روحي حق مستشفي خاص اذا قالو نفس الكلام خلاص سويه بالبحرررر

 

[bambena]

بروح اشوف العجمي شيقول

بس بعرف اذا هالشي عادي ولا شنو معناته !!

 

[غلاي غير]

الله يشافيها ويخليها لج سالمه يارب

انصحج نصيحه لا تسوينها بالبحر خليها مجرد مراجعات الروتينيه للخدج

روحي لدكتور سامي الربيعه ومعروف تبارك الرحمن عليه واستشيريه والله يكتبلكم اللي فيه الخير

 

[bambena]

مشكورين بنات

الحمدلله علئ كل حال

 

[alhnan]

نصيحه روحي لاكثر من دكتور مجرد استشاره شوفي شنو يقولون هل نفس الكلام او تناقض
اذا نفس الكلام سويها عند اي دكتور المهم عارف تشخيص الحاله
وترا البحر هم فيه دكاتره العيادات الخاصه

 

[bambena]

شكرا لج

 

[*ماي الورد*]

خلج عالبحر عمليات الليزر للخدج عندهم من العمليات الروتينية و عندهم خبرة فيها
و اذا قالج عملية الدكتور عملية سويها علشان لا تتلف الشبكية لا سمح الله

 

[bambena]

بس اللي بعرفه هالشي عادي ؟

احد مر بهالتجربه ؟؟

هل معناته عيونها بتتاثر !!!

 

[@ام يوسف@]

الله يشافيها يارب

 

[*ماي الورد*]

هالنوع من العمليات وايد مالوفة عند الخدج خاصة اللي مولودين بالسادس و اول السابع وايد اسمع يسوونها و المصابين بالسكر
اهيا تحفظ الشبكية من انها تتحرك من مكانها و تسكر الشرايين المفتوحة
*فيه حالات تحتاج نظارة بالمستقبل

 

[::مسك::]

الدكتور عبد المطلب بهبهاني تخصص عيون اطفال

 

[bambena]

شكرا للكل ماقصرتوا

 

[الأمل الأبيض]

عادي حبيبيتي
في جهال تحتاج من الشيشة لان تكون حالتها قوية
بس مستشفي البحر عمليتهم زينه و ماتحتاج وحتي بالشيشة يستعينونه فيهم عشان يسونها للخدج
وماكو الا العافية و ان شاءالله سهالات
بس مثل ما قالت وحدة من الخوات يمكن تحتاج نظارة ويمكن لا

 

[bambena]

شكرا الامل

ان شاءالله خير

 

[موجة ~ بحر]

مادري والله الله يشافيها

 

[أم راشد المطيري]

انا اقول خليج على البحر احسلج

عشان لا سمح الله عشان لا صار ما صار تقدرين تأخذين حقج منهم

وان شاءالله ما فيها الا العافية

والله يفرحج فيها ياارب

 

[bambena]

شكرا لكم

 

[رحيل المرافيء]

شصار على بنتج؟؟؟
انا اقول استشيري اكثر من دكتور وفي دكاترة متخصصين بعيون الاطفال