ليزر للعيون

[حنانك سر حبي]

بنات منو سوت ليزر لعيونها وعند اي دكتور؟ وجم كان نظرها قبل ماتسوي الليزر وهل فادها ولا رد نظرها من يديد

للعلم ان الليزك غير عن الليزر

الليزك : قطع جزء من القرنية واليوم الثاني تقدرين تردين لحياتج العادية
الليزر : مافيها قطع بس تاخذ وقت شوي عشان يصير النظر تمام

يالله علمونا بنات

 

[حنانك سر حبي]

ومنو سوت بعد زراعة عدسات وعند منو

ساعدونا بنات

 

[<miss botamba>]

انا سويت Epi Lasik

Clearvision Epi-LASIK Video - YouTube

وكان فيني قصر وانحراف

والحين صارلي مسويه العمليه سنه و اربع شهور تقريبا


والنظر الحمدالله تمام


وسويتها عند الدكتور محمد وجيه الديب كان في دار الشفا بس طلع من عندهم راح السلام او المواساه مو ذاكره



والنظر خذا تقريبا شهرين علشان يستقر عدل


من اول اسبوع عادي تشوفين


بس اقصد الاضواء بليل و ضوء هالشمس وهالسوالف

 

[Dwesho]

عياده :سلطان المطيري
بـ خيطان
من دون كلام
شكثر سواا عمليه ليزر واخرتها مايشوفون عدل
مثال عند سامي بوربيعه سوا لخالاتي وللاسف في وحده منهم ماتشوف عدل عدل رغمن كان نظرها فيه نقص بسيط
هذا اللي يمدحونه الناس ع شنو مادري
بس خلاص ماقام يسوي ليش الله اعلم
اما الدكتور هذا سلطان واايد زين وتحسينه شخص واثق والصراحه يخرع يعني ياكلج
احسسن عشان تلتزمين بموعد القطره لان جي اذا مالتزمتي كانج تخربين عمليتج
وايد وايد وايد حلو
اختي سوتها قبل العيد بسبوعين وكاهي جنها البخت
لانها كانت وايده معتازه العمليه فيه نقص نظر شديد وكمان انحراف
ان شاءالله بسويه حق بنتي بس خل تكمل ال 18 واوديها له
بالتوفيق حبوبه

 

[حنانك سر حبي]

مشكورين عالرد
بنات غيرت رايي عن سامي خفت من كلامكم

قررت اسويها ان شاءالله عند دكتور حسين العباد ادعولي اتم على خير

 

[مـرايـم]

الله يطمن قلبج وو يتمم لج على خير إن شاءالله
لاتنسين بشرينا عنج بعد العملية
وانا بإذن الله بسويها

 

[حنانك سر حبي]

وين بتسوينها