السلام عليكم ورحمة الله وبركاتة..
شلووونكم...من زمان ما دخلت المنتدى...وحشتوني...
في فترة غيابي كنت مشغولة في بعض الكتب اللي كنت سامعة عنهم من دورة دخلتها.. وقريتهم .. بس عشان تعرفون ذوقي..انا اعتقد ان اهم الكتب اللي لازم كل وحدة فينا تقراها
( كتاب السر - الرجال من المريخ والنساء من الزهرة - كتاب لغة الجسد ) >>في مجال علم النفس طبعا.....
والموضوع اليوم جاذب لكل وحدة تحب علم النفس وهالسوالف..
الكتاب اللي راح اتكلم عنه اليوم... ( لغة الجسد )
بهالكتاب راح تحسين ان كل اللي في هالكتاب تعرفينه من زمان وكنتي تحسين فيه..بس ما انتبهتي عليه..وكنت على اساسة تحكمين على الناس..
بس بعد ما تقرينة..راح تعرفين اللي جدامج شنو قاعد يدور في باله..وبصراحة انا اعتبره سر ماودي الناس كلها تعرفه..لاني احس بذكائي وانا اعرف ان هالشخص قاعد يفكر في تفكير سلبي...ولا ماوده يتكلم اوانتهت فكرته عند هالحد..والا هالشخص متقبلني ولا كارهني >>>لووول...:eh_s(1):
**وملاحظة حلوة..حق اللي عندهم مشكلة في الكتب المتينة..ان هالكتاب مو مصمم على انج تقرين الكتاب من اول صفحة للأخيرة..بالعكس..مصمم على انه مجلة تقدرين تقرين الفهرس وتختارين الشي اللي تبينه وتقرينة.. وفي اخير الكتاب تلقين اختبارات تكتشفين فيها قدراتج..
واهم شي ان نظرتج للعالم بتتغير وتصيرين تتحكمين في لغه جسمج..وتراقبين لغة اجساد الناس..
وتحسين نفسج وااااااااااااااااااااااااااااااااو
_03BA:وتلقينه في "Virgin Megastore"
حبيت اخلي موضوعي متكامل ولقيت هالتلخيص الشفاف للكتاب..
"هل راقب أحدكم نفسه يوماً ليعرف كيف يعبر جسده أثناء التواصل مع الآخرين؟ فكلٌ يجلس بطريقة،
وكلٌ له ابتسامة مختلفة، البعض يعبر بنظراته والبعض الآخر بيديه، لتتحول كل إشارة إلى رسالة
مبطنة. فتحمل كل حركة معانٍ تكون أعمق من الكلام أحياناً، يتلقاها الآخر لا شعورياً فيبادر ويحكم
ويكتشف شخصيات من حوله، بناءً على إحساس داخلي لا يعرف في غالب الأحيان تحديده أو شرحه أو
معرفة مصدره إلا أنه حدس يصدق. أما السبب، فهو أننا نولد مع مقدرة فطرية لقراءة لغة الجسد، إلا
أن اعتمادنا على الكلام يمنعنا من تنميتها فيصبح التركيز على الحديث هو الأولوية بالنسبة إلينا. إلا أن
لغة الجسد عالم يستحق أن نسعى لاسترجاع مقدرتنا على فك رموزه ..
التعديل الأخير:
