ليش ابي سبب مقنع...؟؟؟ هل هناك من يحاورني بجديه....؟؟؟

[دموووع حراااقه]

السلام عليكم والرحمه ........
اتمنى انكم تردون على موضوعي او بالأحرى سؤالي بجديه تامه ......
لماذا اخطاء الشباب طيش !!! واخطاء الفتاه جريمه :: موضوع نقاشي حواري


حتى في ارتكاب الأخطاء !!. نجد ان المجتمع يفّرق بين الشاب والفتاة .

فإذا ما تم ضبط شاب
وفتاة في وضع مخل أو وضع غير ذلك في مكان خاص او عام .
نرى الشباب يحصل على البراءة في فترة

وجيزة , ويتغاضى المجتمع عن أخطئه ويتناساه .

ونرى الشاب يواصل حياته وكأن شيئا لم يكن .
على الجانب الأخر ,يتعامل المجتمع مع البنت المخطئة على أنها
مجرمة , أو منحرفة , فهي أخطأت في حق

نفسها ,أسرتها ومجتمعها , ونجد الكل في حالة ترقب للنيل منها .
والحكم عليها بالإعدام , وتصبح منبوذة طيلة
حياتها , حتى فرصتها في الزواج تقل وقد تنعدم بعد أن تسقط من حسابات أي شاب يرغب او يسعى للزواج ..


وانا لااعني بكلامي هذا ان يتغااضى الانسان عن اخطاء
البشر سواء كان شاب او فتاه ولكن يجب ان يعطى الانسان فرصه اخرى بحياته ولكني اعني
بالرحمه والرفق بالفتاه

فان كان الله وهو خالق كل شي وفوق كل شي جل وعلا يرضى ويغفر للكافر الذي عمل وعمل

مايحلو له من ذنوب بعد توبته .. فنحن البشر لانستطيع ان نصفح ونجدد البسمه في حياة ناس ماتو وهم احياااء!!!

فهل من العدل تحتمل الفتاه - وحدها - هذا الوزر,وتدفع الثمن خطئها طوال عمرها .. ؟
مع أطيب تحياتي .........
دمـــــــــــوووع حـــــراااقــــــه:krkrkr:..........

 

[قـہۈه فـرنسيـہ™]

والله شنسوي ,,,

هذا المجتمع وهذي العادات والتقاليد....مانقدر نغيرهاااا لو شنووو

 

[أحلام العمر]

صح هذا مجتمعنا وعاداتنا وتقاليدنا البنت من يدري احد باهلها انها تكلم علي طول حرمان من كل شي اما
الولد فمحد حتي يكلمه
رغم ان الخطا واحد وعند الله كلهم بيتحسبون 000
الولد شايل عيبه اما البنت لا مصيبه علي اهلها
ليش ما تقولين ان احسن وحلوه هالقاعده علشان البنت قبل لا تغلط تحط 60 علامه قدامها

 

[روح الدنيا]

الغلط غلط على شاب و الا بنت .. هذا بالنسبه لي

 

[غلاااتي حياااتي]

هذا المجتمع عمرج ماراح تغيرينه
واحنا صرنا من هالمجتمع وتأثرنا فيه غصب
واقرب مثال اذا الوحده خطبها واحد يكلم واهي تدري انه يكلم وافقت وقالت يعقل باجر هذا طيش
اما لو نفس هالبنت راحت تخط بنت لاخوها وقالوالها انها تكلم تكنسل الفكره نهائي وكأن البنت مسويه اكبر جريمه فالدنيا

 

[ماكينتـ*زينة*ـوشة]

هذا بالعادات والتقاليد بس

انا بالنسبة لي مافي شي اسمة الشباب عادي يغلطون بدون حساب والبنت مو عادي السالفه مافييها شاب وبنت لان بالدين الكل راح يتحاسب على تصرفة فلازم نمشي على ديناا


مشكوورة

 

[العين الكحيله]

صح كلامج
وهذي عادات وتقاليد

واذا غلط الولد يقولون (((( الرجال شايل عيبـــــه))))

 

[sweet heart]

انا داشه الموضوع برد و بناقش من قررررريت السؤاااااااااال حاشتني حساسيه ..

لماذا اخطاء الشباب طيش !!! واخطاء الفتاه جريمه :: ؟؟؟؟؟!!!!!!!

سؤال مافيه اجابه والله و اذا فيه اجابه غير مقنعه بس كافي العادات و التقاليد الظالمه و كلمه (((( البنت سمعه ))))!!!!! ..

 

[Miss 7o7o]

العادات والتقاليد تحكم انا امس نزلت موضوع عن الفرق بين المرأة والرجل ولا احد قدر يجاوبني هذا شي مفروض علينا كمجتمع وحياة اجتماعيه شكرا على الموضوع النقاشي المميز

 

[Q8NV]

امس كنت اتكلم انا واهلي بالموضوع
بنات تبون الصج عادات وتقاليد ما تحرم وتحلل الغلط غلط وحلال حلال والحرام حرام
البنت لما تغلط نفس الولد الله ما حلل للولد وقاله روح انت شايل عيبك غلط وسو الغلط لا نفس العقاب للبنت وللولد لما تزني البنت نفس لما يزني الولد لما يخون الريال نفس ما تخون المره ماكو احد احسن من احد واذا عاداتنا وتقاليدنا تعصي دينا هذا شي ثاني ليش ما انربي اعيالنا ويا امهات تربون اعيالكم الغلط غلط سواء للبنت والا للولد شيلو كلمت الولد شايل عيبه انا ما اذكر بالقرأن مكتوب هالشي ولا بحديث الغلط غلط بس احنا انشجع لصبيان رياييل اذا غلط قالو شايل عيبه لا يبا الغلط غلط لا شايل عيبك ولا شي وقت الحساب جدام رب العالمين بقول والله انا ريال وشايل عيبي ؟؟؟؟
اذا عاداتنا وتقاليدنا تقول شجعو لصبيه وريال على الفساد والغلط وما همه الدين انا اول وحده ما تهمني العادات وتقاليد الغلط غلط ليش حطو قانون بالديره ليش المخافر جان قالو الريال شايل عيبه وعادي خل يغلط ويخون يزني ويغازل خل النربي البنت والولد ما كو واحد احسن من الثاني كلهم نفس الشي الغلط غلط وصح صح وترى وايد عادات قديمه غلط اندثرت وراحت بس الا هالعاده الي تخلي الريال يتمادى لصبي يخترب ولبنيه المظلومه

 

[cherry kisses]

ماكو سبب مقنع حتى بالدين مافيه هالشي
الريال والبنت واحد
بس مجتمعنا متخلللللللللللللللللللللللللللللللللف!!!
لو هالمبدا مو موجود الريال شايل عيبه
جان الكل مرتاح بحياته ومافي بلاوي لانه الاهل راح يحاسبون عيالهم الشباب مو مهيتيين و لاعبين لعب لانه شايل عيبه حمدالله والشكر
وتلقين وايد اهل يفرقون بالمعامله بعد
حمدالله اهلي مو جذي وان شاء الله باجر اذا صار عندي عيال مستحيل افرق والغلط عندي وااااااااحد لا صبي ولا بنيه

 

[Q8NV]

ماكو سبب مقنع حتى بالدين مافيه هالشي
الريال والبنت واحد
بس مجتمعنا متخلللللللللللللللللللللللللللللللللف!!!
لو هالمبدا مو موجود الريال شايل عيبه
جان الكل مرتاح بحياته ومافي بلاوي لانه الاهل راح يحاسبون عيالهم الشباب مو مهيتيين و لاعبين لعب لانه شايل عيبه حمدالله والشكر
وتلقين وايد اهل يفرقون بالمعامله بعد
حمدالله اهلي مو جذي وان شاء الله باجر اذا صار عندي عيال مستحيل افرق والغلط عندي وااااااااحد لا صبي ولا بنيه

صح كلامج حتى احنا الغلط واحد ماكو تفرقه بنت والا ولد والله لو احنا ما عندنا هالفكره المتخلفه لا طلاق ومغازل ولا خيانه وكل واحد عارف الصح من الغلط بس صج مجتمع متخلف البعض مو كل

 

[Search]

هذا يا عيوني لمكانة المراة الحساسة والمهمة بالمجتمع ولان مسؤوليتها كبيرة صدقيني المراة هي اساس المجتمعات لانها محور الاسره والاسره محور المجتمع الرئيسي ..............المراة لما تغلط عاطفتها ونفسيتها تخلي الخطا يلاحقها بشكل او بآخر بتأنيب ضمير وغيره وتقضي وقت تلوم نفسها فيه وتدمر طاقتها فيه ...........لكن الريال يصفح عن نفسه اسرع وينسى ويبدا من يديد

 

[الشمائل المحمدي]

غلطت الشاطر بعشره

 

[*أم*خالد*]

1 انا معاج وهذا ظلم

بس تبين السبب ؟

لأن الريال اهوا اللي يتقدم للخطبه .. وينرفض مره مرتين ثلاث اربع لين مايلقى وحده طايحه بجبد عمرها وتوافق عليه

ثاني شي الريال عنده مهم انه يكون أول واحد بحياة زوجته .. لكن المرأة مهم عندها انها تكون آخر وحده ويكون لها طول العمر

وبعدين الريال بقوته العضليه محد يقدر يجبره او يمنعه .. يعني لو مثلا انتي تعرفين انه اخوج الله لايقوله يشرب خمر شنو بتسوين له ؟
بتسكتين لأنه ماتقدرين توقفينه عند حده
بس لو كان الوضع معكوس ؟ اهوا يقدر يوقفج عند حدج ويمنعج من أي عمل يشوفه سيء

شوفي المتزوجات اللي رياييلهم يخونونهم يصبرون عليهم ليش ؟ لأنه لو يتطلقون صعب يلاقون ريال ثاني
بس الريال عادي يطلق الزوجه اللي تخونه لأنه راح يفتر على كل بيوت الكويت ليحد ما يلاقي البنت اللي ترضى تعيش وياه

هذا السبب

 

[*أم*خالد*]

سيرج .. مع احترامي لرأيج لكنه من وجهة نظري غلط بغلط

المرأة بمجتمعنا لا هي مهمه ولا بطيخ .. والدليل توه تدش المجلس ويعاملونها كـ بشر وقوانين الجنسيه فرقت بينها وبين الريال بأن رفعت بالريال الكويتي اللي يتزوج من غير كويتيه واهيه قطوها على صخر سليمه

المرأة لو اهيه عزيزة وحساسه جان ما مسكوها على الوحده .. لو مجرد نظره تطالع قالو عنها رايحه فيها .. والريال يكلم وعنده شقه وبلاوي زرقه يقولون طيش شباب ولمه يتزوج يعقل

كلامج رومانسي بس مو واقعي ولا حقيقي كلش

المرأة بمجتمعنا لمه تكون مو متزوجه .. الكل يطالعها ويقول ( فقيره ماتزوجت )
وين المكانه بذمتج ؟
عندهم اللي متزوجه واحد نسر وصابره عليه أحسن من المطلقه اللي عيونهم تلاحقها بالشبهات

اسطوانه الدينين اللي يبون المرأة تتخلى عن كل استقلاليتها عشان تكون تحت رحمة الرجل يسوي فيها اللي يبي على ابو ( مكانه المرأة )
ماتمشي علينا واحنا اللي شفنا اللي طاعت زوجها طاعه عميا شنو نهايتها

والتفرقه هذي احنا نكرهها بس شنسوي مجبورين عليها

يعني انا ما ارضى لنفسي اتزوج واحد سرسري .. وبنفس الوقت ما ادور حق اخوي وحده عندها علاقات سابقه

 

[دموووع حراااقه]

اشكركم جدا على ردووودكم اسعدتوني بمروووركم ونقاشكم
انا بقول لكم الشباب الحين ماعاد تلفوون واحد لازم تلفونين او ثلاثه يعني واحد للمغازل واحد لأهله وربعه والجهال الحين قاموا يشترووون تلفونات معناته هالشي او بالأحرى السبب هم الأهل لأن في قاعده عند بعض الأهل الولد لمن يشرب زقاير بسن صغير او يكلم بنات او يبوووق سيارت ابوه يقووولووون طايش وانشالله يكبر ويعقل لاكن اهم بالطريقه هاذي دمروووهم ........اما احنا يالمساكين بس يسير شي منا من غير قصد يمنعونه من كل شي ...
بس اهم بالطريقه هاذي قاعد اخالفوووون الدين وهذا حرااام واهم مو على كيفهم يحلللووون ويحررررمووون .....
لي متى واحنا نمشي ورى العدات والتقاليد
ما اقوووول ننسى عاداتنا وتقاليدنا لاكن نستخمها بالشي الصح .....
مع تحياتي........
...دمـــــــوووع حـــــراااقــــه...........:krkrkr:

 

[ام _خلودي]

تبين تعرفين وين المشكله

المشكله فينا احنا وطريقة تربيتنا امهاتنا ربونا على انه الولد شايل

عيبه والبنت اذا غلطة الغلطه تنحسب عليها وعلى عائلتها طول العمر

يعنى بمعنى احنا مجتمع تحكمنا العاده وليست العقيده

بس الحل موجود الحل بيدى وبيدج وبيد كل الامهات الصغار

خلوناا نغير طريقة تربيتنا خصوص لذكور نفس مالبنت تتحاسب لازم الولد يتحاسب

بمعنى اذا امى دشت على ولدها وسمعتهاا يكلم بنت بتلفون تكون رده فعلها مماثله تمام

لرده فعلها لو كانت داشه على بنتها مو تكتفى بكلمتين وتمشى لالا الحرام حرام

وربكم قال الزانى والزانيه يعنى اذا العقاب من رب العالمين كان واحد

كذلك لازم العقاب من الوالدين والمجتمع يكون واحد

 

[*آحلى قمر*]

انا بالنسبة ليا كلهم واحد

بس انتبهت لحاجة لما تقولوا المجتمع دائما بيقول الولد شايله عيبه

بنات كيف شايل عيبه

وهو اللي بيعمله حيصير يا على اخته او بنته او زوجته

كما تديييييييييييييييييييييييييين تداااااااااااااااان

الشيء اللي بيسويه حيصير على محارمه

الدنيا دين رضاها لبنت الناس


ونسي ان عنده اخوات او ام او زوجة او بنات نسي المستقبل

بناته كيف حيكون حالهم

انا هذا راي كلهم واحد مافي احد شايل عيبه الخطأ خطأ سواءا ولد او بنت

والله يهدي الجميع

 

[Q8NV]

تبين تعرفين وين المشكله

المشكله فينا احنا وطريقة تربيتنا امهاتنا ربونا على انه الولد شايل

عيبه والبنت اذا غلطة الغلطه تنحسب عليها وعلى عائلتها طول العمر

يعنى بمعنى احنا مجتمع تحكمنا العاده وليست العقيده

بس الحل موجود الحل بيدى وبيدج وبيد كل الامهات الصغار

خلوناا نغير طريقة تربيتنا خصوص لذكور نفس مالبنت تتحاسب لازم الولد يتحاسب

بمعنى اذا امى دشت على ولدها وسمعتهاا يكلم بنت بتلفون تكون رده فعلها مماثله تمام

لرده فعلها لو كانت داشه على بنتها مو تكتفى بكلمتين وتمشى لالا الحرام حرام

وربكم قال الزانى والزانيه يعنى اذا العقاب من رب العالمين كان واحد

كذلك لازم العقاب من الوالدين والمجتمع يكون واحد

كلامج صحيح وهذا المفروض يصير