السلام عليكم و رحمة الله و بركاته
بصراحه على كثر هالكتب الي موجوده ! ما تلقون الي تبونه !
و بالنسبه لي نادر القى كتاب ابيه و يكون ممنوع !
و جرير و معرض الكتاب بيطفحون من الكتب , بس مو مال تروحين من غير لا تعرفين شنو تبين لأن بتضيعين و بتحسين بشعور مادري شلون صاير
حلاته تروحين و تقولين ابي جذي و جذي و جذي و اذا لقيتي شي حلو تشترينه
و الرقابه الي سمعت عنهم عن جم كتاب ان صج من حقهم ان يمنعونه و بصراحه الكاتب يمنعون كتابه و يشتهر الكتاب اكثر
و الي ما يقرا تلقون يدور الكتاب و يقرا بس عشااان يشوف ليــــــــــــــــــــــش ممنووووووع !
صج شايفه هالنوعية من الناس يعني مو يصادف هو يبي الكتاب لا بعد ما عرف عن المنع حط الكتاب براسه :s
و فيرجن فيه بعد مجموعه حلوة من الكتب الاجنبية اشكال و الوان و بعضهم صج احس المفروض ينمنعون بس كاهم ينباعون !
كل شي تقدرين تلقينه مثل ما قالت بالنت , و ما يمنعون الا لسبب و مرات منع مؤقت يعني بعد فترة و بيرد ينزل
منع الكتب شي له داعي برأيي , خصوصا اذا شي يأثر على الايمان و الوطنية
يعني لا صار كتاب نص الي فيه احاديث مكذوبة و لا كتاب همه الفضايح
بيزعزع ايمانج او وطنيتج
يعني خصوصا الي يقرا و اولريدي ما عنده ذاك الوازع الديني او الخلفية الشرعية عشان يعرف ان هذا صج و لا لا
و بالنسبه للوطنيه , البعض يحب يشهر و يتكلم و يتفلسف و اخرته ما رده لخير هالديرة
لكن يحب يستعرض ان انا فلان و انا سويت و هذيلا سوو
خصوصا لا تعرض لناس مهما كان هو مو قدهم ان يكتب عنهم
بس بالاخير حتى منع الكتب يعتبر دعاية و اعلان للكتب نفسها
